အမေရိကန်ပြည်ထောင်စုဟာ တရုတ်နိုင်ငံအပေါ် တပ်အင်အားပြသတဲ့အနေနဲ့ ပိုင်ဆိုင်မှု အငြင်းပွားနေတဲ့ တောင်တရုတ်ပင်လယ်ပြင်အတွင်း လေယာဉ်တင်သင်္ဘောနဲ့ တခြား အစောင့်ရေယာဉ် အများအပြား စေလွှတ်ထားပါတယ်။
အမေရိကန်လေယာဉ်တင်သင်္ဘော John C. Stennis နဲ့ တခြား ဖျက်သင်္ဘော ၂ စင်းအပြင် တခြား တိုက်ရေယာဉ်တချို့ဟာ အငြင်းပွားနေတဲ့ ရေပိုင်နက်ထဲကို အခုသီတင်းပတ် အစောပိုင်းက ရောက်ရှိသွားခဲ့တာပါ။ တခြား အမေရိကန်အလံတင် သင်္ဘောတစင်းလည်း အဲဒီဒေသမှာ ရှိနေတယ်လို့ ဆိုပါတယ်။
တောင်တရုတ်ပင်လယ်ပြင် ဒေသအားလုံးနီးပါးကို တရုတ်တို့က ပိုင်ဆိုင်ကြောင်း ပြောဆိုနေတာပါ။ တရုတ်နိုင်ငံဟာ ဒေသတွင်းက တခြား ၆ နိုင်ငံနဲ့ ပိုင်ဆိုင်မှု အငြင်းပွားနေတဲ့ ဒေသတွေမှာ စစ်ရေးတည်ဆောက်မှုတွေ လုပ်ဆောင်နေတယ်လို့ အမေရိကန်က စွပ်စွဲ ပြောဆိုနေတာပါ။
အဲဒီ စွပ်စွဲချက်ကို တရုတ်ဘက်က ငြင်းဆိုထားပြီး အခြေအနေတွေ တင်းမာလာအောင် အမေရိကန်ပြည်ထောင်စုက လုပ်ဆောင်နေတယ်လို့ ပြောပါတယ်။
တရုတ်နိုင်ငံဟာ သူ့ရဲ့ ပိုင်ဆိုင်ကြောင်း ပြောဆိုမှုတွေ ခိုင်မာစေအောင် အဲဒီဒေသမှာ ကျွန်းအတုတွေ တည်ဆောက်နေပါတယ်။
ဗွီအိုအေ (မြန်မာပိုင်း)
http://burmese.voanews.com
တောင်တရုတ်ပင်လယ်မှာ ကန်ရေတပ် အင်အားပြ
Reviewed by THITHTOOLWIN
on
10:27
Rating:
Reviewed by THITHTOOLWIN
on
10:27
Rating:
