ပြည်သူ့လွှတ်တော် အစည်းအဝေးကျင်းပနေစဉ်။ Photo: RFA |
မိတ္ထိလာမြို့နယ် ပြည်သူ့လွှတ်တော်ကိုယ်စားလှယ် ဒေါက်တာမောင်သင်းက အယ်လ်နီညိုအကျိုးသက်ရောက် မှုကြောင့် ဖြစ်ပေါ်လာနိုင်တဲ့ ရာသီဥတု အခြေအနေတွေမှာ အစိုးရဌာန အသီးသီးက ပူးပေါင်းဆောင်ရွက် ဖို့အတွက် တိုက်တွန်းကြောင်း အရေးကြီးအဆိုကို တင်သွင်းခဲ့တာဖြစ်ပါတယ်။
အဲ့ဒီအဆိုကို ဧရာဝတီတိုင်းဒေသကြီး ကျောင်းကုန်းမြို့နယ် ပြည်သူ့လွှတ်တော် ကိုယ်စားလှယ် ဦးသိန်းထွန်း ကထောက်ခံဆွေးနွေးခဲ့ပြီး လွှတ်တော်က မဲခွဲဆုံးဖြတ်ရာမှာ အများစုက ထောက်ခံတဲ့အတွက် မနက်ဖြန် ဖေဖေါ်ဝါရီလ ၂၃ ရက်နေ့မှာ ဆက်လက်ဆွေးနွေးဖို့ အတည်ပြုလိုက်တာ ဖြစ်ပါတယ်။
မဲခွဲဆုံးဖြတ်ရာမှာ ပြည်သူ့လွှတ်တော် ကိုယ်စားလှယ် ၄၂၈ ဦး တက်ရောက်ရာမှာ ထောက်ခံမဲ ၃၈၇ ၊ ကန့်ကွက်မဲ ၉ နဲ့ ကြားနေ ၁၈ မဲနဲ့ အတည်ပြုလိုက်တာဖြစ်ပါတယ်။ အဆိုတင်သွင်းသူနဲ့ ထောက်ခံသူ လွှတ်တော်ကိုယ်စား လှယ် ၂ ဦးဟာ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ဖြစ်ပါတယ်။
အယ်လ်နီညိုရာသီဥတုကြောင့် အပူချိန်လွန်ကဲလွန်းလာမှာ ဖြစ်သလို ရေရှားပါးခြင်း ရေကြီးခြင်း စတဲ့နောက်ဆက် တွဲ ရာသီဥတုဆိုးဝါးမှုဒဏ်ကို မြန်မာနိုင်ငံအနှံ့ ရင်ဆိုင်ကြရမှာ ဖြစ်တယ်လို့ မိုးလေ၀သ ပညာရှင်တွေက သတိပေးထားပါတယ်။
လက်ရှိ ဆောင်းရာသီမကုန်ခင်မှာပဲ ရှမ်းပြည်နယ် နမ့်ဆန် ၊ ဧရာဝတီတိုင်း လပ္ပတ္တာ ၊ တနင်္သာရီတိုင်း ကျောက် ကာရွာ စတဲ့နေရာတွေမှာ မီးလောင်မှုတွေ ဆုံးရှုံးမှုတွေ များနေကြောင်းလည်း တင်ပြသွားပါတယ်။
ကြိုတင်ကာကွယ်မှုအဖြစ် သောက်သုံးရေအတွက် တစ်နိုင်ငံလုံးက ဆည်ရေတွေကို စနစ်တကျ ခွဲဝေသုံးစွဲရေး ၊ ရေရှားပါးမှုကို ကြိုတင်ကာကွယ်နိုင်ရေးအတွက် အစိုးရ နိုင်ငံတကာ အဖွဲ့အစည်းများ စတဲ့ သက်ဆိုင်ရာ ဌာနတွေနဲ့ အဖွဲ့အစည်းတွေက ပူးပေါင်းဆောင်ရွက်ကြဖို့ကို ပြည်သူ့လွှတ်တော်က တိုက်တွန်းသွားမှာ ဖြစ်ပါတယ်။
RFA Burmese
http://www.rfa.org/burmese
အယ်လ်နီညိုအရေး အရေးကြီး အဆိုတင်
Reviewed by THITHTOOLWIN
on
16:09
Rating: