တရုတ်ပြည်တွင် ပထမဆုံး ဇီကာဗိုင်းရပ်စ်ဝေဒနာရှင် တွေ့ရှိ

မကြာသေးခင်က တောင်အမေရိကတိုက်မှ ပြန်လာသူ တရုတ်နိုင်ငံသားထံတွင် ဇီကာဗိုင်းရပ်စ်ပိုး တွေ့ရှိရကြောင်း တရုတ်အစိုးရက အတည်ပြု ပြောကြားသည်။ တောင်အမေရိကတိုက်တခွင် ဇီကာဗိုင်းရပ်စ်ပိုး ကူးစက်ပြန့်ပွားမှုကြောင့် ကမ္ဘာတ၀န်း အထိတ်တလန့်ဖြစ်လျက်ရှိပြီး တရုတ်ပြည် ရှင်ကျန်းပြည်နယ် အရှေ့ပိုင်း ကျန်ရှန်းမြို့မှ အသက် ၃၄ နှစ်အရွယ် အမျိုးသားထံတွင် ၎င်းရောဂါပိုး တွေ့ရှိခဲ့ခြင်း ဖြစ်ကြောင်း တရုတ် အမျိုးသားကျန်းမာရေး ကော်မရှင်ထံမှ သိရသည်။

ဆောင်းရာသီအအေးဒဏ်ကြောင့်ခြင်မှတဆင့်ကူးစက်ပြန့်ပွားနိုင်သည့် ဇီကာဗိုင်းရပ်စ်အန္တရာယ် စိုးရိမ်ဖွယ်မရှိကြောင်း တရုတ်ကျန်းမာရေးဝန်ကြီးဌာနမှ ထုတ်ပြန်ထားသည်။ အဆိုပါ ဇီကာဝေဒနာရှင် တရုတ်အမျိုးသားအား နေအိမ်မှ အပြင်မထွက်စေဘဲ ထိန်းချုပ်ထားသည်မှာ ဖေဖော်ဝါရီ ၆ ရက်နေ့ကတည်းကဖြစ်ပြီး ၎င်း၏ခန္ဓာကိုယ် အပူချိန် လျော့ကျလာ၍ ခန္ဓကိုယ်ပေါ်ရှိ အစက်အပြောက်များလည်း တဖြည်းဖြည်း လျော့နည်းလာနေကြောင်း သိရသည်။ ဇီကာဗိုင်းရပ်စ်သည် တောင်အမေရိက၊ အလယ်ပိုင်းအမေရိကနှင့် ကာရေဘီယံဒေသတခွင်တွင် လျင်မြန်စွာ ကူးစက်ပြန့်ပွားနေပြီး ဘရားဇီးနိုင်ငံတွင် ကူးစက်မှုအမြင့်ဆုံးဖြစ်ကြောင်း သိရသည်။

ခေါင်းသေးကိုယ်ကြီး ကလေးမွေးဖွားခြင်းနှင့် ဇီကာဗိုင်းရပ်စ်ပိုး ဆက်စပ်မှုရှိနိုင်ခြင်းကြောင့် ကမ္ဘာ့ကျန်းမာရေးအဖွဲ့က အပြည်ပြည်ဆိုင်ရာ ကျန်းမာရေး အရေးပေါ်အခြေအနေ ဖေဖော်ဝါရီ ၁ ရက်နေ့က ကြေငြာခဲ့သည်။ ရောဂါပိုးကူးစက်ခံရသူ အများစုတွင် မည်သည့် ရောဂါလက္ခဏာမှ မပြဘဲ အချို့တွင်မူ ကိုယ်ပူချိန်တက်ခြင်းနှင့် ခန္ဓာကိုယ်ပေါ်၌ အစက်အပြောက် အနည်းငယ် ဖြစ်ပေါ်ခြင်းများ တွေ့ရကြောင်း သိရသည်။ ရောဂါကူးစက်ခံရသူ တရုတ်အမျိုးသားသည် ဗင်နီဇွဲလားနိုင်ငံသို့ အလည်အပတ်သွားရောက်ခဲ့ပြီး ဇန်န၀ါရီ ၂၈ ရက်၌ ဖျားနာခြင်း၊ ခေါင်းမူးဝေခြင်း အစရှိသည့် ရောဂါလက္ခာဏာ ဖြစ်ပေါ်ခဲ့သည်။ ထို့နောက် ဟောင်ကောင်မှတဆင့် တရုတ်ပြည်သို့ ဖေဖော်ဝါရီ ၅ ရက်နေ့က ပြန်လည်ရောက်ရှိခဲ့သည်။

Ref;Xinhua
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal