Valentine’s Day မြန်မာနိုင်ငံမှာ ဘာကြောင့် ရေပန်းစားနေသလဲ

နယူးရီးယားပြီးလို့ တပတ်လောက်နေတာနဲ့ လူမှုကွန်ရက်အွန်လိုင်းပေါ်မှာ တာစူနေကြတာကတော့ ဖေဖော်ဝါရီလ ၁၄ ရက်မှာကျရောက်မယ့် ချစ်သူများနေ့ပွဲတော်ပါပဲ။ စီးပွားရေးလုပ်ငန်းရှင်များကလည်း အချိန်ကိုက်လှုံ့ဆော်လာကြသလို လူငယ်အများစုကလည်း ကြိုတင် တက်ကြွစိုင်းပြင်းနေကြတာ တွေ့မြင်နေရပါတယ်။
ကျွန်တော်တို့နိုင်ငံကို ချစ်သူများနေ့ဆိုပြီး စတင်ရောက်ရှိလာတာ ၁၉၉၆-၉၇ လောက်ကလို့ ထင်မှတ်ပါတယ်။ ချစ်သူများနေ့ဆိုပြီး တေးစီးရီးတွေစတင်ထုတ်လုပ်ဖြန့်ချိရာကနေ သီချင်းခွေများပေါက်ပြီး လူငယ်ထုကြား ပိုမို သိရှိရေပန်းစားလာခဲ့တယ်လို့ ပြောလို့ရပါတယ်။ အရင်က အနောက်တိုင်းနိုင်ငံတွေမှာသာ ခေတ်စားခဲ့တဲ့ ချစ်သူများနေ့ဟာ စီးပွားရေးသမားတွေရဲ့ လှုံ့ဆော်ဖန်တီးမှုကနေ အာရှကို ကူးစက်လာပြီး နောက်ပိုင်း မြန်မာနိုင်ငံထိ ရောက်ရှိလာတာပဲ ဖြစ်ပါတယ်။

ဒီချစ်သူများနေ့ ကျင်းပတာနဲ့ပတ်သက်ပြီး မပြောခင် ချစ်သူများနေ့ပေါ်ပေါက်လာပုံလေးကို ပြောပြချင်ပါတယ်။ အမှန်အတိုင်းပြောရရင် ယနေ့ထိ ကျွန်တော်တို့နိုင်ငံကလူငယ်တွေဟာ ချစ်သူများနေ့ဆိုတာ ဘယ်လိုဖြစ်ပေါ်လာတယ်ဆိုတာသိတဲ့သူ အင်မတန်နည်းမယ် ထင်ပါတယ်။ ဒါကြောင့် ကျွန်တော်ဖတ်ဖူးခဲ့တဲ့ ဆရာအတ္တကျော်ရေးထားတဲ့ ဆောင်းပါးထဲမှ ဗယ်လင်တိုင်းဒေး ပေါ်ပေါက်လာပုံလေးကို ယနေ့လူ ငယ်များသိအောင် အကျဉ်းချုပ် အရင်ပြောပြချင်ပါတယ်။
ခရစ်ယာန်အာဇာနည်တွေထဲမှာ ဗယ်လင်ထိုင်းဆိုတဲ့ နာမည်နဲ့သူတွေမရေမတွက်နိုင်အောင် များပြားလှတယ်။ အဲဒီ့ထဲကမှ ဒဏ္ဍာရီလာ ဗယ်လင်ထိုင်းဘွဲ့ခံသူတော်စင်တပါးအကြောင်းကတော့ ဒီလိုပါ။ စစ်တပ်ကို ချဲ့ထွင်ချင်တာမို့ အရွယ်ရောက်သူအမျိုးသားတွေကို အိမ်ထောင်ပြုခွင့်ပိတ်ပင်ထားတဲ့ ရောမဧကရာဇ် ဒုတိယမြောက် ခလောဒစ်ယပ်(စ်)ရဲ့ အမိန့်ကိုဖီဆန်ပြီး လူငယ်လေးတွေကို လျှို့ဝှက်လက်ထပ်ပေးခဲ့ဖူးတယ်လို့ အဆိုရှိပါတယ်။ ဒါကို ဘုရင်ကြီးသိသွားတော့ သူ့ကိုဖမ်းဆီးပြီး ထောင်သွင်းအကျဉ်းချ ကွပ်မျက်လိုက်ပါတော့တယ်။ ဒါက သိပ်မခိုင်လုံလှတဲ့ ပါးစပ်ရာဇ၀င်ပါ။

