တာချီလိတ်မြို့ ဟိုတယ်တစ်ခု၏ ကာရာအိုကေခန်းထဲတွင် ဇနီးဖြစ်သူမှ ခင်ပွန်းဖြစ်သူအား ဓားဖြင့်ထိုးမှု ဖြစ်ပွားခဲ့ပြီး ခင်ပွန်းဖြစ်သူမှာ ဆေးရုံအရောက်တွင် သေဆုံးသွားကြောင်း သိရသည်။
ဖေဖော်ဝါရီလ (၁၉)ရက်နေ့ မနက် (၂)နာရီခွဲဝန်းကျင်က တာချီလိတ်မြို့ ဆန်ဆိုင်း(ခ)ရပ်ကွက်ရှိ 1G1 ဟိုတယ်၌ ဖွင့်လှစ်ထားသည့် ကာရာအိုကေ အခန်းထဲတွင် ခင်ပွန်းဖြစ်သူ ဦးအားဂါ သီချင်းဆိုနေစဉ် လင်မယားအချင်းချင်း စကားများ ရန်ဖြစ်ရာမှ ဇနီးဖြစ်သူက စိတ်မထိန်းနိုင်ဘဲ ခင်ပွန်းဖြစ်သူ ဦးအားဂါ၏ ၀ဲဘက်ရင်အုံအား ဓားဖြင့်ထိုးခဲ့ပြီး မိမိတွင်ပါလာသော မော်တော်ကားဖြင့် ထွက်ပြေးတိမ်းရှောင်သွားကြောင်း သိရသည်။
ဓားဖြင့်ထိုးခံရသူ ဦးအားဂါသည် ဆေးရုံအရောက်တွင် သေဆုံးသွားကြောင်းနှင့် ၎င်းတို့တွင် (၂)နှစ်အရွယ် သားတစ်ဦးရှိပြီး တရားခံဖြစ်သူ မအားတီအား တာချီလိတ်မြို့မရဲစခန်းမှ (ပ)၃၇/၂၀၁၆၊ ပြစ်မှုပုဒ်မ ၃၀၂ ဖြင့် အမှုဖွင့်ထားရှိပြီး အမြန်ဆုံး ဖမ်းဆီးရမိရေးအတွက် ဆောင်ရွက်ထားရှိကြောင်းသိရသည်။
Tachileik News Agency
http://www.tachileik.net
တာချီလိတ်၌ ဇနီးဖြစ်သူမှ ခင်ပွန်းဖြစ်သူအား ဓားဖြင့်ထိုးရာ ခင်ပွန်းသေဆုံး
Reviewed by THITHTOOLWIN
on
19:13
Rating: