“တပ်မတော်လေ့ကျင့်ရေးလေယာဉ်ပျက်ကျမှု ဒဏ်ရာရကျန်ရစ်သူ ဆေးရုံ၌ကွယ်လွန်”

ယနေ့ နံနက် ၉ နာရီ ၄၄ မိနစ်တွင် နေပြည်တော် ကောင်စီနယ်မြေ လယ်ဝေးမြို့နယ်အတွင်းရှိ ရွှေပြည်သာအုပ်စု ကြံခင်းကျေးရွာပိုင် ပဲစိုက်ခင်းအတွင်းသို့ တပ်မတော်(လေ)မှ လေကျင့်ရေး လေယာဉ် ပျက်ကျခဲ့မှုဖြစ်စဉ်တွင် မသေဆုံးဘဲကျန်ရစ်သူ တဦးသည်လည်း ဆေးရုံတွင် ကွယ်လွန်သွားခဲ့ကြောင်း သိရသည်။ အဆိုပါ လေယာဉ်ပျက်ကျမှုကြောင့် ၄ ဦးမှာ ပွဲချင်းပြီး သေဆုံးခဲ့သည်။

အဆိုပါလေယာဉ်မှာ နေပြည်တော် လယ်ဝေးလေယာဉ်ကွင်းမှ မြောက်ဘက်သို့ထောင်တက်စဉ် အင်ဂျင်စက်ချို့ယွင်းမှု တစုံတရာ ဖြစ်နိုင်ခြေရှိသည့်အတွက် အောက်သို့ပြန်ဆင်းရန် ယင်းလေယာဉ် ၏တာဝန်ရှိသူ အရာရှိက မြေပြင်မှ အမိန့်ပေးခဲ့၍ ထိုသို့ အောက်သို့ ပြန်လည်ဆင်းသက်စဉ် ပျက်ကျခဲ့သည်ဟု အခင်းဖြစ်စဉ်သို့ လာရောက်သော တပ်မတော်လေမှ အရာရှိတစ်ဦးက ပြောသည်။

လေယာဉ်ပျက်ကျစဉ် အခိုက်အတန့်တွင် လေယာဉ်ပျက်ကျခဲ့သည့် ကွင်းနှင့် ကပ်လျှက်ရှိသော ကြံခင်းရွာမှ ပဲစိုက်တောင်သူ ဦးဝင်းမြင့်က “ ကျနော် ပဲခင်းစောင့်နေတယ်။ လေယာဉ်ပျက်ကျတာ ကျနော့်ကွင်းနဲ့ ကပ်ရပ်ဆိုတော့ တော်တော် လန့်သွားတယ်။ လေယာဉ် တက်ကတည်းက အသံကတစ်မျိုးပဲ။ ဒီလိုဖြစ်ခဲ့တာ ဒီလေယာဉ်ကွင်း ရှိပြီးမှ အခု တစ်ကြိမ်ပဲဖြစ်တာ ၊ လေယာဉ်ကအောက်ကိုကျတော့ မီးလောင်တာ အများကြီးပဲ။ လေယာဉ်ပေါ်မှာပါတဲ့ပစ္စည်းတွေလည်း ပြန့်ကြဲနေတယ်၊ ရွားသားတွေလည်း သံချောင်းတွေခေါက်ပြီး မီးဝိုင်းငြိမ်းဖို့ ထွက်လာကြတယ် ၊ အာဏာပိုင်တွေကတော့ ၁၅ မိနစ်လောက်မှ ရောက်လာကြတယ်၊ သူတို့ကတော့ ရွားဘက်ကို ကျမှာစိုးလို့ အပြင်ဘက်ကို အတောင်စောင်းပြီး လှည့်ဆင်းခဲ့တဲ့သဘောရှိတယ်”ဟု ၎င်းကပြောသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/