သူ့ထက် နည်းနည်းလေးပိုခိုင်လုံတဲ့ ဒဏ္ဍာရီမှာကျတော့ ဘုရင်ခလောဒစ်ယပ်(စ်)က ဘုန်းတော်ကြီးဗယ်လင်ထိုင်းကို ခရစ်ယာန်ဘာသာဝင်ဖြစ်လို့မို့ တရားစွဲဆိုပြီး ကိုယ်တော်တိုင် အမှုစစ်ခဲ့တယ်လို့ အဆိုရှိပါတယ်။ အမှုစစ်ရင်းက ဘုန်းတော်ကြီးကို ဘုရင်က အထင်ကြီးသွားပြီး Paganism လို့ ခရစ်ယာန်ဘာသာဝင်တွေကခေါ်တဲ့ ဗာဟီရ၀ါဒကို ကူးပြောင်းမယ်ဆိုရင်ဖြင့် အသက်ကိုချမ်းသာပေးမယ်လို့ ကမ်းလှမ်းခဲ့ပါသတဲ့။ ဘုန်းတော်ကြီးဗယ်လင်ထိုင်းက အဲလိုကမ်းလှမ်းတာကို ငြင်းပယ်ပြီး ဘုရင်ကိုသာ ခရစ်ယာန်ဘာသာပြောင်းဖို့ တိုက်တွန်းပါတယ်။ ဒါနဲ့ပဲ နောက်ဆုံးမှာ သူ့ကိုဘုရင်က ကွပ်မျက်လိုက်ပါတယ်။ မကွယ်လွန်ခင်မှာ ဘုန်းတော်ကြီးဗယ်လင်ထိုင်းဟာ ထောင်မှူးရဲ့သမီးလေး မျက်စိကွယ်နေတာကို သူ့တန်ခိုးနဲ့ စက္ခုနှစ်ကွင်း အလင်းရအောင် ကုသပေးခဲ့ပါသေးသတဲ့။
အဲဒါကိုပဲ သမိုင်းအခြေခံတစက်မှမပါတဲ့ စီးပွားရေးသမားများက ၀ါဒဖြန့်လိုက်တဲ့အခါ ဇာတ်ကနည်းနည်းပိုနာသွားတယ်။ အဲဒီ့ဘုန်းကြီး ဗယ်လင်ထိုင်းကိုမကွပ်မျက်ခင် ညဦးပိုင်းမှာသူက သူချစ်တဲ့မိန်းကလေးလို့လည်းဆိုရဲ့၊ တချို့ကလည်း သူနဲ့ခင်သွားပြီး သူကပဲ မျက်စိမြင်အောင် ကုပေးခဲ့တဲ့ ထောင်မှူးရဲ့သမီးလေးလို့လည်းဆိုရဲ့၊ တချို့ကလည်း အဲဒီ့နှစ်ယောက်စလုံးပါလို့ ပြောကြရဲ့၊ အဲ . . . အဲဒီ့မိန်းကလေးတွေဆီကို ကမ္ဘာ့ပထမဆုံး ဗယ်လင်ထိုင်းကတ်ပြားလေးကို ဘုန်းတော်ကြီးက စရေးခဲ့ တာဖြစ်သွားတယ်။ သေခါနီးမှာတမ်းစာလေးပေါ့ခင်ဗျာ။ စာရဲ့အဆုံးမှာတော့ မင်းရဲ့ဗယ်လင်ထိုင်းထံမှ အင်္ဂလိပ်လိုတော့ From Your Valentine ပေါ့၊ အဲလိုလေးရေးထားပါသတဲ့။ ဘာသမိုင်းအထောက်အထားမှမရှိဘဲ လိုရာတွေးကာ ချဲ့လိုက်ကြတာပါ။

ကဲ ဒါပါပဲ။ ဗယ်လင်တိုင်းဒေး ပေါ်ပေါက်လာပုံကိုကြည့်ရင် ဘာသမိုင်းအထောက်အထားမှမရှိဘဲ လိုရာတွေးကာ ချဲ့လိုက်ကြတယ်ဆိုတာ ထင်ရှားနေပါတယ်။ ပထမပိုင်းကတော့ ကဗျာလေးတွေရေးပို့တာတို့၊ ပို့စ်ကတ်လေးတွေ အချင်းချင်း အမှတ်တရပို့ကြတာတို့ လုပ်ခဲ့ကြပါတယ်။ နောက်ပိုင်းကျတော့ ချောကလက်တွေ၊ နှင်းဆီပန်းတွေ လက်ဆောင်ပေးတာတွေ ခေတ်စားလာပါတယ်။ ၁၉၈၀ နောက်ပိုင်းမှာ တော့ စီးပွားရေးလုပ်ငန်းရှင်တွေက ဈေးကွက်တခုအဖြစ် မြင်လာကြပြီး စိန်ရတနာတွေ၊ ရွှေထည်စ္စည်းတွေနဲ့ အခြားလူသုံးကုန်ပစ္စည်းတွေပါ လက်ဆောင်ပေးတဲ့ အလေ့အထများ ပေါ်ပေါက်လာအောင် လုပ်ဆောင် လာကြပါတော့တယ်။
အထက်ပါအကြောင်းအရာများကို ကြည့်ခြင်းအားဖြင့် ဗယ်လင်တိုင်းဒေးဆိုတာ ဘယ်သူတွေရဲ့စနက်ကြောင့် ခုလိုပေါ်ပေါက်ထင်ရှားလာသလဲဆိုတာ တွေ့ရမှာပါ။
ယနေ့မြန်မာနိုင်ငံက ကျွန်တော်တို့ လူငယ်များဟာလည်း ဘုမသိဘာမသိနဲ့ရောရောင်ပြီး စီးပွားရေးသမားတွေရဲ့ မှိုင်းသွင်းခံနေရပါတယ်။ချစ်သူများနေ့ရောက်တာနဲ့ လူငယ်တွေဟာ ပိုက်ဆံတွေသောက်သောက်လဲ အကုန်ခံပြီးလက်ဆောင်တွေ ပေးကြပါတော့တယ်။

အဓိက,ကတော့ ဗယ်လင်တိုင်းဒေးဆိုတာ စီးပွားရေးလုပ်ငန်းရှင်တွေရဲ့ သူတို့ကုန်ပစ္စည်းတွေရောင်းချရရေးအတွက် လူငယ်တွေကို အသုံးချလိုက်တာပါပဲ။ အဲဒီနေ့အတွက် စီးပွားရေးလုပ်ငန်းတွေဟာ သူတို့ရဲ့ ပစ္စည်းတွေ ပြတ်ထွက်သွားသည်အထိ ရောင်းချရပါတယ်။ ချောကလက်တို့၊ ပန်းစည်းတို့ဆိုရင် ဈေးနှစ်ဆ သုံးဆလောက်အထိ တက်သွားပါတယ်။ ကျွန်တော်တို့ မန္တလေးက တက္ကသိုလ်မိန်းလမ်းဖြစ် တဲ့ ၇၃ လမ်းပေါ်ဆိုရင် လက်ဆောင်ပစ္စည်းအမျိုးမျိုးရောင်းချတဲ့ ဆိုင်တွေဟာ တိုးမပေါက်အောင်ပါပဲ။ လူငယ်တွေဟာလည်း နှမြောရကောင်းမှန်းမသိတော့ဘဲ သူ့ထက်ငါအပြိုင်အဆိုင် လက်ဆောင်ပစ္စည်းတွေပေးကြပါတော့တယ်။ စီးပွားရေးသမားတွေအတွက်တော့ တကယ့်လာဘ်ရွှင်တဲ့ ရက်ရာဇာရက်ကြီးပါပဲ။
ချစ်သူများနေ့မှာ ပို့စ်စကတ်တွေ၊ ချောကလက်တွေ၊ ပန်းစည်းတွေ ပေးတာလောက်ကတော့ ဘာကိစ္စမှမရှိပါ။ ကိစ္စရှိတာကတော့ ဒီဗယ်လင်တိုင်းဒေးနေ့မှာ ချစ်သူစုံတွဲတွေ ဟိုတယ်တည်းခိုခန်းသွားပြီး ချစ်ပွဲဝင်ကြတာပါပဲ။ ဘယ်သူကများအစပြုခဲ့လဲတော့ မသိပါ။ ဟုတ်သလား မဟုတ်သလားဆိုတာကတော့ အဲ့ဒီဗယ်လင်တိုင်းဒေးမှာ မြန်မာနိုင်ငံမှာရှိတဲ့ ဟိုတယ်တည်းခိုခန်းတွေ၊ အခန်းလွတ်မရှိအောင် အားပေးကြတာက သက်သေခံနေပါတယ်။

