လူတစ်ဦးသေဆုံးခဲ့သော မြောက်ဦး ကားတိုက်မှုတွင် ယာဉ်မောင်းကို ဖမ်းဆီး အရေးယူ

(မြောက်ဦး-ကျောက်တော် ကားလမ်းပေါ်ရှိ မဟာမုနိအနီးကားလမ်းကို ပြုပြင်နေစဉ်/ 17/2/2016)
နိရဉ္စရာ၊ ဖေဖော်ဝါရီ ၂၉

ရခိုင်ပြည်နယ် မြောက်ဦးမြို့နယ်တွင် ဖြစ်ပွားသော ကားတိုက်မှု တစ်ခုအတွင်း လူတစ်ဦး သေဆုံးခဲ့သဖြင့် ကားဒရိုင်ဘာကို ကားတိုက်၍ လူသေမှု ပုဒ်မ ၃၀၄-က ဖြင့် အရေးယူထားကြောင်း သိရသည်။

အရေးယူခံရသူမှာ အကယ်ဒမီဘတ်စ်ကားမှ ဒရိုင်ဘာ လင်းစိုးဖြစ်ကြောင်း၊ ၎င်းကားမှာ စစ်တွေမှ ရန်ကုန်သို့ မောင်းနှင်လာစဉ် ကားတိုက်မှု ဖြစ်ပွားခြင်း ဖြစ်ကြောင်း မြောက်ဦးမြို့နယ် ရဲတပ်ဖွဲ့မှူး ဦးမြင့်သောင်းက ပြောသည် ။

“ ကားတိုက်တာက ဖေဖော်ဝါရီလ ၂၆ ရက်နေ့ နံနက် ၉ နာရီ ၄၅ မိနစ်ခန့်မှာ မြောက်ဦးမြို့နယ် အိုးထိမ်းရွာ ဖြစ်ပွားတာပါ။ ရှင်ပြုပွဲသွားမလို့ ကားကြုံကို ကားလမ်းဘေးကနေ မတ်တပ်ရပ် စောင့်နေချိန်မှာ ခရီးသည်တင် လေအိတ်အမျိုးအစား အကယ်ဒမီကားက ၀င်တိုက်သွားတာပါ” ဟု ရဲတပ်ဖွဲ့မှူးက ဆိုသည်။

သေဆုံးသူမှာ အိုးထိမ်းကျေးရွာမှ ဦးမောင်နီထွန်း (၆၉) နှစ် ဖြစ်သည်။

“ သေဆုံးမှုနဲ့ ပတ်သက်ပြီး တိန်ညို ရဲစခန်းကနေပြီး အမှုအမှတ် ၃/ ၂၀၁၆၊ ပုဒ်မ ၃၀၄-က နဲ့ အရေးယူထားပါတယ်။ ဒရိုင်ဘာကို ဖမ်းဆီးထားပါတယ် ခင်ဗျား” ဟု သူက ဆက်လက် ပြောဆိုသည်။

Arakan State
https://www.facebook.com/NarinjaraNews/
လူတစ်ဦးသေဆုံးခဲ့သော မြောက်ဦး ကားတိုက်မှုတွင် ယာဉ်မောင်းကို ဖမ်းဆီး အရေးယူ  လူတစ်ဦးသေဆုံးခဲ့သော မြောက်ဦး ကားတိုက်မှုတွင် ယာဉ်မောင်းကို ဖမ်းဆီး အရေးယူ Reviewed by THITHTOOLWIN on 18:32 Rating: 5
Powered by Blogger.