ဓားကိုင်သောင်းကျန်းနေသူအား သေနတ်ဖြင့် ပစ်ခတ်ဖမ်းဆီး


 ဓားကိုင်သောင်းကျန်းနေသူအား သေနတ်ဖြင့် ပစ်ခတ်ဖမ်းဆီးရာမှ ပြစ်မှုများကျူးလွန်ပြီး ထွက်ပြေး တိမ်းရှောင်နေသူဖြစ်ကြောင်း ပေါ်ပေါက်

ရန်ကုန်၊ ဖေဖော်ဝါရီ ၅

၅.၂.၂၀၁၆ ရက်နေ့ ၁၁၃၀ အချိန်တွင် လှိုင်သာယာမြို့နယ်၊ (၁၉)ရပ်ကွက်၊ ဓည၀တီလမ်းမပေါ်တွင် အမျိုးသားတစ်ဦး ဓားကိုင်သောင်းကျန်းနေကြောင်း သတင်းအရ လှိုင်သာယာမြို့မရဲစခန်းမှတပ်ဖွဲ့ဝင်များက သွားရောက် ဖမ်းဆီးခဲ့ရာ ၎င်းမှ အသာတကြည်အဖမ်းမခံဘဲ ဓားဖြင့်ပြန်လည်ခုခံပြီး အနီးရှိ နေအိမ်အတွင်းသို့ ထွက်ပြေးစဉ် အဆိုပါနေအိမ်အား ၀ိုင်းဝန်းပိတ်ဆို့၍ ၀င်ရောက်ဖမ်းဆီးခဲ့ရာ ၎င်းမှ ရဲတပ်ဖွဲ့ဝင်တစ်ဦးအား ဓားဖြင့်ပြေးထိုးသဖြင့် .၃၈ ဗို့ခြောက်လုံးပြူးသေနတ်ဖြင့် ပစ်ခတ်ဖမ်းဆီးခဲ့ရာ ၎င်းမှ အညံ့ခံ၍အဖမ်း
ခံခဲ့သဖြင့် အရိုးအသွား ၁၆ လက်မခန့်ရှိ ဓားဦးချွန် ၁ ချောင်းနှင့်အတူ ဖမ်းဆီးရမိခဲ့ပါသည်။

ဖမ်းဆီးရမိသူအားစစ်ဆေးရာ လှိုင်သာယာမြို့နယ်နေ ချန်ဒူး(ခ)ဇော်လင်းထွန်း၊ (၂၈)နှစ်ဖြစ်ကြောင်း သိရှိရပြီး ၎င်းသည် လှိုင်သာယာမြို့မရဲစခန်း(ပ)၉၅၅/၂၀၁၅၊ လက်နက်အက်ဥပဒေပုဒ်မ-၁၉(င)အားတရားရုံးတွင်အာမခံဖြင့် အမှုရင်ဆိုင်နေစဉ် (ပ)၁၆၅၄/ ၂၀၁၅၊ ပြစ်မှုပုဒ်မ-၃၂၄/၂၉၄/၄၂၇/ ၅၀၆ နှင့် (ပ)၁၉၉၂/၂၀၁၅၊ ပြစ်မှုပုဒ်မ-၃၈၂/၅၄တို့အားထပ်မံကျူးလွန်ပြီး အမှုမှ ထွက်ပြေး တိမ်းရှောင်နေသူဖြစ်ကြောင်း စစ်ဆေးပေါ်ပေါက်ခဲ့ပါသည်။

၎င်းပြင် ချန်ဒူး(ခ)ဇော်လင်းထွန်းသည် ၂၀၀၇ ခုနှစ်အတွင်းက လှိုင်သာယာ မြို့နယ်တရားရုံးမှ လက်နက်အက်ဥပဒေပုဒ်မ-၁၉(င) ဖြင့် ထောင်ဒဏ်(၂)နှစ်၊ ပြစ်မှုပုဒ်မ-၃၂၄/၃၂၃ ဖြင့် ထောင်ဒဏ် (၂)နှစ်၊ ပြစ်မှုပုဒ်မ-၃၇၉ ဖြင့် ထောင်ဒဏ်(၁)နှစ် ကျခံခဲ့ဖူးသူဖြစ်ကြောင်း၊ ထို့ပြင် လှိုင်မြို့နယ်နှင့် လှိုင်သာယာမြို့နယ်များတွင် ခါးပိုက်နှိုက်မှုများကျူးလွန်ခဲ့သဖြင့် စုစုပေါင်း ထောင်ဒဏ်(၄)နှစ်ကျခံခဲ့ပြီး ၂၀၁၅ ခုနှစ်၊ (၃)လပိုင်းတွင် ပြန်လည် လွတ်မြောက်လာသူဖြစ်ကြောင်း သိရှိရပါသည်။

သေနတ်ဖြင့်ပစ်ခတ်ဖမ်းဆီးရမိသူ ချန်ဒူး(ခ)ဇော်လင်းထွန်းအား လှိုင်သာယာမြို့မရဲစခန်း(ပ) ၁၈၂/၂၀၁၆၊ လက်နက်အက်ဥပဒေပုဒ်မ-၁၉(င)ဖြင့် အမှုဖွင့်အရေးယူ ဆောင်ရွက်လျက်ရှိပြီး ထွက်ပြေးတိမ်းရှောင်နေသော အမှုများဖြင့် ဆက်လက် အရေးယူနိုင်ရေး ဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice
ဓားကိုင်သောင်းကျန်းနေသူအား သေနတ်ဖြင့် ပစ်ခတ်ဖမ်းဆီး   ဓားကိုင်သောင်းကျန်းနေသူအား သေနတ်ဖြင့် ပစ်ခတ်ဖမ်းဆီး Reviewed by THITHTOOLWIN on 21:24 Rating: 5
Powered by Blogger.