မလန်းနိုင်ရှာသော စစ်ကျွန်ခေတ်က ပန်းကလေးတွေ

''အေးကောင်းပျိုရွယ်သူငယ်ချင်းတို့
လယ်တော်တွင်းကများတတွေ''”ဤစာစအလှလေးသည် ကုန်းဘောင်ခေတ် အမည်မသိစာဆို၏ ကျေးလက်ရိုးရာ ဟန်ချင်းတေးကဗျာ အစချီလေးဖြစ်သည်။ စကားလုံးသုံးပုံ မည်မျှချစ်စရာကောင်းလိုက် ပါသလဲ။ အေးသည် အေးမြခြင်း၊ အေးငြိမ်းခြင်း။ ကောင်းဆိုလိုရင်းမှာ ကောင်းမြတ်ခြင်း၊ ကောင်းမွန်ခြင်း။ ပျိုက ပျိုမြစ်ခြင်း၊ နုပျိုခြင်း။ ရွယ်ကို အရွယ်သင့်ခြင်း၊ အရွယ်ထည်ခြင်းဟု အဓိပ္ပာယ်ကိုယ်စီရှိ ဝေါဟာရတလုံး ခြင်းကို တစုတည်းဖွဲ့ဆိုလိုက်ပုံ မည်မျှပြည့်စုံလိုက်ပါသလဲ။ တခါဖြူစင် ငြိမ်းချမ်းရိုးအေးသော မိကောင်းဖကောင်းတို့၏ ပြစ်မျိုးမှဲ့မထင် သမီးရွယ်ပျိုများဟု ဆိုလိုရင်း တမျိုးလှည့်ကောက်လျှင်လည်း တဖုံလှသည်ပင်။

အစအဆုံးဖတ်၍ ခံစားမိသောအခါ ကုန်းဘောင်ခေတ်အပါအ၀င် ပုဂံ၊ ပင်းယ၊ စစ်ကိုင်း၊ အင်းဝ၊ တောင်ငူ၊ ဟံသာဝတီခေတ်များဆီမှ ပြည်သူတို့ဘ၀ကို ထိုမိဘမဲ့ ကဗျာလေးများက ပြောပြနေသည်။ ၎င်းမှာ သူတို့ဘ၀ ကိုယ်ဆင်းရဲပင်ပန်းနွမ်းနယ်ကြလည်း စိတ်နှလုံးချမ်းမြေ့ကြကြောင်း၊ ကဗျာထဲမှ ရယ်မောသံ၊ ရွှင်မြူးဟန်တို့ ကြားရမြင်ရသောကြောင့် သိရသည်။ တဆက်တည်း ရှေးမြန်မာမင်းတို့သည် ဗုဒ္ဓဘာသာစာပေကို ရဟန်းသံဃာတို့ထံမှသင်ယူခဲ့ခြင်းကြောင့် မင်းအများစု မင်းကျင့်တရား (၁၀)ပါးပြည့်ကာ ပြည်သူတို့ ဘ၀အဖုံဖုံ လုံခြုံရပေသည်တကားဟု မြင်မိသည်။ ပဒေသရာဇ်ခေတ်တလျှောက် ဗုဒ္ဓတရားအဆုံးအမအောက်မှာ မင်းမှု ထမ်းလည်း သီလလုံ၊ လူကုံထံတို့လည်း ကိုယ်ကျင့်စုံ၍ ဆင်းရဲ မိအေးလုံမလေးတို့မှာ မသမာသူတို့ ဖျက်ဆီးသော ဘေးဘယာမှ ဝေးကွာခဲ့ကြရပေသည်တကားဟု ၀မ်းမြောက်မိရသည်။

