ကချင်ပြည်နယ်မှာ ဖြစ်တဲ့ စစ်ဘေးကနေ ထွက်ပြေးတိမ်းရှောင်တဲ့ ကချင်ပြည်သူ တစ်ဦး |
တိုင်းရင်းသား လက်နက်ကိုင် တပ်ဖွဲ့ အချင်းချင်းကြား အပြင်းအထန် ပစ်ခတ်တိုက်ခိုက်မှုတွေဟာ ဖြစ်တောင့်ဖြစ်ခဲ ဖြစ်ပေမယ့် ရှမ်းနဲ့ ပလောင်တပ်အကြား အရင်တပတ်ကစပြီး တိုက်ပွဲတွေ ဖြစ်ပွားနေတာ ဖြစ်ပါတယ်။
စစ်ပြေး ဒုက္ခသည် အများစုဟာ ကျောက်မဲမြို့က ဘုန်းကြီးကျောင်းတွေမှာ ခိုလှုံနေပြီး ပရိဟိတအဖွဲ့အစည်းတွေနဲ့ ကြက်ခြေနီအသင်းတို့က အကူအညီ ပေးနေကြပါတယ်။
လွှတ်တော်မှာ ပြုလုပ်တဲ့ အရေးကြီး အဆိုတင်သွင်းချက်ထဲမှာ ကျောက်မဲ လွှတ်တော်အမတ် ဦးစိုင်းထွန်းအောင် က စစ်ကြောင့် ဆရာ၊ ဆရာမတွေ၊ ကျောင်းသူ၊ ကျောင်းသားတွေက ခြေကျင်နဲ့ ဖမ်းဆီးမှုက လွတ်အောင် ထွက်ပြေးရတာတွေ၊ လက်နက်ကိုင် အဖွဲ့တခုကလည်း အဲဒီဒေသမှာ သတ်ဖြတ်မှုတွေ၊ ပစ်ခတ်မှုတွေ လုပ်ကြတယ်လို့ ပြောပါတယ်။
ဒါပေမယ့် ဘယ်အဖွဲ့လည်း ဆိုတာကိုတော့ ပြောဆိုခြင်း မရှိခဲ့ပါဘူး။
နှစ်ဘက်အကြား တိုက်ခိုက်မှုတွေ ဘယ်ကနေ စတင်သလဲ ဆိုတာ ရှင်းရှင်းလင်းလင်း မသိရပေမယ့် နယ်မြေပိုင်ဆိုင်မှုကနေ စတင်တာလို့လည်း ပြောဆိုသံတွေ ထွက်ပေါ်နေပါတယ်။ TNLA ဘက်က စစ်အရာရှိ မိုင်အိုက်ကျော် ကတော့ ရှမ်းတပ်ဖွဲ့ဟာ မြန်မာ စစ်တပ် အကူအညီနဲ့ ပလောင် တပ်ဖွဲ့ကို တိုက်ခိုက်နေတာလို့ အေအက်ဖ်ပီကို ပြောသွားခဲ့ပါတယ်။
ဘိန်းခင်း ဖျက်နေတဲ့ ပလောင်တပ်ကိုလည်း မြန်မာ စစ်တပ်က ဂျက်လေယာဉ် နှစ်စင်းနဲ့ တိုက်ခိုက်မှု လုပ်ခဲ့တယ်လို့ ပြောပါတယ်။
ရှမ်းတပ်ဖွဲ့ဟာ မြန်မာ အစိုးရနဲ့ အပစ်အခတ်ရပ်စဲရေး သဘောတူညီမှု လက်မှတ် ထိုးပြီးနောက်ပိုင်း နယ်မြေတိုးချဲ့မှုတွေ လုပ်လာတယ်လို့လည်း စွပ်စွဲလိုက်ပါတယ်။
RCSS ရှမ်းတပ်ဖွဲ့ကတော့ တိုက်ပွဲအတွင်း မြန်မာစစ်တပ်ဘက်က ကူညီတာမျိုး မရှိသလို ကိုယ့်ကိုကိုယ် ကာကွယ်တဲ့အနေနဲ့သာ တုန့်ပြန်မှု လုပ်ရတာလို့ ပြောဆိုခဲ့ပါတယ်။
ABC Radio Australia
http://www.radioaustralia.net.au/burmese
စစ်ဘေးဒုက္ခသည် ၃၀၀၀ ရှိပြီ
Reviewed by THITHTOOLWIN
on
18:43
Rating: