ဒေါ်အောင်ဆန်းစုကြည်၏ ထင်ရှားမှုကြောင့် မြန်မာနိုင်ငံအား ပြည်ပ ခရီးသွား ဧည့်သည်များ စိတ်ဝင်စားမှု မြင့်တက်


၂၀၁၅ ခုနှစ် ရွေးကောက်ပွဲအပြီး နိုင်ငံရေးအပြောင်းလဲ တစ်ခုဖြစ်လာသည့်အပြင် အမျိုးသား ဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်၏ ထင်ရှားမှုကြောင့် မြန်မာနိုင်ငံအပေါ် နိုင်ငံခြားသားခရီးသွားတို့ စိတ်ဝင်စားမှု မြင့်တက်လာကြောင်း Thingazar Travels and tours မှ မန်နေဂျင်းဒါရိုက်တာ ဦးတင်ထွန်းအောင်ထံမှ သိရှိရသည်။

မြန်မာနိုင်ငံ ခရီးသွားလုပ်ငန်းရှင်များ အသင်းတွင် ၁၂ နှစ်ကြာ တာဝန်ထမ်းဆောင်ခဲ့သည့် ဦးတင်ထွန်းအောင်က အဆိုပါ အကြောင်းအရာနှင့် ပတ်သက်ပြီး ဖေဖော်ဝါရီ ၂၅ ရက်က ကျင်းပသော ၂၀၁၆ ခုနှစ် မြန်မာနိုင်ငံခရီးသွား တိုးတက်မှု အလားအလာ ဆွေးနွေးပွဲတွင် ပြောကြားခဲ့ခြင်း ဖြစ်သည်။

“၂၀၁၀ အစိုးရသစ် လက်ထက်မှာ စတင်တိုးတက်လာတယ်။ ဒေါ်စုရဲ့ ထင်ရှားမှုကလည်း ခရီးသွား တိုးတက် လာတာနဲ့ သက်ဆိုင်တာ ငြင်းလို့မရဘူး။ ခရီးသွားဝန်ကြီးဌာနနဲ့ ခရီးသွားလုပ်ငန်း တွေကလည်း တိုးတက် လာတာကြောင့်ပါ။ အခုတိုးတက်လာပြီ ဆိုတော့ ပြန်မကျသွားအောင် ထိန်းသိမ်းဖို့ လိုအပ်ပါတယ်” ဟု ဦးတင်ထွန်းအောင်က ပြောသည်။

မြန်မာနိုင်ငံသို့ နိုင်ငံခြားသား ခရီးသွားဝင်ရောက် လည်ပတ်မှုနှုန်းမှာ ၂၀၁၃ ခုနှစ်တွင် သုံးသန်းကျော် ရှိခဲ့ပြီး ၂၀၁၄ ခုနှစ်မှ ၂၀၁၅ ခုနှစ်အတွင်း နိုင်ငံခြားသား ခရီးသွားဧည့်သည် လေးသန်းကျော်အထိ ရှိခဲ့ကြောင်း သိရသည်။

“နိုင်ငံခြားသား ခရီးသွားအများစုကတော့ ဒေါ်စုကို စိတ်ဝင်စားကြပါတယ်။ ရန်ကုန်ရောက်ရင် ဒေါ်စုအိမ်ရှေ့ကို သွားလည်တာတွေ၊ ဓာတ်ပုံရိုက်တာတွေ လုပ်ကြပါတယ်” ဟု 7 Days Travels and Tour မှ Sales Manager ကိုကောင်းစည်သူက ပြောသည်။

မြန်မာနိုင်ငံအနေဖြင့် ခရီးသွားလုပ်ငန်း တိုးတက်လာပြီဖြစ်သော်လည်း ဝန်ဆောင်မှုအပိုင်း တိုးတက်လာရန် လုပ်ဆောင်သွားရမည်ဖြစ်ပြီး အခြေခံ အဆောက်အအုံ လိုအပ်ချက်များကိုလည်း ဆက်လက် ဖြည့်ဆည်း လုပ်ဆောင်သွားရမည် ဖြစ်ကြောင်း မြန်မာနိုင်ငံ ခရီးသွားလုပ်ငန်းရှင်များအသင်း ဥက္ကဋ္ဌ ဦးသက်လွင်တိုးက ပြောသည်။

မြန်မာနိုင်ငံအနေဖြင့် ခရီးသွားလုပ်ငန်း တိုးတက်ရန်အတွက် Master Plan တစ်ခု ရေးဆွဲထားပြီးဖြစ်ကာ ၂၀၂၀ ပြည့်နှစ်တွင် နိုင်ငံခြားသား ခရီးသွားဧည့်သည် ခုနစ်သန်းကျော် ဝင်ရောက်လည်ပတ်ရန် ရည်ရွယ်ထားကြောင်း သိရသည်။

သတင်း - MMK
Photo - Saung Phyu
The Ladies News
https://www.facebook.com/News.TheLadies

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