ထိုခေတ်အသည်သား မင်းမှုထမ်းစိတ်ဝမ်းတူညီ တိုင်းပြည့်အရေး ပြိုင်တူချီမခဲ့၍ လှလိုက်တဲ့မြန်မာတွေဘ၀ ဘိုးဘေးတို့ရခဲ့ကြသည်။ သူတို့သည် နိစ္စသီလမှကာမေသုကံကို ချိုးဖောက်လျှင် သံသရာမှာအပြစ်ဖြစ်၍ စောင့်ထိန်းကြသည်။ မြန်မာတမျိုးသားလုံး လူယဉ်ကျေးများဖြစ်သည်ကို ရဲဝံ့စွာဆိုနိုင်သောကာလသည် ရှေးမြန်မာမင်းတို့လက်ထက်ကဟု ပြောရပါမည်။ ဤစကားကို မိမိဥာဏ်အားဖြင့် ဖွင့်ဆိုသည်မဟုတ်ပါ။ ကိုလိုနီ ခေတ်တွင် ဒေါက်တာဘရင်က“''မြန်မာလူမျိုးများသည် မွေးကတည်းက လူကြီးလူကောင်းများဖြစ်သည်''ဟု ဆိုခဲ့ပါသည်။ ဘာ့ကြောင့် ထိုသို့ဆို နိုင်ရသနည်း။ ၎င်းဖြတ်သန်းနေသော သူ့ကျွန်ဘ၀ ပြည်သူများကို မြင် တွေ့မည်။ သီလကြောင် နယ်ချဲ့သမားနိုင်ငံတို့၏လူမှုစရိုက်ကို သူသိမည်။ သူ့မိဘတို့၊ ဘိုးဘွားတို့ထံမှ မြန်မာပဒေသရာဇ် လူနေမှုဘ၀နှင့်အုပ်ချုပ်ပုံကို ကြားသိလိမ့်မည်။ ထို့ပြင် အိမ်နီးချင်းပဒေသရာဇ် လူနေမှုစနစ်ကိုလည်း လေ့လာမိရာသည်။ ၎င်းတို့ကို နှိုင်းယှဉ်၍ အဆိုထုတ်ခဲ့ခြင်းဖြစ် မည်ဟု ကျွန်တော် တွေးဆဖြေလိုပါသည်။ ဒေါက်တာဘရင်၏ အင်္ဂလိပ် လိုပြောခဲ့သော ထိုအဆိုကို ရေနံ ချောင်းအမျိုးသားကျောင်းသားလေး မောင်အောင်ဆန်း အလွန်နှစ်သက်၍ ကျင့်ပြောခဲ့ကြောင်း သူ့သူငယ်ချင်း သခင်ခင်ဇော်က ပြောပြထားသည်။ ဗိုလ်ချုပ်အောင်ဆန်းဘ၀ခေါင်းဆောင်ဖြစ်လာသောအခါ ကိုယ့်မင်း ကိုယ့်ချင်းအုပ်ချုပ်စဉ် မြင့်မြတ်သော မြန်မာတို့ဘ၀၊ လုံခြုံစွာနေရသော လူမှုဘ၀တို့အကြောင်း ဝေဖန်သုံးသပ် ပြခဲ့သည်။ သူ့ကျွန်ခေတ်လုံမတို့ဘ၀ မလုံခြုံရသည်ကို တိုင်းပြည်လွတ် လပ်ရေးရလျှင် ပြုပြင်ဖို့ ဗိုလ်ချုပ်အားခဲရည်သန်ခဲ့သည်။

၁၉၆၂ မှ ၈၈ ဦးနေ၀င်းခေတ် မှောင်ခိုစနစ် ဟုန်းဟုန်းထခဲ့ရာ အေးကောင်းပျိုရွယ်သမီးငယ်တို့ ဘ၀ပျက်ခဲ့ ကြရသည်။ ဆရာနိုင်ဝင်းဆွေ၏ 'မသိန်းရှင်ဆီပို့ပေးပါ'မှ မိကောင်းဖခင်သမီးငယ်တို့ဘ၀ မိုးမှောင်ကျ ရခြင်းအား တင်ပြသည်ကို ခံစားကြည့်စမ်းပါ။
''တချို့မိန်းကလေးတွေဆိုရင် ငွေတင်မကျေနပ်လို့ ဟိုဟာပါပေးရတာ မြခင်လေးဆိုကြည့်ပါလား၊ အသက်(၁၃)နှစ် မပြည့်သေးဘူး၊ ဆံတောက်ကလေးတောင် မထားရဲထားရဲ ထားနေတုန်း ဟိုဟာပါပေးရ လို့ xxx ''”

