တောင်တရုတ်ပင်လယ်ပြင်မှာ တရုတ်ဘက်က ဆောက်လုပ်နေတဲ့ ကျွန်းတု တစ်ခု (Credit: ABC licensed) |
ထိုင်ဝမ်နဲ့ ဗီယက်နမ်တို့ကလည်း ပိုင်ဆိုင်တယ်လို့ ပြောဆိုနေတဲ့ Woody Island ကျွန်းမှာ တရုတ်က ဒုံးကျဉ်တွေ ထားရှိတာလို့ ဆိုပါတယ်။
တရုတ်နိုင်ငံက ဒုံးကျဉ်ထားရှိတယ် ဆိုတာကို Fox သတင်းက ဆက်တလိုက်ပုံတွေအရ အရင်ဆုံး ပြောဆိုတာဖြစ်ပြီး ထိုင်ဝမ်က အတည်ပြုလိုက်တာ ဖြစ်ပါတယ်။
ဆက်တလိုက်ပုံတွေအရ ဒုံးကျဉ်လွတ်တင်ဖို့ စက် ၈ ခုလောက် ရှိတာကို တွေ့ခဲ့ရတယ်လို့လည်း သိရပါတယ်။
အလားတူ အမေရိကန် အစိုးရကလည်း ဒီအချက်ကို အတည်ပြုလိုက်ပါတယ်။
အမေရိကန် အစိုးရနဲ့ အာဆီယံအသင်းကတော့ တရုတ်အနေနဲ့ တောင်တရုတ်ပင်လယ်ပြင်မှာ နယ်မြေတိုးချဲ့နေတာတွေကို ရပ်တန့်ဖို့ တောင်းဆိုလိုက်ပါတယ်။
တောင်တရုတ်ပင်လယ်ပြင်မှာ အာဆီယံ အသင်းဝင် နိုင်ငံတချို့နဲ့ တရုတ်နိုင်ငံအကြား နယ်မြေ ပိုင်ဆိုင်မှု အငြင်းပွားနေတာ ဖြစ်ပါတယ်။
အဲဒီလို ပိုင်ဆိုင်မှု အငြင်းပွားနေတုန်းမှာပဲ တရုတ်နိုင်ငံက ကျွန်းအတု တည်ဆောက်မှုတွေ လုပ်နေတာ ဖြစ်ပါတယ်။
တရုတ်အနေနဲ့ နယ်မြေချဲ့ထွင်တာမျိုးတွေ မလုပ်တော့ဖို့ အမေရိကန်နဲ့ အာဆီယံတို့က အသံတစ်သံတည်းနဲ့ တိုက်တွန်းနိုင်အောင် အမေရိကန်က လုပ်ဆောင်နေတာ ဖြစ်ပါတယ်။
တရုတ်အစိုးရဟာ ကျွန်းအတုကို တည်ဆောက်ပြီးရင် စစ်အတွက် သုံးလိမ့်မယ်လို့ အမေရိကန်က ပြောဆိုပေမယ့် တရုတ်ကတော့ စစ်အတွက် အသုံးပြုမှာ မဟုတ်ဘူးလို့ ပြောဆိုနေပါတယ်။
ဒီကနေ့မှာတော့ သြစတြေးလျ နိုင်ငံခြားရေး ဝန်ကြီး ဂျူလီဘိရှော့ပ်ဟာ တရုတ်နိုင်ငံခြားရေး ဝန်ကြီးနဲ့ တွေ့ဆုံဖို့ရှိပြီး အခု တည်ဆောက်နေတဲ့ ကျွန်းအတုကို ဘာအတွက် သုံးမလဲ ဆိုတဲ့ ကိစ္စကို သြစတြေးလျဘက်က မေးမယ့် အနေအထား ရှိနေပါတယ်။
တရုတ်နိုင်ငံရဲ့ လုပ်ရပ်တွေဟာ ဒေသတွင်းသာမက ကမ္ဘာမှာ တည်ငြိမ် အေးချမ်းမှုတွေ ရှိစေမယ့် လုပ်ရပ်တွေ ဖြစ်သင့်တယ်လို့ သြစတြေးလျ အစိုးရက ပြောဆိုနေပါတယ်။
ဒီကနေ့ အမေရိကန် -အာဆီယံ အစည်းအဝေးမှာတော့ အာဆီယံအသင်းရဲ့ စီးပွားရေး တိုးတက်အောင် အမေရိကန်က ကူညီလုပ်ဆောင်မယ့်အကြောင်း သမ္မတ ဘာရက် အိုဘားမားက ကြေညာဖို့ ရှိပါတယ်။
အမေရိကန်က ဂျာကာတာ၊ ဘန်ကောက်နဲ့ စင်္ကာပူမှာ ရုံးသုံးခု ဖွင့်လှစ်ပြီး အာဆီယံနိုင်ငံတွေနဲ့ စီးပွားရေး ရင်းနှီးမှု ရှိအောင် ပိုလုပ်ကိုင်မယ်လို့ ဆိုပါတယ်။
အခုလောလောဆယ် အာဆီယံ အသင်းဟာ အမေရိကန်ရဲ့ စတုတ္ထမြောက် ကုန်သွယ်မှု အများဆုံး အသင်း ဖြစ်ပြီး ၂၀၁၄ ခုနှစ်တုန်းက အပြန်အလှန် ကုန်သွယ်ရေး တန်ဖိုးက ဒေါ်လာ ၂၅၄ ဘီလီယံ ရှိခဲ့တယ်လို့ သိရပါတယ်။
ABC Radio Australia
http://www.radioaustralia.net.au/burmese
တောင်တရုတ်ပင်လယ်မှာ တရုတ်က ဒုံးကျဉ်တွေ ထားရှိလို့ဆို
Reviewed by THITHTOOLWIN
on
18:46
Rating: