အော်ရီဒူး ရင်းနှီးမှု တိုးချဲ့ဖို့ရှိနေ

 အော်ရီဒူး ရင်းနှီးမှု တိုးချဲ့

ကာတာ အခြေစိုက် အော်ရီဒူး ကုမ္ပဏီ ဟာ မြန်မာနိုင်ငံ မှာ ရင်းနှီးမြှုပ်နှံမှု တွေ ကို ဒီနှစ်ထဲမှာ ထပ်မံ တိုးချဲ့ ဖို့ ရှိပါတယ်။ ဒါ့အပြင် ဖိုးဂျီ လို့ ခေါ်တဲ့ မြန်နှုန်းမြင့် မိုဘိုင်း အင်တာနက် ဝန်ဆောင်မှု ကိုလည်း ဒီနှစ်ထဲမှာပဲ စတင်နိုင်ဖို့ ပြင်ဆင်နေပါပြီ။ ဒီဝန်ဆောင်မှု တွေ အရ အင်တာနက်တွေ၊ ဗီဒီယို ဖုန်းတွေ အဆင့်မြင့် ကောင်းမွန်လာရေး လို့ ဆိုပါတယ်။

မြန်မာနိုင်ငံ မှာ မိုဘိုင်းဖုန်း ဝန်ဆောင်မှု ပေးတဲ့ ကုမ္ပဏီ သုံးခု အနက် အော်ရီဒူး က ဖိုးဂျီ ဝန်ဆောင်မှု စတင်နိုင်ဖို့ အတွက် အမေရိကန် ဒေါ်လာ သန်းပေါင်း သုံးရာ မြှုပ်နှံဖို့ ပြင်ဆင် နေကြောင်း အော်ရီဒူး မြန်မာ ကုမ္ပဏီ သတင်းနဲ့ ပြန်ကြားရေး တာဝန်ခံ မသီရိကြာညို က ဘီဘီစီ ကို ပြောပါတယ်။

မြန်မာနိုင်ငံ ရဲ့ ဆက်သွယ်ရေးကဏ္ဍ မှာ ရင်းနှီးမြှုပ်နှံမှု တွေ လုပ်နေကြတဲ့ အနက် အမ်ပီတီဟာ အသုံးပြုသူ ၁၈ သန်းခန့်ရှိပြီး နော်ဝေ အခြေစိုက် တယ်လီနောက ၁၂ လသန်းခန့် ရှိပါတယ်။ အော်ရီဒူး ကို အသုံးပြုသူ က ၆ သန်း ခန့် ရှိပါတယ်။

ဖိုဂျီ သုံးဖို့ အတွက် ဖုန်းဟန်းဆက် တွေ လဲဖို့ လိုသလို ဆင်းကတ် တွေ ကလည်း ဖိုးဂျီ သုံးနိုင်တဲ့ ဆင်းကတ် ဖြစ်ဖို့ လိုပါတယ်။ အခုလို ဖိုးဂျီ အင်တာနက် ဝန်ဆောင်မှု ကို စတင်နိုင်ဖို့ အတွက် အော်ရီဒူး ဟာ ရင်းနှီးမြှုပ်နှံမှု ကို တိုးချဲ့ခြင်း အားဖြင့် မြန်မာနိုင်ငံ က မိုဘိုင်းကနေ အင်တာနက် သုံးသူတွေထဲ က ဝန်ဆောင်ခ ဈေးပိုကြီးတဲ့ မြန်နှုံးမြင့် မိုဘိုင်းဖုန်း အင်တာနက် ဖိုးဂျီ သုံးနိုင်သူတွေ ကို ပစ်မှတ်ထား ပြင်ဆင် တာလည်း ဖြစ်ပါတယ်။

BBC Burmese
http://www.bbc.com/burmese