 |
| စီမံကိန်းတွေ ကိစ္စ အရေးကြီးအဆိုကို တပ်မတော်ကိုယ်စားလှယ်တွေ ကန့်ကွက် |
ဒါပေမဲ့ ထောက်ခံသူ များတဲ့ အတွက် ဖေဖော်ဝါရီလ ၂၆ ရက်နေ့မှာ အဲဒီ အဆိုကို ဆက်လက် ဆွေးနွေးမှာ ဖြစ်ပါတယ်။
ဒီအရေးကြီး အဆိုကို ပြည်သူ့လွှတ်တော် ဘဏ်များနဲ့ ငွေကြေးဆိုင်ရာ ဖွံ့ဖြိုးတိုးတက်ရေး ကော်မတီ အတွင်းရေးမှူး ဖြစ်တဲ့ NLD ပါတီပုလဲမြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က တင်သွင်းခဲ့တာဖြစ်ပါတယ်။
လက်ရှိ အစိုးရ သက်တမ်း တစ်လခွဲလောက်ပဲ ကျန်တော့ချိန်မှာ နိုင်ငံပိုင် လုပ်ငန်း၊ အဆောက်အဦနဲ့ နေရာတွေကို အလျင်စလို လွှဲပြောင်း ရောင်းချ ငှားရမ်းတာတွေ လုပ်နေလို့ ပြည်သူတွေကြားမှာ ကျယ်ကျယ်ပြန့်ပြန့် ပြောဆိုနေကြတာတွေ ရှိနေတဲ့အပြင် နောင် အစိုးရသစ် တက်မှ ဆောင်ရွက်ရမှာတွေကို အခု လုပ်ဆောင်နေတဲ့ အတွက် ထိန်းကျောင်း တည့်မတ်ပေးဖို့ အဆိုတင်ခဲ့တာလို့ သူက ပြောပါတယ်။
လူများသိရှိတဲ့ လုပ်ငန်းတွေထဲမှာ ဥပမာအားဖြင့် စင်ကာပူနိုင်ငံကို ရန်ကုန်က ၄ ဧကကျော် ရှိတဲ့ ဆေးရုံကြီးမြေနေရာ လုပ်ကိုင်ခွင့်ပေးတာ၊ ဒဂုံစီးတီး စီမံကိန်းလုပ်ခွင့်ပေးတာအပြင် ဓါတ်ဆီဆိုင် ၇၀ ကို ပြည်သူတွေကို အသိပေးခြင်းမရှိဘဲ လွှဲပြောင်းပေးမယ့် ကိစ္စတွေ ရှိသေးတယ်လို့ ဒေါ်ခင်စန်းလှိုင်က ပြောပါတယ်။
အစိုးရသစ် တာဝန်လွှဲပြောင်းတဲ့ အခါ ဂုဏ်သိက္ခာ ရှိရှိ လွှဲပြောင်းနိုင်အောင်နဲ့ ပြည်သူလူထုကိုလည်း ရှင်းပြနိုင်စေဖို့ လွှတ်တော်တွင်းကနေ မေးခဲ့တာ ဖြစ်တယ်လို့လည်း သူက ပြောပါတယ်။
လွှတ်တော်က တင်ပြတဲ့ အချက်တွေကို သက်ဆိုင်ရာဝန်ကြီးဌာနတွေ အနေနဲ့ ဘယ်လောက် စိတ်ဝင်စားသလဲ ဆိုတာနဲ့ တင်ပြတဲ့ အချက်အလက်တွေ အပေါ် ဘယ်လို တုံ့ပြန်မလဲ ဆိုတာက အရေးကြီးတယ်လို့လည်း ဒေါ်ခင်စန်းလှိုင်က ပြောပါတယ်။
တာဝန်ရှိတဲ့ အစိုးရပိုင်းက ဖြေရှင်း မပေးနိုင်ဘူးဆိုရင်တောင် ဒီစီမံကိန်းတွေကို သူတို့ ဘာကြောင့် ဘယ်လို ဆောင်ရွက်ခဲ့တယ် ဆိုတာ လွှတ်တော်ကို လာရောက် ရှင်းလင်း ပြောပြရင် ပြည်သူတွေက အစိုးရ အပေါ် ပိုလေးစားနိုင်မယ်လို့လည်း သူကဆိုပါတယ်။
ဒါ့အပြင် ဒေါ်ခင်စန်းလှိုင်က တာဝန်ရှိသူတွေ လာရောက်မရှင်းလင်းရင် လွှတ်တော်မှာ တင်ခဲ့တဲ့ အဆိုတွေကို မှတ်တမ်းနဲ့ ထားရှိပြီး နောက်အစိုးရသစ် လက်ထက်မှာ ဆက်လက် ဆောင်ရွက်ဖို့ လိုတာတွေကို လုပ်သွားမယ်လို့ ပြောပါတယ်။
BBC Burmese
http://www.bbc.com/burmese
စီမံကိန်းတွေ အလျင်စလို ခွင့်မပြုဖို့ အရေးကြီး အဆိုတင်
Reviewed by THITHTOOLWIN
on
23:28
Rating:
Reviewed by THITHTOOLWIN
on
23:28
Rating:
