သာယာဝတီထောင်တွင် အမှုရင်ဆိုင်နေသည့် ဝန်းရံပြည်သူ ၂ ဦး၏ အာမခံလျှောက်ထားမှု ဖေဖော်ဝါရီ ၂၃ တွင် အမိန့်ချမည်
အမျိုးသားပညာရေး ဥပဒေကို ပြင်ဆင်နိုင်ရေး ဆန္ဒထုတ်ဖော်သူများအနက် သာယာဝတီထောင် အတွင်း ဖမ်းဆီးခံထားရသူများမှ ဝန်းရံပြည်သူနှစ်ဦး အာမခံ လျှောက်ထားမှုကို ဖေဖော်ဝါရီလ ၂၃ ရက်နေ့တွင် သာယာဝတီမြို့နယ် တရားရုံးမှ အမိန့်ချမှတ်မည် ဖြစ်ကြောင်း ကျောင်းသားများ၏ ဖေဖော်ဝါရီ ၁၆ ရက်နေ့ ရုံးချိန်းမှ သိရှိရသည်။
ကျန်းမာရေးချို့တဲ့မှုကြောင့် ဝန်းရံပြည်သူနှစ်ဦးဖြစ်သည့် ကိုခင်မောင်ဝင်းနှင့် ကိုစန်းလွင်ဦးတို့ နှစ်ဦးကို ဖေဖော်ဝါရီလ ၁၆ ရက်နေ့တွင် သက်ဆိုင်ရာ ဆေးခန်းများမှ ဆေးစာများနှင့်အတူ သာယာဝတီမြို့နယ် တရားရုံးတွင် လျှောက်ထားခဲ့ခြင်းဖြစ်ပြီး ဖေဖော်ဝါရီလ ၂၃ ရက်နေ့ ရုံးချိန်းတွင် အာမခံပေးခြင်းရှိ၊ မရှိကို အမိန့်ချမှတ်မည်ဖြစ်ကြောင်း သိရသည်။
“သူတို့နှစ်ဦးက ကျန်းမာရေးမကောင်းလို့ ထောင်အတွင်းမှ တစ်ရက်ခြား ဆေးခန်းပြနေရသူတွေပါ။ အပြင် ဆေးခန်းတွေကလည်း ပြန်လည် စစ်ဆေးဖို့ ရက်ချိန်းတွေ ပေးထားတာတွေလည်း ရှိတယ်။ ဒါတွေကို စုပြီးတော့ မြို့နယ်တရားရုံးမှာ တင်ခဲ့တာပါ” ဟု ကျောင်းသားများ၏ ရှေ့နေအဖြစ် ဆောင်ရွက်ပေးနေသူ ဒေါ်ခင်ခင်ကျော် က ပြောသည်။
ကိုခင်မောင်ဝင်းသည် သွေးတိုးရောဂါနှင့် နှလုံးရောဂါကို ခံစားနေရသူဖြစ်ပြီး ၎င်းအတွက် အာမခံ လျှောက်ထား မှု ၃ ကြိမ်မှာ ပယ်ချခံခဲ့ရသည့် အတွက် ၄ ကြိမ်မြောက် ထပ်မံလျှောက်ထားခြင်း ဖြစ်ကာ၊ ကိုစန်းလွင်ဦးမှာ ခါးနာသည့် ဝေဒနာအပြင် အခြားဝေဒနာများ ခံစားနေရသည့်အတွက် ပြင်ပဆေးခန်းများတွင် ဆေးကုသမှု ရရှိနိုင်ရန် လျှောက်ထားခြင်း ဖြစ်ကြောင်း ဒေါ်ခင်ခင်ကျော်က ဆိုသည်။
ကိုခင်မောင်ဝင်းနှင့် ကိုစန်းလွင်ဦး တို့နှစ်ဦးမှာ ၂၀၁၅ ခုနှစ် မတ်လ ၁၀ ရက်နေ့က လက်ပံတန်းမြို့နယ် တွင် အမျိုးသားပညာရေး ဥပဒေ ပြင်ဆင်နိုင်ရေး ဆန္ဒဖော်ထုတ်ရာတွင် ဝန်းရံသူများအဖြစ် ပါဝင်ခဲ့ကြပြီး ပုဒ်မ ၁၄၃၊ ၁၄၅၊ ၁၄၇၊ ၃၃၂၊ ၅၀၅(ခ) တို့ဖြင့် သာယာဝတီမြို့နယ် တရားရုံးတွင် တရားရင်ဆိုင်နေရသူများ ဖြစ်သည်။
အမျိုးသားပညာရေး ဥပဒေကို ပြင်ဆင်နိုင်ရေး ဆန္ဒဖော်ထုတ်သည့်အတွက် သာယာဝတီထောင် အတွင်း ကျောင်းသားနှင့် ဝန်းရံပြည်သူ ၆၈ ဦး ရှိခဲ့သော်လည်း လက်ရှိအချိန်တွင် ကျန်းမာရေး မကောင်းသောကြောင့် အာမခံရရှိထားသူ ၂၃ ဦးရှိပြီးဖြစ်ပြီး သာယာဝတီထောင် အတွင်း ၄၅ ဦးသာ ကျန်ရှိတော့ကြောင်း သိရသည်။
သတင်း - MMK
Photo - Sumlut Gun
The Ladies News
https://www.facebook.com/News.TheLadies
သာယာဝတီထောင်တွင် အမှုရင်ဆိုင်နေသည့် ဝန်းရံပြည်သူ ၂ ဦး၏ အာမခံလျှောက်ထားမှု ဖေဖော်ဝါရီ ၂၃ တွင် အမိန့်ချမည်
Reviewed by THITHTOOLWIN
on
18:18
Rating: