မြန်မာနိုင်ငံ ဘဏ်လုပ်ငန်းမှာ လုပ်ကိုင်ခွင့် လိုင်စင် ချမှတ်ပေးဖို့ ဒုတိယအကျော့ ရွေးချယ်ရာမှာ ထိုင်ဝမ်နိုင်ငံက ဘဏ် ၈ ခု စကာတင် ရွေးချယ်ခံရတယ်လို့ သိရပါတယ်။
အခုလောလောဆယ် ဘဏ် ၁၃ ခုကို စကာတင် ရွေးချယ်နေပြီး အဲဒီအထဲမှာ ထိုင်းဘဏ်တွေ တခုမှ မပါဝင်တော့ဘူးလို့ The Nation သတင်းမှာ ဖော်ပြထားပါတယ်။
မြန်မာနိုင်ငံရဲ့ ဘဏ်လုပ်ငန်းမှာ လုပ်ကိုင်ခွင့်ရဖို့ အိန္ဒိယ၊ Mauritius၊ တောင်ကိုရီးယား၊ ထိုင်ဝမ်နဲ့ ဗီယက်နမ်နိုင်ငံက ဘဏ်တွေက လျှောက်လွှာတင်ခဲ့ကြတာ ဖြစ်ပါတယ်။
လျှောက်လွှာ ၁၃ ခုကို စတာတင် ရွေးချယ်ရာမှာ ထိုင်ဝမ်ဘဏ်တွေ အများစု ပါဝင်နေတာ ဖြစ်ပါတယ်။
အဲဒီအထဲမှာမှ ဘဏ် ၃ ခုကနေ ၅ ခုကို လုပ်ကိုင်ခွင့်လိုင်စင် ချမှတ်ပေးမှာ ဖြစ်ပြီး မတ်လမကုန်ခင်လောက်မှာ ကြေညာမယ့် အနေအထား ရှိနေပါတယ်။
အရင်နှစ်တွေတုန်းကလည်း နိုင်ငံခြား ဘဏ် တချို့ကို လုပ်ကိုင်ခွင့် လိုင်စင် ချမှတ်ပေးခဲ့ပြီး အဲဒီအထဲမှာ သြစတြေးလျ၊ တရုတ်၊ ဂျပန်၊ မလေးရှား၊ စင်္ကာပူနဲ့ ထိုင်းနိုင်ငံက ဘဏ်တွေ ရရှိတဲ့အတွက် ဒီတချီမှာ လျှောက်ပိုင်ခွင့် မရှိဘူးလို့ သိရပါတယ်။
ABC Radio Australia
http://www.radioaustralia.net.au/burmese
ထိုင်ဝမ်ဘဏ် အများစုကို မြန်မာ စကာတင်ရွေး
Reviewed by THITHTOOLWIN
on
11:29
Rating: