ဖားကန့်တွင် မူးယစ်ဆေးအတွက် တနေ့ကျပ်သိန်းတရာခန့် လိုင်းကြေးယူနေသော ဒေသအာဏာပိုင်များကို အရေးယူသင့်


ကချင်ပြည်နယ် ဖားကန့်ဒေသတွင် မူးယစ်ဆေးဝါးများကို ခွင့်ပြုချက်ရထားသကဲ့သို့ ဈေးတန်းခင်းလျက် ရောင်း ချနေပြီး ရေမဆေးကျောက်လုပ်သား ရှစ်သောင်းခန့်တို့ ဆေးစွဲနေကြောင်း၊ မူးယစ်ဆေးရောင်းသူတဦး၏ ၅၈ ရက်အတွင်း လိုင်းကြေးပေးဆောင်ရသည့် ပမာဏမှာ ကျပ်သိန်း ၅,၆၈၀ ကျော်ရှိရာ ထိုသူတဦးတည်းက ဒေသ အာဏာပိုင်များသို့ လိုင်းကြေးပေးသွင်းရငွေမှာ ကျပ်သိန်းတရာခန့်ရှိနေသဖြင့် သက်ဆိုင်ရာဌာနဆိုင်ရာအဖွဲ့ များ၏ အဂတိလိုက်စားမှုကို အရေးယူသင့်ကြောင်း ဖားကန့်မြို့နယ်အမတ် ဦးတင်စိုးက ပြည်သူ့လွှတ်တော်သို့ ဖေဖော်ဝါရီ ၂၅ ရက်တွင် ပြောခဲ့သည်။

''၁-၇-၂၀၁၅ မှာ ဒေသခံလူထု အခြေပြု မူးယစ်ဆေးဝါးတိုက်ဖျက်ရေး အဖွဲ့ (Pat Jasan) က ဖမ်းဆီးလိုက်တဲ့ ဖားကန့်က မူးယစ်ဆေးရောင်းသူတဦးရဲ့ ပြောပြချက်အရ ဒေသခံသက်ဆိုင်ရာဌာန အဖွဲ့တွေကိုပေးရတဲ့ လိုင်းကြေးက ၅၈ ရက်အတွင်းမှာကျပ်သိန်း ၅,၆၈၀ နဲ့ ငါးသောင်းတိတိရှိတယ်လို့ သိရတယ်။ သူတဦး တည်းတင် တရက်ကို သိန်းတရာခန့် လိုင်းကြေးပေးရတယ်။ ဒါကြောင့် မူးယစ်ဆေးတွေကို ပါမစ်ရထားသလို ဈေးတန်းတွေနဲ့ရောင်းနေကြတယ်။ သက်ဆိုင်ရာဌာနအဖွဲ့တွေရဲ့ အဂတိလိုက်စားမှုကို အရေးယူသင့် ပါတယ်''ဟု သူကတင်ပြခဲ့သည်။

ယမန်နေ့ (ဒုတိယအကြိမ် ပြည်သူ့လွှတ်တော် ပထမပုံမှန်အစည်းအဝေး ၁၁ ရက်မြောက်နေ့)၌ ကချင်ပြည်နယ် ၀ိုင်းမော်မြို့နယ် ပြည်သူ့လွှတ်တော်အမတ် ဦးလဂန်ဇယ်ဂျုံးက အရေးကြီးအဆိုအဖြစ် တင်သွင်းခဲ့သည့် ''မူးယစ်ဆေးဝါးတိုက် ဖျက်နှိမ်နင်းရေးတွင် ပြည်သူလူထု ပါဝင်လာမှုအပေါ် ကြိုဆိုထောက်ခံရန်နှင့် ဟန့်တားနှောင့်ယှက်သူများ၏ အန္တရာယ်မှကာ ကွယ်ပေးရန်အပြင် ထိရောက်သောကူညီပံ့ပိုးမှုများကို အမြန် ဆုံးဆောင်ရွက်ပေးရန် ပြည်ထောင်စုအစိုးရအဖွဲ့သို့ တိုက်တွန်းကြောင်း'' အဆိုကို ယနေ့ ပြည်သူ့လွှတ်တော် အစည်းအဝေး၌ တပ်မတော်သား လွှတ်တော်ကိုယ်စားလှယ်သုံးဦးအပါအ၀င် ပြည်သူ့လွှတ်တော်အမတ် ၂၃ ဦး တို့က ဆွေးနွေးခဲ့ကြရာတွင် ဖားကန့်အမတ်ဦးတင်စိုးက ပါဝင်ဆွေးနွေးစဉ် ပြောကြားခဲ့ခြင်းသည်။

ထိုအဆိုကို ပြည်သူ့လွှတ်တော် ကိုယ်စားလှယ်အများစုက လက်ခံဆွေးနွေးရန် ထောက်ခံခဲ့သဖြင့် ဖေဖော်ဝါရီ ၂၅ ရက် ပြည်သူ့လွှတ်တော်အစည်းအဝေး မွန်းလွဲပိုင်းအထိ ကိုယ်စားလှယ် ၁၆ ဦးက ဆွေးနွေးခဲ့ကြပြီး ကျန်ကိုယ်စားလှယ် ခုနစ်ဦးတို့မှ ညနေပိုင်းတွင် ဆက်လက်ဆွေးနွေးခဲ့သည်။

ခိုင်ထူးလွင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