ဆရာ့ဇာတ်ကောင်ထဲက မြခင်လေး၊ နုနု၊ သင်းသင်း၊ မအေးသွယ်၊ မအေးမြင့်တို့သည် ဖတ်ချင့်စဖွယ်ဖြစ် အောင်ရေးထားသည့် လုပ်ဇာတ် ဇာတ်ရုပ်များမဟုတ်။ ဦးနေ၀င်း စီမံအလွဲအောက် သားကောင်ဖြစ်ရသည့် ဆရာ့ကိုယ်တွေ့မိန်းမပျိုများ။ ၁၉၆၂-၆၆ ကာလ ဆရာ၏သုံးသပ်ပုံကို ရင်ခုန်ကြည့်ပါဦး ''ဒီချိန်ခါတွင်ကား အဖိုးတန်မိန်းကလေးတဦး 'ဖာ' ဖြစ်သွားသည်မှာ ထူးဆန်းသောအကြောင်းအရာမဟုတ်''
၁၉၈၈ မှ ယနေ့ထိကား မြခင်လေး၊ နုနု၊ သင်းသင်း အစရှိသူတို့ ကား၊ ရထား၊ သင်္ဘောများပေါ်မှာသာ မဟုတ်တော့။ စင်တင်တေးဂီတ၊ Night Club, KTV, အနှိပ်ခန်း၊ တည်းခိုခန်းနှင့် ဟိုတယ်တို့မှာရောက်နေပြီ။ ဦးနေ၀င်းခေတ်က မှောင်ခိုမယ်တို့သာ ဘ၀ပျက်ရသည်။ ဦးစောမောင်၊ ဦးသန်းရွှေ၊ ဦးသိန်းစိန်ခေတ်မှာတော့ ကျေးလက်မှ ကောက်စိုက်၊ နှမ်းနုတ်၊ ပျိုဖြူလေးတွေ မြို့ပြမှ ပန်းရန်လမ်းဖောက်ကျောက်သယ်လုံမငယ်များ ဘ၀ပါ မလုံခြုံကြ။ နားနဲ့မနာ ဖ၀ါးနဲ့နာ၊ Semi-Sex Workers ဆိုသည်ကား မြို့ကြီးပြကြီးများမှာ စစ်အစိုးရ အုပ်ချုပ်မှုစနစ်ညံ့ဖျင်း၍ပေါ် လာသည့်စကား။ ဆရာနိုင်ဝင်းဆွေသာရှိလျှင် စစ်ကျွန်ခေတ်တလျှောက် မြန်မာတို့ ကောင်းမြတ်သည့်စရိုက်ပျောက်ဆုံးပုံကို အနုပညာမြောက်စွာ ပီပီပြင်ပြင် သရုပ်ဖော်ပေလိမ့်မည်။

ကျွန်တော့်အနေနှင့်မူ ရင်နင့်ဖွယ်ဖြစ်ရပ်မှန်များထဲက တခုပြောပြ နိုင်ပါသည်။ ၁၉၉၇-၉၈ ကပါ။ တိုင်းမြို့ကြီးတခု၏တည်းခိုခန်းမှာ လုံမပျိုတို့ကို လိင်ကျွန်ပြုထားသည့်သကောင့်သားသည် ပညာတတ် လူယုတ်မာ။ 'သင်း'သည် မိုက်ကြေးလာခွဲသော စခန်းမှူးကို ပါးရိုက်နိုင်သောပါဝါရှိခြင်းက သူ့နောက်ကွယ်မှ ထောက်လှမ်းရေးသမားတွေကြောင့် ဖြစ်သည်။ သူယုတ်မာထံမှာ မင်းကြိုက်စိုးကြိုက် ထောက်လှမ်းရေးကြိုက် အမိုက်စားလေးရှိသည်။ (၁၇) နှစ် အလှသွေးကြွယ် သမီးငယ်လေးမှာ ကိုယ်ဝန်ရသွားသည်။ ပြည့်တန်ဆာကို ချော (Chore) ဆွဲခြင်းဖြစ်သည်။ ထောက်လှမ်းရေးတို့ အလိုရှိရာ ဆက်သရသောအမည်ခံ လူကြီး လူကောင်းတို့အား ပူဇော်ရသောယစ်ကောင် ပျိုမလေး။ ကလေးမွေး၍မဖြစ်။ ဖျက်ချ၍ လက်လွန်သွားရာ တိုင်းဆေးရုံ တက်ရသည်။

