ကလေးအဖေ မဖြစ်ချင်တာကြောင့် ကိုယ်ဝန်ရှိနေတဲ့ ရည်းစားကို မီးရှို့သတ်


 ဖေဖော်ဝါရီလ(၂၅) ။ ။ ကိုယ်ဝန်ရှိနေတဲ့ ရည်းစားကို အရှင်လတ်လတ် မီးရှို့သတ်လိုက်တဲ့ အသက်(၂၀)နှစ်အရွယ် Eren Toben နဲ့ ကူညီပေးတဲ့ သူငယ်ချင်းဖြစ်သူ Daniel Muellerတို့ကို ထောင်ဒဏ် (၁၄) နှစ်စီ ပြစ်ဒဏ် ချမှတ်လိုက်ပါတယ်။

ဂျာမနီနိုင်ငံ ဘာလင်မြို့စွန်က တောအုပ်ထဲမှာ ပေါင်မုန့်လှီးတဲ့ဓါးနဲ့ ထိုးသတ်ပြီး မသေခင်မှာ မီးရှို့ခံလိုက်ရတဲ့ အသက်(၁၉)နှစ်အရွယ် Maria Peiner ဟာ Eren Toben ရဲ့ကိုယ်ဝန်ကို လွယ်ထားတာဖြစ်ပါတယ်။

Maria Peiner ကို ကလေးအတွက် အဝတ်အစားတွေ သွားဝယ်မယ်လို့ Eren Tobenနဲ့ သူငယ်ချင်းဖြစ်သူ Daniel Mueller တို့က လိမ်ညာ ခေါ်ဆောင်သွားပြီး ဘာလင်မြို့ပြင်က လူပြတ်တဲ့ တောအုပ်ထဲ အရောက်မှာ Maria Peiner ရဲ့ ဦးခေါင်းကို တုတ်နဲ့ရိုက်၊ ပေါင်မုန့်လှီးတဲ့ဓါးနဲ့ ထိုးသတ်ပြီး ဓါတ်ဆီလောင်း မီးရှို့သတ်ခဲ့ကြတာပါ။

Maria ရဲ့အလောင်းကို နောက်တစ်နေ့မှာပဲ လမ်းကဖြတ်သွားတဲ့သူက တွေ့သွားပြီး ရည်းစားဖြစ်သူနဲ့ သူငယ်ချင်းတို့ကို ရဲတပ်ဖွဲ့က ချက်ချင်း ဖမ်းဆီးလိုက်တာဖြစ်ပါတယ်။

မှုခင်းဆရာဝန်တွေ စစ်ဆေးချက်အရဆိုရင် Maria ဟာ မီးရှို့ခံရတဲ့ စက္ကန့် ၃၀ ဝန်းကျင်လောက်အထိ အသက်ရှင်နေသေးတယ်လို့ သိရပါတယ်။

Toben နဲ့ Mueller တို့ဟာ အချင်းချင်းအပြစ်ပုံချနေခဲ့ပေမဲ့ Toben ရဲ့ လက်ဗွေရာတွေကို မီးလောင်ထားတဲ့ အလောင်းနားက ပေါင်မုန့်လှီးတဲ့ဓါးပေါ်မှာ တွေ့ခဲ့ရတာကို တရားရုံးက သက်သေရခဲ့တာပါ။

တရားရုံးမှာ Toben က ကလေးအဖေ မဖြစ်ချင်သေးတာကြောင့် သတ်ပစ်ခဲ့တာလို့ ဖြောင့်ချက်ပေးခဲ့ပြီးနောက် သူနဲ့ Mueller တို့ဟာ တိတ်ဆိတ်ငြိမ်သက်နေခဲ့ကြပါတယ်။

ဒီလိုစီရင်ချက်ချလိုက်တဲ့အပေါ်မှာ Miss Peiner ရဲ့မိသားစုကတော့ စိတ်သက်သာရာ နည်းနည်းတော့ ရပါတယ်လို့ ဆိုပါတယ်။

ဘာသာပြန်။ ။ ‪#‎နန်းမောက်ကွမ်‬
Ref; minuto30, kapook
Tachileik News Agency
http://www.tachileik.net/2016/02/euron.html

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