ရန်ကုန်တိုင်းတွင် အသုံးပြုမည့် ၂၀၁၆-၂၀၁၇ ခုနှစ် ဘတ်ဂျက်ငွေများကို ပထမအကြိမ် လွှတ်တော်မှ အတည်ပြု ပေးထားသည့်အတိုင်း သုံးစွဲရမည်


၂၀၁၆ ခုနှစ် အစိုးရသစ် တာဝန်လွှဲယူမှု နောက်ကျနေသည့်အတွက် ရန်ကုန်တိုင်း ဒေသကြီးတွင် အသုံးပြုမည့် ၂၀၁၆-၂၀၁၇ ခုနှစ် ဘတ်ဂျက်ငွေများကို ပထမအကြိမ် လွှတ်တော်မှ အတည်ပြု ပေးထားသည့်အတိုင်း သုံးစွဲရမည်ဖြစ်ကြောင်း သိရှိရသည်။

“အစိုးရ အလွှဲအပြောင်းကာလ နောက်ကျသွားတဲ့အတွက် မနှစ်က လွှတ်တော်က အတည်ပြုထားတဲ့ ဘတ်ဂျက်ကိုပဲ အတည်ပြု သုံးစွဲရမယ့် အခြေအနေမှာ ရှိနေတယ်။ ကျွန်တော်တို့လည်း အစည်းအဝေးတော့ လုပ်နေပါ တယ်” ဟု လှိုင်သာယာမြို့နယ် မဲဆန္ဒနယ်အမှတ် ၂ မှ တိုင်းဒေသကြီး ကိုယ်စားလှယ် ဦးမြတ်မင်းသူက ပြောသည်။

ရန်ကုန်တိုင်းဒေသကြီးတွင် ၂၀၁၆-၂၀၁၇ ဘဏ္ဍာနှစ်အတွင်း စီမံကိန်းများ ဖော်ဆောင်ရန်အတွက် ၃၃၆.၂၁၈၅၇ ဘီလီယံသုံးစွဲရန် လျာထားကြောင်း ရန်ကုန်တိုင်းဒေသကြီး အစိုးရအဖွဲ့မှ ဘဏ္ဍာရေးဝန်ကြီး ဒေါ်စန်းစန်းနွယ်က ဖေဖော်ဝါရီ ၁၅ ရက်က ကျင်းပသည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ပထမပုံမှန် အစည်းအဝေး ဒုတိယနေ့တွင် အဆိုတင်သွင်းခဲ့ကြောင်း သိရသည်။

ရန်ကုန်တိုင်းဒေသကြီး အစိုးရအနေဖြင့် ၂၀၁၆-၁၇ ဘဏ္ဍာရေးနှစ်အတွင်း အခွန်အကောက်ရငွေ ၃၄.၁၂၀၈၅ ဘီလီယံ၊ ကုန်သွယ်လုပ်ငန်းခွန်ရငွေ ၃၇.၉၇၆၃၂၇ ဘီလီယံ၊ ပြည်ထောင်စု အစိုးရမှ ထောက်ပံ့ငွေ ၄၅.၃၅၈ ဘီလီယံ၊ ပြည်ပချေးငွေများမှရငွေ ၄၂.၅၃၆ ဘီလီယံ၊ သာမန်ရငွေ ၉၇.၈၇၄၃ ဘီလီယံ၊ ငွေလုံးငွေရင်းရငွေ ၂၆.၅၄၁၈၅၉ ဘီလီယံ၊ ပြည်ပ အကူအညီရငွေ ၁.၈၁၁၂၃ ဘီလီယံ၊ စုစုပေါင်း ၃၃၆.၂၁၈၅၇ ဘီလီယံရရှိရန် လျာထားကြောင်း သိရသည်။

ရန်ကုန်တိုင်းဒေသကြီး အစိုးရ၏ အသုံးစရိတ်အနေဖြင့် လစာ၊ ပင်စင်နှင့် ချီးမြှင့်ငွေ ၄၃.၂၀၃၉၅၅ ဘီလီယံ၊ လွှတ်တော် ကိုယ်စားလှယ်များ ဒေသဖွံ့ဖြိုးရေးအတွက် ၄.၅ ဘီလီယံ၊ စိုက်ပျိုးရေ ရရှိရေး ဆောင်ရွက်ရန် ၆.၅၄၀၇၉ ဘီလီယံ၊ သဘာဝဘေးအန္တရာယ် ကာကွယ်ရေးလုပ်ငန်းများ ဆောင်ရွက်ရန် ၂.၁၂၃၁၅ ဘီလီယံ၊ ပြည်ပချေးငွေပြန်ဆပ်ရန် ၇.၃၁၁၅၀၈ ဘီလီယံတို့ကို လျာထားကြောင်း သိရသည်။

“ပေးထားတဲ့ ဘတ်ဂျက်က အခုပြည်ထောင်စု လွှတ်တော်မှာ ဆွေးနွေးခဲ့ပြီးပြီ။ ရန်ကုန်တိုင်းဒေသကြီး မှာတော့ သက်ဆိုင်ရာ ကော်မတီတွေဖွဲ့မယ်။ ကျွန်မလည်း ဘယ်ကော်မတီမှာ ကျမလဲ မသိသေးဘူး။ ပြီးတဲ့အခါကျတော့မှ တိုင်းဒေသကြီး အစိုးရအဖွဲ့ကနေ ဘတ်ဂျက်ငွေတွေ တောင်းကြည့်ရမယ်။ တောင်းကြည့်ပြီးမှပဲ သူတို့ ဘယ်လိုသုံး ထားလဲဆိုတာ ဆွေးနွေးနေတယ်” ဟု ရန်ကုန်တိုင်းဒေသကြီး လွှတ်တော် ဘဏ္ဍာရေး၊ စီမံကိန်းနှင့် စီးပွားရေး ကော်မတီ ဥက္ကဋ္ဌ ဆိပ်ကြီးခနောင်တို မဲဆန္ဒနယ် အမှတ် ၁ ကိုယ်စားလှယ် ဒေါ်စန္ဒာမင်းက ပြောသည်။

ထို့အပြင် ၂၀၁၆-၁၇ ဘတ်ဂျက်တွင် ကျေးလက်ဖွံ့ဖြိုးရေး ဆောင်ရွက်ရန် တစ်ဘီလီယံ၊ ခုံးကျော်တံတားနှစ်စင်း တည်ဆောက်ရန် ၃၂.၂ ဘီလီယံ၊ အခြေခံအဆောက်အအုံများ ဖွံ့ဖြိုးတိုးတက်ရေး ဆောင်ရွက်ရန်၊ လမ်းများခင်းခြင်းနှင့် တံတားများ တည်ဆောက်ရေးအတွက် ၄၉.၇၁၅၁၆၇ ဘီလီယံ၊ သောက်သုံးရေ ရရှိရေးဆောင်ရွက်ရန် ၆၄.၅၃၄၉၄၄ ဘီလီယံ ရရှိရန်သုံးစွဲရန် လျာထားကြောင်း သိရသည်။

သတင်း - MMK
The Ladies News
https://www.facebook.com/News.TheLadies

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