OG ဆရာဝန်မကြီးက လူယုတ်မာကို ဌာနဆိုင်ရာများကို ရက်ရောစွာကူညီသူ မြို့မိမြို့ဖဟု သိထားသည်။ သင်းကလည်း စကားကြွယ်စွာပင်။ ''တူမလေးက တောကပါ။ ကြောရရုံကြံလာသူကြောင့် ရ,ရရှာသော ကိုယ်ဝန်ကို အရှက်အတွက် လက်သည်နှင့်ဖျက်ရာ ဒုက္ခရောက်ရသည်'' ဟု နတ်သံနှော၍ပြောကာ ဆရာဝန်မကြီးလည်း ကန်တော့။ အတု တူမထံလည်း ဖန်၊ ခါး၊ ချို၊ ချဉ် မပူပင်စေရ။ ဆေးရုံက မဆင်းမီ တနေ့ မှာတော့ ဆရာဝန်မကြီးကို လုံမပျိုလေးက ဇာတ်ကြောင်း လှန်တော့သည်။ ထိုဖာခေါင်းထံ ပြန်မသွားရအောင် ကူညီဖို့ ငိုယိုတောင်းပန် သူ့လိုပင်အလိုမတူဘဲ ခန္ဓာကိုယ် ရောင်းစားခံနေရသော သူတွေရှိပါ သေးကြောင်းပြောရာ ဆရာဝန်မကြီးက သူနှင့် ဆေးပညာသင်ဘက်၊ ဗိုလ်ချုပ်ခင်ညွန့်ဇနီး အမျိုးသမီးရေးရာဥက္ကဋ္ဌ ဒေါက်တာဒေါ်ခင်ဝင်းရွှေထံ ဖြစ်ရပ်မှန်တင်ပြသည်။ မနေသာတော့သော ဗိုလ်ခင်ညွန့် သူ့ထောက်လှမ်းရေးများကိုညွှန်ကြား သကောင့်သားအား ဖမ်းစစ်ဆေးအပြစ်ပေးသည်။
ဤတွင် ဆရာဝန်မကြီးဥာဏ်ပညာနှင့် စိတ်ထားမြတ်ကို မှတ်တမ်းတင်ရမည်။ သူ့အနေနှင့် ဤဖြစ်ရပ်မှန်ကို တိုင်းအာဏာပိုင်တို့ထံတိုင်ကြားမရသည်ကိုသိ၍ သူငယ်ချင်း ဒေါက်တာဒေါ်ခင်ဝင်းရွှေအား ''မင်းက တနိုင်ငံလုံး အမျိုးသမီးရေးရာဥက္ကဋ္ဌမို့ ကိုယ်ဆက်သွယ်တာ''ဟူသော စကားလေးနှင့်တင် အမှုပေါ်လာရခြင်း။ ၂၀၀၀ ပြည့်နောက်ပိုင်း စင်တင် တေးဂီတ ၊ KTV, အနှိပ်ခန်းစသည့် Semi-Sex House တို့ ထပ်မံတိုးပွားကာ တိုင်း ခရိုင်မြို့ကြီးတွေမှာ မှိုပေါက်သလိုပေါ်လာသည်။ ဦးသန်းရွှေ တည်ထောင်သော ကျတ်ပြေးနေပြည်တော်ကြီး ကား သမိုင်းဝင် ယဉ်ကျေးမှု စာပေအနုပညာလေ့လာစရာမရှိသော်လည်း ကာမဂုဏ် မွေ့လျော်သူ (Fun-Seekers)အတွက် အနှိပ်ခန်း (massage) K.T.V အများဆုံး မြို့တော်ကြီးဖြစ်သည်။

မန္တလေးကား အရှေ့နဂါးယဉ်ကျေးမှု လေတရကြမ်း အတိုက်ခံနေရကာ မြန်မာ့ယဉ်ကျေးမှုတွေ ကြွေကျနေပြီ။ ပေါက်ဖော်နှင့် ခရိုနီ နောက်ခံ KTV ၉၀ နီးပါးရှိသည်။ Massage ကြီးငါးခု။ ဒီမိုကရေစီ ရတော့မည်ဆို၍ အနောက်ပြင်က စင်တင်တေးဂီတတို့ပင် KTV သို့ ပြောင်းနေပြီ။ ယခင်မရှိသည့် ဘူတာကြီးမှာလည်း ပေါ်ပေါ်တင်တင် ကြေညာထားပြီ။ KTV ကြီးလျှင် လုံမလေးအနည်းဆုံး ၅၀၊ ငယ်လျှင် ၃၀။ အနှိပ်ခန်းတခုမှာ လုံမ ၁၀၀။ သူတို့လေးတွေကို တနေရာမှာထားကာ ကျားသတ္တ၀ါ များလျှင်များသလို ခေါ်ယူသုံးဆောင်သည်။ တကယ်တော့ ထိုဆောင်ကြာမြိုင်ဂေဟာတို့ဆီ မြန်မာပြည်နယ်အစုံက ဘ၀မဖူလုံ၍ ဖြားယောင်းခံရ၍ လူကုန်ကူးခံရ၍ ရောက်လာရရှာသော လုံမလေးတို့မှာ တဏှာရူး၊ နှာဘူးတွေ ပျော်စေရေး ဘီယာလေးတွေ အတူချ။ ပိုင်ရှင်ကြွေးစိတ်ကြွယာမ၊ ထိုမှဖိုးစွဲ အကျိုးနည်းသွားကာ ကယ်မသူ ဝေးရသည်။
၁၉၃၄ က သတင်းထောက် ဦးလှထွန်းဖြူသည် ပြည့်တန်ဆာတန်းသို့ သွားစုံစမ်း၍ အယ်ဒီတာဦးတင်အား ပေးကာ မြန်မာ့အလင်း မောင်းအခန်းမှ ပြည်သူကိုဖွင့်ချရာ မကောင်းမှုလုပ်သူများအား ဖမ်းဆီးခဲ့သည်။ ဦးဆောင်ဖမ်းသူက ပုလိပ်အဖွဲ့မဟုတ်။ ငရဲကျနေသည့် မိန်းကလေးတို့ကို အကူအညီပေးသည့် ကယ်ဆယ် ရေးတပ်။ ၎င်းကို ဒေါ်ညိမ်း ဦးဆောင်ဖွဲ့စည်းသည်။ ဒေါ်ညိမ်းတပ်ကို ပုလိပ်အဖွဲ့ထက်ပင် ကြောက်ရသည်ဟု လူထုဦးလှ၏ 'ကျွန်တော်သတင်းထောက်'တွင် မှတ်သားရသည်။ သူ့ကျွန်ခေတ်က ၀ံသာနုရက္ခိတ တရားပြည့်ဝသူများ၏ စွမ်းဆောင်ချက် ကား သာဓုခေါ်စရာမကောင်းလား။ စစ်ကျွန်ခေတ်မှာ လူကြားကောင်း အောင် အမျိုးသမီးရေးရာဖွဲ့ငြား ဒေါ်ကြိုင်ကြိုင်၊ ဒေါ်ခင်ဝင်းရွှေတို့အပါအ၀င် ဗိုလ်ချုပ်ကြီးကတော်တို့သည် ဒုက္ခ တွင်းနစ်နေသည့် လုံမလေးတို့ကို ကယ်တင်မပေး။ တဦးထက်တဦးသာရေး ၀န်း ခြံ မြေ စိန် ရွှေစု ကာမဂုံအမှု မှာသာ ပျော်မွေ့ခဲ့ကြသည်။ အသွင်မတူအိမ်သူမဖြစ်ချစ်လင် ခင်ပွန်း ဗိုလ်ချုပ်ကြီးများကလည်း တသက်စာမက ကြွယ်ဝလိုသူများ။ ဆောင်ကြာမြိုင်ထောင်စား ခရိုနီများနှင့် ပေါင်းစားသာယာ။ ဦးသိန်းစိန် သမ္မတကတော် ဗိုလ်ချုပ်လူထွက် ၀န်ကြီးကတော်တို့သည်လည်း ကူညီစောင်မခြင်းမရှိခဲ့။ ပညာကမပြည့် နှလုံးသားမလှကြသူ တွေ အုပ်ချုပ်ခဲ့ကြ၍ စစ်ကျွန်ခေတ်ပွင့်ကြသော ပန်းကလေးတွေ ပန်းခြွေသူတို့အောက် ရောက်ရသည်။
