မြေစာစွန့်ပစ်ကားတွေ ဖြတ်သန်းခွင့်မပြုဖို့ လုံးခင်းဒေသခံတွေ ဆုံးဖြတ်

ကချင်ပြည်နယ် ဖားကန့်ဒေသ ကျောက်စိမ်းလုပ်ကွက်တွေမှာ အသုံးပြုနေတဲ့ စက်ယန္တရားတွေကို တွေ့ရစဉ်။ Photo: Kyaw Myo Min/RFA

ကချင်ပြည်နယ် ဖားကန့်ကျောက်စိမ်းတွင်းဒေသမှာ လာမယ့်ဖေဖော်ဝါရီလ ၁၃ ရက်နေ့ကစပြီး ကျောက်စိမ်းကုမ္ပဏီတွေရဲ့ မြေစာစွန့်ပစ်တဲ့ကားတွေကို ဖြတ်သန်းခွင့်မပေးဘဲ ဒေသခံတွေက လမ်းပိတ်ထားဖို့အတွက် လုံးခင်းမြို့မှာ ဒီနေ့ ပြုလုပ်တဲ့ လူထုအစည်းအဝေးကနေ ဆုံးဖြတ်လိုက်တယ်လို့ သိရပါတယ်။

မြေစာပုံတွေ မကြာခဏပြိုကျနေတာကို ဘယ်လိုဖြေရှင်းမလဲဆိုတာနဲ့ ပတ်သက်ပြီး ကုမ္ပဏီတာဝန်ရှိသူတွေ၊ သက်ဆိုင်ရာအစိုးရ တာဝန်ရှိသူတွေ လာရောက်ဆွေးနွေးညှိနှိုင်းတဲ့အထိ လမ်းတွေကို ပိတ်ဆို့သွားမှာဖြစ်တယ်လို့ လုံးခင်းမြို့ခံ ဦးနောလောက ပြောပါတယ်။

လုံးခင်းမြို့က လူထုအစည်းအဝေးမှာ ဖားကန့်နဲ့ ဆိုင်းတောင်ကျေးရွာက ဒေသခံ ၃၀၀ လောက် တက်ရောက်ဆွေးနွေးခဲ့ကြတာဖြစ်ပါတယ်။

စွန့်ပစ်မြေစာသယ်တဲ့ကားတွေကို ကျေးရွာလမ်းတွေမှာ ဖြတ်သန်းသွားလာခွင့်မပြုဖုိ့ ကျေးရွာအသီးသီးကို မနက်ဖြန်ကစပြီး လိုက်လံနှိုးဆော်မှာဖြစ်တယ်လို့ သိရပါတယ်။

ဖားကန့်ကျောက်စိမ်းတွင်းဒေသမှာ ကျောက်စိမ်းတူးဖော်တဲ့ ကုမ္ပဏီပေါင်း ၈၀၀ ကျော်ကို ဧက ၂သောင်းကျော်မှာ လုပ်ပိုင်ခွင့်ချထားပေးတယ်လို့ ပြီးခဲ့တဲ့နှစ် ဒီဇင်ဘာလက ပြည်ထောင်စုလွှတ်တော်မှာ သတ္တုတွင်းဝန်ကြီးဌာန ဒုတိယ၀န်ကြီး ဦးသန်းအောင်က ပြောခဲ့ပါတယ်။

RFA Burmese
http://www.rfa.org/burmese