အဲ့ဒီရက်မတိုင်ခင် တပတ်လောက်ကတည်းက ကြိုတင်အခန်းမှာကြလို့ အခန်းအားလုံးကုန်ပါတယ်လို့ အသိဟိုတယ်ဝန်ထမ်းတဦးက ပြောပြဖူးပါတယ်။
ဒါ့အပြင် ချစ်သူများနေ့မှာ ဆေးဆိုင်တွေမှာ ကိုယ်ဝန်တားဆေးတွေ၊ လိင်စိတ်ကြွဆေးတွေ အရမ်းရောင်းရတယ်လို့လည်း သိရပါတယ်။ လာဝယ်ကြသူတွေထဲမှာ လူငယ်တွေများပြီး အရွယ်မရောက်သေးတဲ့ လူငယ်တွေတောင် ပါတယ်လို့သိရပါတယ်။

တည့်တည့်ပြောရရင်တော့ ချစ်သူများနေ့မှာ မြန်မာအမျိုးသမီးကောင်းလေးတွေ ပန်းကောင်းအညွှန့်ကျိုးဖြစ် ကြရပါတယ်။ အဲ့ဒီချစ်သူများနေ့မှာ မြန်မာအမျိုးသမီးငယ် ထောင်ဂဏန်းကျော်ဟာ အပျိုစင်ဘ၀ကို စွန့်လွှတ်ကြရတယ်လို့ NGO အဖွဲ့အစည်းတခုက ပြောပြတာ ကြားဖူးပါတယ်။ ဒါကြောင့်လည်း မြို့ပြမှာ နေထိုင်သူ အရွယ်ရောက်ပြီး အမျိုးသမီးငါးဦးမှာ လေးဦးက အပျိုစင်မဟုတ်ကြတော့ဘူးလို့ စစ်တမ်းတရပ်က ဖော်ထုတ်ခဲ့တာဟာ မဖြစ်နိုင်ဘူးလို့ ငြင်းဖို့ခက်နေပါတယ်။ ပြီးတော့ကျွန်တော်တို့ မြန်မာလူငယ်အများစုဟာ ကျန်းမာရေးဗဟုသုတနဲ့ပတ်သက်ပြီး အင်မတန် အားနည်းပါတယ်။ ဒါကြောင့် အကာအကွယ်မဲ့ လိင်ဆက်ဆံကြတာကနေ ဘီပိုး၊ စီပိုးတွေ၊ ကာလသားရောဂါတွေ၊ HIV, AIDS လို ရောဂါမျိုးတွေအထိ ကူးစက်နိုင်တယ်ဆိုတာ လူငယ်တွေသိဖို့လိုအပ်ပါတယ်။ ဒီရောဂါတွေဟာ တကြိမ်တခါဆိုပြီး ခွင့်လွှတ်နိုင်တဲ့အရာတွေ မဟုတ်ပါ။ မိမိချစ်သူဟာ ဘယ်လောက်သန့်တယ်ဆိုတာ ဘယ်သူမှ မသိနိုင်ပါ။

ဒီချစ်သူများနေ့နဲ့ပတ်သက်ပြီး လူငယ်တွေအသိထဲ ဘယ်လောက်မှိုင်းတိုက်ခံရသလဲဆိုရင် အဲဒီနေ့မှာ မိမိချစ်သူအပေါ်မှာ အလိုမလိုက်ရင်ဘဲ မချစ်သယောင်ဖြစ်အောင် လွဲမှားတဲ့အသိတွေ အသွင်းခံနေရတာပါပဲ။ အကာအကွယ်မဲ့ လိင်ဆက်ဆံပြီး ရောဂါတွေကူးစက်ကြ ကိုယ်ဝန်တွေရှိကြပြီး ကောင်လေးကမယူနိုင်လို့ ဘ၀တွေပျက်ကြ မိမိဘာသာသတ်သေတဲ့အထိဖြစ်ကြနဲ့ ချစ်သူများနေ့ဟာ ကျွန်တော်တို့နိုင်ငံအတွက်တော့ လူငယ်လေးတွေ အညွှန့်ကျိုတဲ့နေ့ ဘ၀ပျက်စေတဲ့ နေ့ဆိုးရက်ဆိုးကြီးလို့ပြောရင် လွန်မယ်မထင်ပါ။
ယခု ကျေးလက်ဒေသတွေအထိ ဒီချစ်သူများနေ့ရောဂါကြီးဟာ ကူးစက်ပျံ့နှံ့နေပြီး အခြေခံကျောင်းများက ကလေးငယ်များအထိ ပါဝင်ဆင်နွှဲနေကြပါတယ်။ အဲဒီနေ့အတွက်ဆိုရင် တနိုင်ငံလုံးက လူငယ်အားလုံးဟာ ကဲကဲလှုပ် ၀က်ဝက်ကွဲဆင်နွှဲကြတာ အားလုံးအသိပဲဖြစ်မှာပါ။ ဒါနဲ့ကျွန်တော်လည်း အိမ်နီးချင်းနိုင်ငံတွေရောက်နေတဲ့ သူငယ်ချင်းအချို့ကို မေးကြည့်ပါတယ်။

သူတို့ရောက်နေတဲ့ နိုင်ငံတွေမှာလည်း ကျွန်တော်တို့နိုင်ငံလိုမျိုး ဆင်နွှဲကြလားပေါ့။ သူတို့ပြောပြတာကတော့ မရှိဘူးတော့ မဟုတ်ဘူး၊ ရှိတော့ရှိတယ်။ ဒါပေမဲ့ ကျွန်တော်တို့နိုင်ငံလောက် မဆိုးဘူးလို့ပြောပါတယ်။ ကျွန်တော်တို့ဆီကလို ဈေးရောင်းပွဲတော်ကြီးတွေလို ရောင်းချကြတာတွေ အဲဒီနေ့မှာ အင်္ကျီဆင်တူတွေဝတ်ကြ အရုပ်ကြီးတွေကိုင်ပြီး သွားကြလာကြ အုန်းအုန်းကျွက်ဆင်နွှဲကြတာတော့ လုံးဝမရှိပါဘူးတဲ့။ အဲ့ဒီထက် အံ့သြစရာကောင်းတာက ကျွန်တော်တို့နိုင်ငံလို ချစ်သူများနေ့ဆိုပြီး ဟိုတယ်လာကြတဲ့အတွဲ မရှိသလောက်ပါပဲလို့ ဘန်ကောက်က ဟိုတယ်တခုမှာလုပ်နေတဲ့ သူငယ်ချင်းက ပြောပြပါတယ်။
မိဘများရော လူငယ်များရော ပြောချင်တာက ဒီချစ်သူများနေ့ကို အကြောင်းပြုပြီး ကျွန်တော်တို့နိုင်ငံအတွက်၊ လူငယ်တွေအတွက် ဘယ်လိုကောင်းကျိုးတွေရှိခဲ့သလဲဆိုတာ သေချာစဉ်းစားစေချင်ပါတယ်။
ဘာမှန်းမသိတဲ့ သူများနိုင်ငံက ချစ်သူများနေ့ကို ပုံတူကူးချပြီး ကျွန်တော်တို့နိုင်ငံက လူငယ်တွေ ဘယ်လောက်လမ်းမှားရောက်နေသလဲ၊ ဘ၀တွေပျက်နေရသလဲဆိုတာ ဆင်ခြင်တုံတရားနဲ့ စဉ်းစားစေချင်ပါတယ်။

