အစိုးရ ဂုဏ်သိက္ခာကို ကျစေမည့် မြေသိမ်းဆည်းမှုများအား အရင်ဆုံး ဖြေရှင်းမည်ဟု ဒေါက်တာအောင်မိုးညို ပြော


မကွေးတိုင်းဝန်ကြီးချုပ်အဖြစ် ရေပန်းစားနေသော ပွင့်ဖြူမြို့နယ် အမှတ် (၁) မဲဆန္ဒနယ်မှ တိုင်းဒေသကြီးလွှတ်တော် အမတ်ဖြစ်သူ ဒေါက်တာအောင်မိုးညိုအနေဖြင့် ပြည်ထောင်စုအစိုးရ၏ အကူအညီဖြင့် မကွေးတိုင်းအတွင်း သိမ်းဆည်းထားသော မြေယာများအရေးကို ပထမဦးစားပေးအဖြစ် ကိုင်တွယ်ဖြေရှင်းသွားမည်ဖြစ်ကြောင်း ဖေဖော်ဝါရီလ ၈ရက်နေ့တွင် News Watch သို့ ပြောကြားသည်။

ဒေါက်တာအောင်မိုးညိုမှာ ၂၀၁၂ ခုနှစ် ရွေးကောက်ပွဲတွင် ပြည်သူ့လွှတ်တော် ကိုယ်စားလှယ်အဖြစ် ရွေးကောက်တင်မြောက်ခံခဲ့ရသော်လည်း ပွင့်ဖြူမြို့နယ်အတွင်း၌ ဒဂုံအင်တာနေရှင်နယ် ကုမ္ပဏီ၏ သိမ်းဆည်းမြေယာများအရေးကို ကိုင်တွယ်ဆောင်ရွက်နိုင်ခဲ့ခြင်းမရှိသောကြောင့် ပြည်သူများအကြား ဝေဖန်မှုမှုအချို့ ရှိခဲ့သည်။ သို့သော် လွန်ခဲ့သည့် ရွေးကောက်ပွဲ အကြို မဲဆွယ်စည်းရုံးရေးကာလ ကုလားဟောင်းရွာဟောပြောပွဲတွင် သူ့ပါတီအနေဖြင့် အစိုးရမဖွဲ့နိုင်လို့သာ သိမ်းဆည်းလယ်ယာမြေများကိစ္စကို မဖြေရှင်းနိုင်ခြင်းဖြစ်သည်ဟု မဲဆန္ဒရှင်များကို ပြောခဲ့သည်။

မကွေးတိုင်းအစိုးရ အဖွဲ့အသစ်အနေဖြင့် ယခင်အစိုးရ အဆက်ဆက်က သိမ်းဆည်းခဲ့သည့် ပြည်ထောင်စုအစိုးရ၏ စီမံကိန်းမြေများ၊ စစ်တပ်သိမ်းဆည်းမြေများ၊ ကုမ္ပဏီသိမ်းဆည်းမြေများအပြင် အခြားသော ဒေသဆိုင်ရာ မြေသိမ်းအမှုငယ်လေးများစွာကို အလျင်အမြန် ဖြေရှင်းပေးရန် လိုအပ်လျက်ရှိသည်။ လက်ရှိ မကွေးတိုင်းဒေသကြီး မြေစာရင်းဦးစီးဌာနတွင် ၂၀၁၃ ခုနှစ်မှ စတင်တိုင်ကြားခဲ့သော မြေယာအမှုပေါင်း ၉၀၀ခန့် ကျန်ရှိနေသည်ဟု သိရသည်။

စောကျော်ဝင်း
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal
အစိုးရ ဂုဏ်သိက္ခာကို ကျစေမည့် မြေသိမ်းဆည်းမှုများအား အရင်ဆုံး ဖြေရှင်းမည်ဟု ဒေါက်တာအောင်မိုးညို ပြော  အစိုးရ ဂုဏ်သိက္ခာကို ကျစေမည့် မြေသိမ်းဆည်းမှုများအား အရင်ဆုံး ဖြေရှင်းမည်ဟု ဒေါက်တာအောင်မိုးညို ပြော Reviewed by THITHTOOLWIN on 11:41 Rating: 5
Powered by Blogger.