ဗုဒ္ဓ၏သားတော် ရဟန်းသံဃာတို့ စောင့်ရှောက်မှုသာမရလျှင် လုံမပျိုတို့ဘ၀က မတွေးရဲစရာ။ ၀မ်းမြောက် ကြည်နူးစရာက စစ်ကိုင်းတောင် ခြေ ရှမ်း၊ ပလောင်၊ ၀၊ ဓနု၊ ဗမာ သီလရှင်ဆရာလေးတွေကို ကျောင်းနေ ပညာပေးထားသည်မှာ သံဃာတို့ကျေးဇူးဖြစ်သည်။ သီလရှင်ဆရာလေးတို့အား ဆွမ်းဆန်လောင်းလှူသည့် မန္တလေး၏ယဉ်ကျေးမှုက KTV ယဉ်ကျေးမှုကို တော်လှန်နေခြင်း။ ဓမ္မရိပ်မှ လုံမပျိုတို့နှင့် KTV မှာ အိပ်ရသည့် လုံမပျိုတို့ လုံခြုံမှုကို နှိုင်းယှဉ်ကြည်ဖို့မလိုပါ။ အမှန်ကတော့ ဘာသာရေးအဖွဲ့အစည်းတွေက သမီးငယ်တို့ဘ၀ တာဝန်ယူရမည်မဟုတ်ပါ။ အစိုးရတာဝန်။

ယခုအခါ 'ခေတ်ကောင်း'ကို ပြန်လည်တည်ဆောက်ရမည့်အချိန်။ ဖိနှိပ်ရက်စက်မှုတွေကို တော်လှန်ရမှုတို့ မရှိတော့သော်လည်း လူမှုတော်လှန်ရေးက ဆက်ရဦးမည်။ ဤတွင် NLD အစိုးရမှာ အဓိကတာဝန်ရှိသည်။ ကျားရဲတွင်းထဲကျနေသည့် ကျွန်တော်တို့ သမီးငယ်တွေကို ကယ်တင်နိုင်မည့် မှန်ကန်သည့်ဥပဒေတွေ ချရမည်။ ဤဆောင်းပါးရေးနေစဉ် NLD ၀င်အချို့နှင့် ဆွေးနွေးရာ ပြည့်တန်ဆာတွေ မပျောက်နိုင်အတူတူ ကျန်းမာရေးဆေးစစ်မှတ်ပုံတင်ပေးရမည်ဟု ဆိုကြသည်။ တချို့ကလည်း ဗုဒ္ဓခေတ်ကပင် ပြည့်တန်ဆာရှိသည်ဟု တမိုက်ဥာဏ်ဖြင့်ဆိုပြန်သည်။ (ထိုအဗ္မပါလီ ပြည့်တန်ဆာမျိုးသည် လုပ်ချင်တိုင်းလုပ်မရ။ အတတ်ပညာ ပြည့်ရုံမက ရုပ်ရည်လှပမှုက တတိုင်းပြည်လုံး ဒိတ်ဖြစ်မှ) ထို NLD များကပင် ဆိုသေးသည်။ ဒီမာဆတ်၊ KTV တွေက International တွေတဲ့။ ပြည့်တန်ဆာနှိပ်ကွပ်ရေးဥပဒေပြင်ဖို့ ပြည့်တန်ဆာတို့ကို ဆေးစစ်ရမည်ဆိုခြင်းသည် ဆောင်ကြာမြိုင်ဂေဟာတို့ တိုးစေမည့်နည်းလမ်းဖြစ်ပြီး ဗိုလ်ချုပ်ပြောသည့်- နိုင်ငံဟု ကြော်ငြာလိုက်ခြင်းပင်ဖြစ်မည်။ မိဘမောင်ဘွား ရဟန်းသံဃာတို့နှင့် ပတ်ဝန်းကျင်တို့အား အရှက်တရားအကြောက် တရားကြီးမားသော ယဉ်ကျေးမှုအသိပိုင်ဆိုင်သည့်နိုင်ငံတွင် ဤဆောင ကြာမြိုင်တို့ ရှိနေသည်ကို လိုလိုချင်ချင်လက်ခံထားခြင်း မဟုတ်သည်ကို တိုင်းပြည်ပြုပြင်မည်ဆိုသော အမတ်နိုင်ငံရေးသမားတို့ သိစေချင်သည်။ ထို့ကြောင့် ''ပြည့်တန်ဆာဖြစ်အောင် သွေးဆောင်ဖြားယောင်း မွေးမြူသူတို့ကို နှိပ်ကွပ်သည့်ဥပဒေ''မှ မှန်မည်ဟု ကျွန်တော် ဆိုချင်သည်။ ဤတွင်လည်း မိမိဥာဏ်အားနှင့် ဆိုနိုင်ခြင်းမဟုတ်ပါ။ အမျိုးသားဖခင် ဗိုလ်ချုပ်အောင်ဆန်း၏ လူမှုမိန့်ခွန်းကြောင့်ပါ။
''ဒုက္ခရောက်နေတဲ့ အမျိုးသမီးတွေကို ကယ်တင်ရမယ်။ ပညာပေးရမယ်။ အလုပ်အကိုင်တွေ ဖန်တီးပေးရမယ်။ လူမှုဖူလုံရေးအသင်းတွေ ဘာတွေဖွဲ့ပြီး ကူညီရမယ်။ အမျိုးသမီးတွေကို ဖျက်ဆီးတဲ့ ဖာခေါင်းတွေကို ပြင်းပြင်း ထန်ထန် အရေးယူရမယ်။”

ပြည့်တန်ဆာတွေပျောက်ဖို့မလွယ်ဘူးဆိုသော နိုင်ငံရေးသမားတွေ ဘာကြောင့်မပျောက်သနည်း။ အဖြေက တရားဥပဒေမစိုးမိုး၍ဖြစ်သည်။ သို့သော်လည်း ရေနစ်သူဝါးကူထိုးဥပဒေနှင့် ရေနစ်အောင်လုပ်မည့်သူများ ပေါများလာစေမည့်ဥပဒေကို ပြဋ္ဌာန်းနေလျှင်လည်း မပျောက်ရုံမက ဆိုးသမျှက ကိုးဆပိုလာပါလိမ့်မည်။ တည့်တည့်ပြောပါမည်။ ဆင်းရဲသား မိန်းကလေးတို့ကို ဘ၀ပျက်အောင် ဆောင်ကြာမြိုင်ထောင်စားသူတို့ကို ကာကွယ်ပေးသည့်ဥပဒေတွေ ပြဋ္ဌာန်းမပေးဖို့လိုသည်။ သို့မှသာ ပြည့်တန်ဆာမပျောက်သော်လည်း တိုးပွားမှုရပ်တန့်သွားမည်။ စစ်အစိုးရခေတ်မှာ ခရိုနီနှင့် အာဏာရှိသူတွေပေါင်း၍ ရှေးကမရှိသည့် KTV အနှိပ်ခန်းတို့ ပွင့်လင်းမြင်သာစွာပေါ်လာခဲ့ပြီး လိုင်စင်မရှိ ဖွင့်ခွင့်ပေးထားသည်။ တည်းခိုခန်းမရှိ၍ လှပနေသော ဗိုလ်ချုပ်ဇာတိမြို့ကလေးမှာဦးသိန်းစိန် အစိုးရခေတ်က KTV ဖွင့်ဖို့ ကြိုးစားရာ လူထုကလက်မခံ၍ ပိတ်သွားခဲ့ရ သည်။ ယခုဥပဒေနှင့်အညီ ဖွင့်ခွင့်ပေးမည်ဆို၍ အားခဲနေကြ သူတွေရှိနေပြီ။ Burmese