အားလုံးမှာတာဝန်ရှိပါတယ်။ မိဘများအနေနဲ့လည်း မိမိရဲ့သားသမီးလမ်းမှားမရောက်အောင် ထိန်းသိမ်းဖို့လိုသလို အစိုးရအနေနဲ့လည်း အဲဒီနေ့မှာ လူငယ်တွေ ဟိုတယ်တည်းခိုခန်းသွားတဲ့ကိစ္စနဲ့ပတ်သက်ပြီး ဟိုတယ်တည်းခိုခန်းတွေကို သေချာအမိန့်ထုတ်ပြန်ပိတ်ပင်သင့်သည်။ ထို့အတူ တာဝန်သိလူငယ်များအနေနဲ့လည်း ဗယ်လင်တိုင်းဒေးနေ့နဲ့ ပတ်သက်ပြီး လူငယ်ချင်းအသိပေးမှုတွေကို လက်မခံကြောင်း ပြသမှုတွေ စုပေါင်းပြီး လုပ်သင့်ပါတယ်။
ကျွန်တော်တို့လူမျိုးဟာ ကမ္ဘာပေါ်မှာ အပျော်အပါးအမက်ဆုံး လူမျိုးလို့ သတ်မှတ်မယ်ဆိုရင် မမှားနိုင်ပါ။ ဆယ်နှစ်လရာသီလုံးပွဲတော် မပျက်တဲ့အပြင် အခြားဘာသာတွေရဲ့ ခရစ္စမတ်ဆိုမတ်လိုက်တာပဲ၊ အစ်နေ့ဆိုလည်း အစ်လိုက်တာပဲ တရုတ်နှစ်သစ်ကူးဆိုလည်း ကူးလိုက် ကြတာပါပဲ။ ဒါတင်အားမရ ချစ်သူများနေ့၊ အဖေနေ့၊ အမေနေ့၊ ဟော်လိုဝင်းဒေးဆိုပြီးတောင်လုပ်လိုက်ကြသေးတယ်။ သူများတွေရဲ့ နှစ်သစ်ကူးပွဲတွေကို ပျော်ပါးဆင်နွှဲကြတာ ယဉ်ကျေးမှုအရ လက်ခံလို့ရပေသေးတယ်။ ဒီဗယ်လင်တိုင်းဒေးကတော့ ကျွန်တော်တို့နဲ့လားလားမဆိုင်တဲ့အပြင် မည်သည့်ကောင်းကျိုးမှမပေးပါဘူး။
တိုင်းပြည်ဒီလောက်ဆင်းရဲနေတဲ့အချိန်မှာ မလိုအပ်ဘဲ ပိုက်ဆံတွေ သောက်သောက်လဲ အကုန်ခံကြ လူငယ်လေးတွေ ပန်းကောင်း အညွှန့်ကျိုးဖြစ်ကြ ဘ၀တွေပျက်ကြနဲ့ ကျွန်တော်တို့ လူငယ်တွေဟာ စီးပွားရေးသမားတွေရဲ့ သားကောင်တွေဖြစ်မှန်းမသိ ဖြစ်နေကြတာဟာ သနားစရာ အလွန်ပင်ကောင်းလှပါတယ်။

အထူးသဖြင့် လူငယ်တွေကို စဉ်းစားဖို့ပြောချင်တာက ဘယ်ကနေဘယ်လိုပေါ်ပေါက်လာမှန်း မသိရတဲ့တိုင်းတပါးက ချစ်သူများနေ့ထက် တန်ဖိုးထားစရာနေ့တွေ အဲဒီရက်မတိုင်ခင်မှာ ရှိကြတာသိစေချင်ပါတယ်။ဖေဖော်ဝါရီလ ၁၂ ရက်နေ့ဟာ ကျွန်တော်တို့ ပြည်ထောင်စုမြန်မာနိုင်ငံ ရယ်လို့ဖြစ်ပေါ်လာစေတဲ့ ပင်လုံစာချုပ်ချုပ်ဆိုတဲ့ ပြည်ထောင်စုနေ့ သမိုင်းဝင်နေ့ရက်ဖြစ်ပါတယ်။ ထို့အတူ ဖေဖော်ဝါရီလ ၁၃ ရက်နေ့ဟာ ကျွန်တော်တို့နိုင်ငံရဲ့ လွတ်လပ်ရေးဖခင်ကြီး အမျိုးသားခေါင်းဆောင်ကြီး ဖြစ်လာမယ့် ထိန်လင်းဆိုတဲ့ကလေးလေး မွေးဖွားသန့်စင်ခဲ့တဲ့နေ့ဖြစ်ပါ တယ်။ သူကစာပေကိုချစ်တယ်၊ ကလေးတွေကိုချစ်တယ်၊ ဒီထက်ကျွန်တော်တို့ တိုင်းပြည်ကိုချစ်တဲ့ ယောကျာ်းကောင်းယောကျာ်းမြတ် တယောက် ဖြစ်ပါတယ်။
နောက်ဆုံးတိုင်းပြည်နဲ့လူမျိုးအတွက် အသက်ပေးချစ်ပြသွားတဲ့ ချစ်သူကောင်းတယောက် ယောကျာ်းကောင်းတယောက်ကျတော့ ကျွန်တော်တို့တွေ ချစ်ဖို့မေ့နေကြပြီး ဘာမှန်းမသိတဲ့ သူများနိုင်ငံက စိန့်ဗယ်လင်တိုင်းဆိုတဲ့ သူတော်စင်တယောက် အကွပ်မျက်ခံရတဲ့နေ့ကို ချစ်သူများနေ့ဆိုပြီး ပျော်ပွဲဆင်နွှဲနေကြတာဟာ ကျွန်တော်တို့တွေ လမ်းလွဲနေသလားဆိုတာ . . . ။

ကျော်ကြီး(MDY)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal