အယ်နီညို ရာသီဥတု အရေးကြီးအဆို ကိုယ်စားလှယ် ၁၄ ဦး စတင်ဆွေးနွေး

ပြည်သူ့လွှတ်တော်တွင် အရေးကြီးအဆိုအဖြစ် တင်သွင်းခဲ့သည့် အယ်နီညို ရာသီဥတုနှင့် ပတ်သက်၍ ယနေ့ ပြည်သူ့လွှတ်တော် အစည်းအဝေးတွင် ကိုယ်စားလှယ် ၁၄ ဦးက စတင်ထောက်ခံ ဆွေးနွေးခဲ့သည်။

“ မိုးလေဝသနဲ့ ဇလဗေဒ ပညာရှင်များ၏ တွက်ချက်မှုများအရ မကြာတော့တဲ့ ကာလမှာ မြန်မာနိုင်ငံဟာ အယ်နီညို အပူလှိုင်းဒဏ်ကို ခံကြရတော့မှာ ဖြစ်ပါတယ်။ အပူဒဏ်ကို ကာကွယ်ရန်အလို့ငှာ ပြည်သူများဟာလည်း လျှပ်စစ်ဓာတ်အားကို ပိုမိုသုံးစွဲလာကြမှာ ဖြစ်ပါတယ် ” ဟု ရွှေတောင် မဲဆန္ဒနယ် အမတ် ပြည်သူ့လွှတ်တော် ကိုယ်စားလှယ် ဒေါ်မြခွာညိုဦးက ဆွေးနွေးသည်။

ယင်းကဲ့သို့ လျှပ်စစ်ဓာတ်အား ပိုမိုသုံးစွဲလာပါက ဝါယာရှော့ကြောင့် မီးလောင်ကျွမ်းမှုများ မဖြစ်ပေါ်စေရန် လျှပ်စစ်ဝန်ကြီးဌာန အနေဖြင့် ကြိုတင်ပြင်ဆင်မှုများ ပြုလုပ်၍ ပြည်သူများအား အသိပညာပေးခြင်း နှင့် အသိပေး နှိုးဆော်မှုများအား ကျယ်ကျယ်ပြန့်ပြန့် ဆောင်ရွက်ရန် လိုအပ်ကြောင်းလည်း ၄င်းက ထပ်လောင်းပြောသည်။

အယ်နီညို ရာသီဥတု ဖြစ်ပေါ်စေသည့် အရင်းခံများဖြစ်သော သစ်တောပြုန်းတီးခြင်းနှင့် သဘာဝသယံဇာတ အလွန်အကျွံ ထုတ်ယူခြင်းတို့ ဖြစ်ကြောင်းလည်း ရွှေကူမဲဆန္ဒနယ် ပြည်သူ့လွှတ်တော် ကိုယ်စားလှယ် ဦးဇာနည်မင်းက ဆိုသည်။

“ လွန်ခဲ့တဲ့ လေးငါးခြောက်နှစ် လောက်ကတည်းက တရားဥပဒေစိုးမိုးမှု နည်းပါးခဲ့တဲ့အတွက် တရားမဝင်သစ် ထုတ်လုပ်မှုများ ဆောင်ရွက်လျက်ရှိပါတယ်။ ၂၀၁၅ ခုနှစ် တစ်နှစ်တည်းမှာတင် ကုဗတန် ၆၈၄,၀၀၀ ကျော် ပြည်ပ နိုင်ငံကို တင်ပို့ခဲ့ပါတယ် ” ဟု ၄င်းကပြောသည်။

ရာသီဥတု ခန့်မှန်းပညာရှင်များ၏ ပြောဆိုချက်များကို အလေးမထားဘဲ ကြိုတင်ပြင်ဆင်မှု အားနည်းချက်များကြောင့် ပြည်သူများ ဘေးဒုက္ခ ပိုမိုခံစားရကြောင်းလည်း ရွှေပြည်သာမဲဆန္ဒနယ် ပြည်သူ့လွှတ်တော် ကိုယ်စားလှယ် ဦးဥာဏ်လင်းက ဆွေးနွေးသည်။

“ ဒေါက်တာထွန်းလွင်က မုန်တိုင်းပြင်းထန်မယ်လို့ ကြိုတင်ခန့်မှန်း ထားသော်လည်း ကြိုတင်ပြင်ဆင်မှု လျော့နည်းခဲ့တဲ့ အတွက်ကြောင့် နာဂစ်မုန်တိုင်းမှာ ပျက်စီးဆုံးရှုံးမှု များပြားခဲ့ပြီး လူဦးရေ တစ်သိန်းကျော်အထိ သေဆုံးခဲ့ပါတယ်။ နိုင်ငံတော်အစိုးရအနေနဲ့ ကြိုတင်ပြင်ဆင်မှုတွေ လုပ်ထားပါတယ်လို့ ယုံကြည်ခဲ့သော်လည်း သဘာဝ ဘေးအန္တရာယ်ကို လျှော့တွက်ပြီး ကြိုတင်ပြင်ဆင်မှုတွေ အားနည်းခဲ့ပါတယ် ” ဟု ၄င်းကထောက်ပြ ပြောဆိုသည်။

သစ်တောပြုန်းတီးပါက နွေရာသီတွင် ရေရှား၍ မိုးရာသီတွင် ရေကြီးရေလျှံမှုများ ဖြစ်လာနိုင်ပြီး ယခင်နှစ်များထက် ပိုမိုဆိုးရွားလာနိုင်ကြောင်း ပညာရှင်များ သုံးသပ်ထားသည်ဟု ရပ်စောက်မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးခင်မောင်မြင့်က ဆိုသည်။

“မိုးခေါင်ရေရှားခြင်း၊ နေ့လယ်နေ့ခင်း အပူချိန်မြင့်တက်ခြင်း၊ ရေအရင်းအမြစ်များခန်းခြောက်မှု ဆုံးရှုံးမှုများ ရှိလာနိုင်သည့်အတွက် ပညာရှင်များနှင့် တိုင်ပင်ညှိနှိုင်းပြီး သေသေချာချာ စီမံဆောင်ရွက် သင့်ပါတယ် ” ဟု ၄င်းက ပြောသည်။

ယင်းအဆိုအား ဆွေးနွေးလိုသော ကိုယ်စားလှယ် အမည်စာရင်း ၂၂ ဦးတင်သွင်းထားပြီး ယနေ့အစည်းအဝေး တွင် ၁၄ ဦးသာ ဆွေးနွေးကာ ကျန်ကိုယ်စားလှယ်များ ဖေဖော်ဝါရီ ၂၄ ရက်နေ့တွင် ဆက်လက်ဆွေးနွေးရန် ပြည်သူ့လွှတ်တော် ဥက္ကဋ္ဌ ဦးဝင်းမြင့်က ပြောသည်။

သတင်း - ကိုပေါက်
ဓာတ်ပုံ - စမ်းရေကြည်
The Ladies News
https://www.facebook.com/News.TheLadies/