Virgin To Sell ကို ဘန်ကောက် ဆောင်ကြာမြိုင်မှာ ချိတ်ထားသည့်သတင်းသိရစဉ်က နာကျင်ခဲ့ရဖူးသည်။ NLD ခေတ်မှာ တောမကျ မြို့မကျ လမ်းဆုံလေးခွ ကျေးလက်ဒေသတွင်ပါ လူလွန်မသားတို့ပျော်စရာ Semi Sex House တွေ ဖွင့်ခွင့်ပေးမည်ဆိုလျှင်တော့ မြန်မာအပျိုစင်လေးတွေထုတ်လုပ်သည့် အစိုးရဖြစ်လာမည်။ အိမ်နီးချင်းနိုင်ငံတခု မြို့တော်ကို နိုင်ငံခြားသားတဦးက ပြည့်တန်ဆာ မြို့တော်ဟု သမုတ်ခဲ့သလို ဆည်းလည်းသံဝေ မြန်မာပြည် မှနေ ကမ္ဘာမှာ KTV, မာဆတ်ဂေဟာတို့မြေ ဖြစ်လာတော့မည်။ ယခုပင်ကျေးလက် တွေမှာ ပံျ့နှံ့နေပြီ။

စစ်ကျွန်ခေတ်မှာ ပန်းကလေးတို့ မလှနိုင်၊ မလန်းနိုင်အောင်ဖြစ်ခဲ့ ရသည်မှာ ထိုပန်းကလေးတို့နှင့် စီးပွားရှာ သူယုတ်မာတို့နှင့် အာဏာပိုင် ဆိုင်သော လူများ ပေါင်းကြံခဲ့၍ဖြစ်သည်။ ယနေ့အခါ မလန်းနိုင်ရှာသော ပန်းကလေးတွေကို ကယ်တင်ကူညီလိုစိတ်၊ သတ္တိနှင့် ပညာ NLD အမတ်တွေမှာ ရှိစေချင်သည်။ NLD အမျိုးသားအမတ်များလည်း ဗိုလ်ချုပ်အောင်ဆန်း နှလုံးသားနှင့်သတ္တိသွေးတစက်မရှိကြလျှင် အေးကောင်း ပျိုရွယ်သမီးငယ်တို့ဘ၀ န၀တ နအဖခေတ်လိုပင် နွမ်းကြေမွရသည့် ပန်းကလေးတွေ ဖြစ်နေဦးမည်ပင်။
ပြည်သူကိုအကျိုးပြုမည်ဆိုသော NLD အမတ်တွေအနေဖြင့် ကျားရဲတွင်းမရောက်သေးသူတို့ကို မရောက်အောင်၊ ရောက်နေသူတွေကို ကူညီရအောင် ကိုလိုနီခေတ်က ဒေါ်ညိမ်းလို စိတ်ဓာတ်မျိုးမွေးရမည်ဖြစ် ပြီး ဗိုလ်ချုပ်ပုံချိတ်ပြီး မဲဆွယ်သလို ဗိုလ်ချုပ်လို သတ္တိ-နှလုံးသားမျိုး မွေးမြူနိုင်ရပါမည်။
နိဂုံးအနေဖြင့် NLD အစိုးရသည် ပညာရေး၊ ကျန်းမာရေးတို့မှာလည်း ပြည်ခိုင်ဖြိုးအစိုးရလို လူမှုရေးတွင် လုံမပျိုတို့လုံခြုံစေဖို့ နည်းလမ်းမရှာဘဲ ဦးသိန်းစိန်အစိုးရနှယ် ပေလျကံဆက်ထားမည်ဆိုလျှင် NLD ခေတ်မှာလည်း အေးကောင်းပျိုရွယ်သမီးငယ်တို့မှာ မလန်းသာနွမ်းပါလေဦးမည် ဖြစ်ပါကြောင်း။

ကိုဌေး(နတ်မောက်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal