ဖေဖော်ဝါရီ ၈ ရက် ၂၀၁၆
ဒုတိယအကြိမ် သျှမ်းပြည်နယ်လွှတ်တော် ပထမပုံမှန်အစည်းအဝေး ကို ဖေဖော်ဝါရီ ၈ ရက် သျှမ်းပြည်နယ်မြို့ တော်တောင်ကြီးမြို့တွင် စတင် ကျင်းပရာ သျှမ်းပြည်နယ်လွှတ်တော် သဘာပတိနေရာ ၊ ဥက္ကဌ နှင့် ဒုတိယ ဥက္ကဌ နေရာတို့၌ ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီ (USDP) မှနေရာရထားကြောင်း သိရသည်။
သျှမ်းပြည်နယ်လွှတ်တော် သဘာပတိအဖြစ် လောက်ကိုင် မဲဆန္ဒနယ်အမှတ် ( ၁) ဦးအောင်သန်းထွဋ် ကရွေးချယ်ခံရပြီး၊ ဥက္ကဌအဖြစ် ကျိုင်းတုံမြို့နယ် မဲဆန္ဒနယ် အမှတ် (၁) စိုင်းလုံးဆိုင် မှရွေးချယ်ခံရ သည်ဟုဆိုပါသည်။
ဒုဥက္ကဌအဖြစ် ရွာငံ မဲဆန္ဒနယ် အမှတ် (၂ ) လက်ရှိ သျှမ်းပြည်နယ် ဝန်ကြီး ချုပ် စဝ်အောင်မြတ် မှရွေးချယ်ခံရပါသည်။
သျှမ်းတိုင်းရင်းသားများ ဒီမိုကရေစီအဖွဲ့ချုပ်(SNLD) ၏ သီပေါမြို့နယ် မဲဆန္ဒနယ်အမှတ် (၁) မှ နန်းစန်းစန်းအေး က “ ဒီနေ့ လွှတ်တော်မှာတော့ အဓိက သဘာပတိ တွေ ဥက္ကဌတွေ ဒုဥက္ကဌတွေ ရွေးတာပေါ့ ဝင်ရွေးတာတော့ ကျမတို့ ကျားခေါင်းပါတီတွေလည်း ၃ နေရာ စလုံး ဝင်ရောက်အရွေးခံ ခဲ့တယ်။ ဒါပေမယ့် ကြံ့ခိုင်ရေးပါတီ ကို မနိုင်ဘူး” ဟု ပြောသည်။
ဆန္ဒမဲပေးနေရာတွင်လည်း ဒီမိုကရေစီအင်အားစုများဖြစ်ကြသည့် အမျိုးသားများ ဒီမိုကရေစီအဖွဲ့ချုပ်( NLD ) နှင့် သျှမ်းတိုင်းရင်းသားများ ဒီမိုကရေစီအဖွဲ့ချုပ် ( SNLD) ကျားခေါင်းပါတီ တို့ ပေါင်းစည်းမှုအင်အား သည်လည်း ကြံ့ခိုင်ရေး ပါတီ (USDP) ၏ တစ်ဝက်သာရှိကြောင်း နန်းစန်းစန်းအေး ကပြောသည်။
“ဘာကြောင့်မနိုင်တာလဲ ဆိုရင် မဲပေးတဲ့အခါမှာ ကျမတို့ ပါတီ နဲ့ NLD ဘဲရှိတာ။ ကျမတို့ နှစ်ပါတီပေါင်းတာမှ ဆန္ဒမဲ ၄၆ မဲဘဲရှိတယ်။ ကြံ့ခိုင်ရေးတွေ တပ်မတော်သားတွေ တိုင်းရင်းသားပါတီငယ်တွေက ၈၈ မဲရှိပြီလေ” ဟု ၄င်းက ပြောသည်။
ဒုတိယအကြိမ် သျှမ်းပြည်နယ်လွှတ်တော် ပထမပုံမှန် အစည်းအဝေးတွင် သျှမ်းပြည်နယ် လွှတ်တော် အမတ် ၁၃၇ ဦး အနက် တပ်မတော်သား ၃၄ ဦး ပါရှိကြောင်း သိရသည်။
သျှမ်းသံတော်ဆင့်/ဆိုင်ဖူး
Panglong(Burmese)
https://www.facebook.com/Panglong.burmese
သျှမ်းပြည်နယ်လွှတ်တော်အကြီးအကဲများ ပြည်ခိုင်ဖြိုးပါတီနေရာရ
Reviewed by THITHTOOLWIN
on
22:56
Rating: