ပြည်ပလုပ်သားသစ် ခေါ်ယူမှုကို ချက်ချင်းရပ်ဆိုင်းတော့မယ်လို့ မလေးရှား ဒုဝန်ကြီးချုပ်ပြော

နိုင်ငံအတွင်းကို ပြည်ပလုပ်သားသစ်ခေါ်ယူခန့်ထားတာကို ချက်ချင်းရပ်ဆိုင်းတော့မယ်လို့ မလေးရှားနိုင်ငံက စနေနေ့တုန်းက ကြေညာလိုက်ပါတယ်။

သောကြာနေ့၊ အစိုးရအဖွဲ့ ဆွေးနွေးပွဲ အပြီး ထုတ်ပြန်တဲ့ ဒီဆုံးဖြတ်ချက်မှာ အိမ်တွင်းလုပ်သား၊ ဒါမှမဟုတ် အိမ်အကူကဏ္ဍကိုတော့ ရပ်ဆိုင်းမှာမဟုတ်ဘူးလို့ မလေးရှားဒုတိယ၀န်ကြီးချုပ် အာမက် ဇာဟစ် ဟာမီဒီကပြောပါတယ်။

ရှိရင်းစွဲ ပြည်ပအလုပ်သမားတွေကို ခန့်ချင်တဲ့အလုပ်ရှင်တွေအနေနဲ့ အဲ့ဒီ့အလုပ်သမားတွေရဲ့ လုပ်ငန်းခွင် သက်တမ်းကုန်တာတောင် ဆက်ပြီးခန့်ထားခွင့်ရှိတယ်လို့ ဒုတိယ၀န်ကြီးချုပ်က ပြောပါတယ်။

ဒါ့ကြောင့် ဘင်္ဂလာဒေ့လုပ်သား တစ်သန်းခွဲကို ခေါ်ယူမယ့် ကနဦးအစီအစဉ်လည်း ပျက်မယ့်လို့ ဆိုလိုရာရောက်နေပါတယ်။ တရားမ၀င်ပြည်ပလုပ်သားတွေကို ကာကွယ်တယ်လို့ အပြစ်ရှိတဲ့ အလုပ်ရှင်နဲ့ အေးဂျင့်တွေဟာ ကြိမ်ဒဏ်ခံရမှာဖြစ်ပါတယ်။ ဒဏ်ကြေးကောက် တာဟာ အလုပ်ရှင်နဲ့အေးဂျင့်တွေ တရားမ၀င်အလုပ်သမားတွေကို ခေါ်ယူနေတာအတွက် သက်ရောက်မှုမရှိလို့ တရားရုံးတွေကနေ ပြစ်မှုကျူးလွန်သူတွေကို ကြိမ်ဒဏ်ချမှတ်မှာဖြစ်တယ်လို့ အာမက်ဇာဟစ်က ပြောပါတယ်။

မလေးရှားအစိုးရဟာ ပြည်ပလုပ်သားခန့်အပ်တဲ့လုပ်ငန်းစဉ် ကနေ အမြတ်ထုတ်ဖို့ ကြိုးစားနေတယ်ဆိုတဲ့ စွပ်စွဲချက်တွေကိုဖယ်ဖို့ အခုလိုပြစ်ဒဏ်ကို ကျင့်သုံးမှာလို့လည်း သူက ပြောပါတယ်။

အလုပ်ရှင်တွေအနေနဲ့ ပြည်ပလုပ်သားတွေကိုတရားဝင် မှတ်ပုံတင်ခွင့် ဇွန်လ ၃၀ ရက်မတိုင်ခင်အထိ ရှိမှာဖြစ်ပြီး ပြည်ပလုပ်သားကို ခန့်ချင်တဲ့အလုပ်ရှင်တွေအနေနဲ့ မလေးရှား အလုပ်သမားများအဖွဲ့ချုပ်၊ မလေးရှားကုန်သွယ် သမဂ္ဂကွန်ဂရက်စ်နဲ့ မလေးရှား ထုတ်လုပ်သူများအဖွဲ့ချုပ်ထံမှာ လျှောက်နိုင်တယ်လို့ အာမက် ဇာဟစ်ကပြောပါတယ်။

For Info News
https://www.facebook.com/forinfo