ပြီးခဲ့တဲ့ ဇန်န၀ါရီလအတွင်းမှာ ခရီးသည်တင် ယာဉ်လိုင်းအချင်းချင်း ခရီးသည် လုတင်ရာက တစ်ဆင့် ရိုက်မှု(၄)မှုဖြစ်ပွားခဲ့တယ်လို့ ဒီနေ့ဖေဖော်ဝါရီလ(၃)ရက်နေ့က ပြုလုပ်တဲ့ ရန်ကုန်တိုင်း ဒေသကြီး မော်တော်ယာဉ်လုပ်ငန်းပေါင်းစုံ ထိန်းသိမ်းရေးကြီးကြပ်မှု ဗဟိုကော်မတီ အစည်းအဝေးမှ သိရပါတယ်။ရိုက်မှုဖြစ်ပွားခဲ့တဲ့ ယာဉ်လိုင်းတွေကတော့ (၂၁၃) အထူးယာဉ်လိုင်း၊ (၂၃၅) အရှေ့ပိုင်းခရိုင်၊ အဓိပတိအဖြူ၊ အဓိပတိအပြာ၊ (၁၀၃)အဖြူ ယာဉ်လိုင်းနဲ့ (၄၃) ယာဉ်လိုင်း အစရှိတဲ့ ယာဉ်လိုင်းများမှ ယာဉ်လိုင်း အချင်းချင်းဖြစ်ပွားခဲ့တာဖြစ်ပါတယ်။
ယာဉ်လိုင်းအချင်းချင်းရိုက်မှုတွေ ဖြစ်ပေါ်နေတဲ့ အတွက် မထသ(ဗဟို) အပါအ၀င် သက်ဆိုင်ရာ အဖွဲ့အစည်းများမှ ခရီးသည် အယောင်ဆောင်ပြီး ယာဉ်လိုင်းတွေပေါ်မှာ လိုက်လံစစ်ဆေးမှုတွေ ပြုလုပ်နေတယ်လို့ သိရပါတယ်။ ယာဉ်လိုင်း စစ်ဆေးမှုတွေပြုလုပ်ရာမှာတော့ သန်မြန်သူယာဉ်လိုင်း၊ အနောက်ပိုင်းခရိုင်နဲ့ မြို့တွင်း မီနီဘတ်(စ်) ယာဉ်လိုင်း အစရှိတဲ့ ယာဉ်လိုင်းတွေပေါ်မှာ တုတ်ချောင်း (၄၇) ချောင်း ဖမ်းဆီးရ မိတယ်လို့သိရပါတယ်။
ရိုက်မှုဖြစ်ပွားခဲ့တဲ့ ယာဉ်လိုင်းများမှ ခိုက်ရန်ဖြစ်ပွားတဲ့ ယာဉ်မောင်းနဲ့ ယာဉ်နောက်လိုက်များကို မော်တော်ယာဉ် ဥပဒေအရ ထုတ်ပယ်သည်အထိ အရေးယူသွားမယ်လို့ သိရပါတယ်။ လက်ရှိမှာ တော့ ရိုက်မှုဖြစ်ပွားသူများကို သက်ဆိုင်ရာမြို့နယ် ရဲစခန်းမှာအမှုဖွင့် အရေးယူထားတယ်လို့ သိရပါတယ်။
For Info News
https://www.facebook.com/forinfo
ရန်ကုန်မြို့တွင်းလိုင်းကားအချင်းချင်း ခရီးသည်လုတင်ရာ တစ်လအတွင်း ရိုက်မှု (၄) မှုဖြစ်ပွား
Reviewed by THITHTOOLWIN
on
21:29
Rating: