အရက်မူးသောင်းကျန်းသူကို ဖျောင်းဖျသည့် ကျေးရွာအုပ်ချုပ်ရေးမှူး ဓားထိုးခံရ၍သေဆုံး


တောင်ငူ ဖေဖော်ဝါရီ ၁၄

တောင်ငူမြို့နယ် ကင်းဆိပ်ကျေးရွာ တွင် ဖေဖော်ဝါရီ ၁၃ ရက် ည ၁ဝ နာရီ ၁၅ မိနစ်ခန့်က ကျေးရွာအုပ်ချုပ် ရေးမှူးသည် ရပ်ကွက်အတွင်း မီးဘေးအန္တရာယ်ဖြစ်ပွားမှု မရှိစေရေး အတွက် အသံချဲ့စက်ဖြင့် လှည့်လည် နှိုးဆော်စဉ် ဓားကိုင်ကာ အရက်မူးပြီး သောင်းကျန်းနေသူအား တွေ့၍ ဖျောင်းဖျပြောဆိုရာမှ ဓားနှင့်အထိုး ခံရပြီး သေဆုံးသွားခဲ့ကြောင်း သိရ သည်။

ဖြစ်စဉ်မှာ တောင်ငူမြို့အနောက် တောင်ဘက် ကင်းဆိပ်ကျေးရွာအုပ်စု ကင်းဆိပ်ကျေးရွာနေ အုပ်ချုပ်ရေးမှူး ဦးကျော်ဝင်းသည် ရာအိမ်စုမှူး၊ အရန် မီးသတ်အဖွဲ့ဝင်တို့နှင့်အတူ ကျေးရွာ အတွင်း မီးဘေးအန္တရာယ်ဖြစ်ပွားမှု မရှိစေရေးအတွက် အသံချဲ့စက်ဖြင့် လှည့်လည်နှိုးဆော်ခဲ့ပြီး ကျေးရွာ စာကြည့်တိုက်အရှေ့ဘက် လမ်းခွ အရောက် တစ်ရွာတည်းနေ ညီလင်းထွေး(၂၄)နှစ်က အရက် သောက်စားမူးယစ်ပြီး ဓားကိုင်သောင်း ကျန်းနေသည့်အတွက် အုပ်ချုပ်ရေး မှူးက အရက်မူးနေပြီဖြစ်၍ အိမ်ပြန် အိပ်ရန် ဖျောင်းဖျပြောဆိုခဲ့ရာ ညီလင်းထွေးက မအိပ်တော့ ဘာဖြစ် သလဲဟုဆိုပြီး အသင့်ပါလာသည့် အရိုးအသွား နှစ်ပေတစ်လက်မခန့်ရှိ ငှက်ကြီးတောင်ဓားဖြင့် ထိုးခဲ့ရာ အုပ်ချုပ်ရေးမှူးမှာ ရရှိသောဓား ဒဏ်ရာဖြင့် သေဆုံးခဲ့သည်။

ဖြစ်စဉ်နှင့် ပတ်သက်၍ တောင်ငူအမှတ်(၂) နယ်မြေရဲစခန်းက ညီလင်းထွေးအား အမှုဖွင့်အရေးယူ ထားကြောင်း သိရသည်။

ကိုလွင်(ဆွာ)
The Mirror Daily
https://www.facebook.com/TheMirrorDaily
အရက်မူးသောင်းကျန်းသူကို ဖျောင်းဖျသည့် ကျေးရွာအုပ်ချုပ်ရေးမှူး ဓားထိုးခံရ၍သေဆုံး  အရက်မူးသောင်းကျန်းသူကို ဖျောင်းဖျသည့် ကျေးရွာအုပ်ချုပ်ရေးမှူး ဓားထိုးခံရ၍သေဆုံး Reviewed by THITHTOOLWIN on 10:17 Rating: 5
Powered by Blogger.