ဇင်ဘာဘွေ ကပ်ဘေးသင့် အခြေအနေ ကြေညာ

ဇင်ဘာဘွေ ဒေသ အတော်များများမှာ စားစရာ ကျွဲနွား အနည်းအကျဉ်းသာ ကျန်ရှိ။
ဇင်ဘာဘွေ နိုင်ငံက မိုးခေါင်ရေရှားမှု ဘေးဒဏ်နဲ့ ကြုံတွေ့ရတဲ့ ကျေးလက် ဒေသတွေမှာ အရေးပေါ် ကပ်ဘေးသင့် အခြေအနေကို သမ္မတ ရောဘတ် မူဂါဘီက ကြေညာ လိုက်ပါတယ်။

ဇင်ဘာဘွေ လူဦးရေရဲ့ လေးပုံတစ်ပုံကျော် ဖြစ်တဲ့ ၂.၄ သန်းလောက်ဟာ စားနပ်ရိက္ခာ အကူအညီတွေ လိုအပ်နေတယ်လို့ ခန့်မှန်း ထားပါတယ်။

အလှူရှင်တွေ ဆီကနေ ကူငွေတွေ တိုးရဖို့အတွက် ကပ်ဘေးသင့် အခြေအနေ ကြေညာဖို့ မစ္စတာ မူဂါဘီကို ဥရောပ သမဂ္ဂက တိုက်တွန်းခဲ့ပြီးနောက် အခုလို ကြေညာချက် ထွက်ပေါ် လာတာပါ။

ဇင်ဘာဘွေ အစိုးရက အိမ်နီးချင်း ဇမ်ဘီယာ နိုင်ငံကနေ ပြောင်းဖူးတွေ တင်သွင်း နေတဲ့အတွက် မစိုးရိမ်ကြဖို့ ဇင်ဘာဘွေ နိုင်ငံသားတွေကို ပြောထား ပါတယ်။

မိုးခေါင် ရေရှားမှုနဲ့အတူ အယ်နီးညို ရာသီဥတုကြောင့် အာဖရိကတိုက် တောင်ပိုင်း တခွင်က လူ ၁၄ သန်းလောက် စားနပ်ရိက္ခာ ပြတ်လပ် နေတယ်လို့ ကုလ သမဂ္ဂရဲ့ ကမ္ဘာ့ စားနပ်ရိက္ခာ အစီအစဉ်က ပြောပါတယ်။

မိုးခေါင် ရေရှားမှု ဒဏ်ကို တောင်အာဖရိက၊ နမ်မီးဘီးယားနဲ့ ဘော့စ်ဝါနာ နိုင်ငံတွေလည်း ခံနေ ကြရပါတယ်။

BBC Burmese
http://www.bbc.com/burmese
ဇင်ဘာဘွေ ကပ်ဘေးသင့် အခြေအနေ ကြေညာ  ဇင်ဘာဘွေ ကပ်ဘေးသင့် အခြေအနေ ကြေညာ Reviewed by THITHTOOLWIN on 20:53 Rating: 5
Powered by Blogger.