လက်ပံတောင်း ကြေးနီ ထုတ်လုပ်မှု မေလ ပြန် စတင်မည်

လက်ပံတောင်းကြေးနီစီမံကိန်း ကန့်ကွက်ဆန္ဒပြသူများနဲ့ ရဲလုံခြုံရေးများ။ 

လက်ပံတောင်းကြေးနီ စီမံကိန်းနဲ့ပတ်သက်လို့ အငြင်းပွားမှုတွေနဲ့ ကန့်ကွက် ဆန္ဒပြမှုတွေ အကြီးအကျယ် ကြုံခဲ့ပြီးတဲ့နောက် ၂၀၁၃ ခုနှစ်က စလို စာချုပ်အသစ် ပြန်လည် ချုပ်ဆိုခဲ့ရာမှာ၊ အခုတော့ ပထမဆုံးအကြိမ် အဖြစ် ကြေးနီ ထုတ်လုပ်ရေးကို လာမယ့် မေလမှာ စတင်တော့မှာဖြစ်ပါတယ်။ တဖက်မှာတော့ ဆန္ဒပြ ကန့်ကွက်မှုတွေ ရှိနေတုန်းဆိုပေမဲ့၊ ဒီ ဆန္ဒပြမှုတွေ အတွက် မြေယာပြဿနာဟာ မြန်မာ အစိုးရမှာပဲ တာဝန်ရှိတယ် လို့ မြန်မာဝမ်ပေါင် ကုမ္ပဏီ က ပြောပါတယ်။ ဆက်သွယ်မေးမြန်းထားတဲ့ ဗွီအိုအေ သတင်းထောက် မအေးအေးမာက သတင်းပေးပို့ထားပါတယ်။

စစ်ကိုင်းတိုင်း၊ ယင်းမာပင်ခရိုင်၊ လက်ပံတောင်းကြေးနီစီမံကိန်း ဖျက်သိမ်းပေးရေးနဲ့ သိမ်းဆည်းထားတဲ့ မြေယာတွေပြန်ပေးရေးအတွက် ဒေသခံတွေဟာ ၃နှစ်ကျော်ကြာ ဆန္ဒပြတောင်းဆိုနေပေမဲ့ မကြာခင် မေလမှာ ကြေးနီထုတ်လုပ်ရေး စတင်တော့မယ် လို့ မြန်မာ ဝမ်ပေါင်ကုမ္ပဏီရဲ့ ပြောရေးဆိုခွင့်ရှိသူ Mr.Dong Yunfeiက ပြောဆိုလိုက် ပါတယ်။

" အရင်တုန်းက မထုတ်သေးဘူးလေ။ အရင်တုန်းက ကျနော်တို့က တည်ဆောက်ရေး ကာလမို့လို့ တည်ဆောက်ရေးလုပ်ငန်းတောင် မပြီးသေးလို့ အဲ့တာ ထုတ်လို့မရဘူး။ အခုက ၂၀၁၆ မေလပေါ့နော်။ မေလမှာ ပြီးအောင် ကျနော်တို့ ကြိုးစားနေပါတယ်။ မေလကျရင် ကြေးနီကို ပြန်ထုတ်ဖို့ မျှော်လင့်တာပေါ့နော်။"

စီမံကိန်းအတွက် သိမ်းယူထားတဲ့မြေယာတွေ ပြန်ရရေးအတွက် ၃နှစ်ကျော်ကြာတဲ့ အထိ အကြိမ်ပေါင်း၂၉၀ကျော် ကန့်ကွက် ဆန္ဒပြတောင်းဆိုနေ တဲ့ ဒေသခံတွေ ကတော့ စီမံကိန်း ဖျက်သိမ်းပေးရေး ကိုတောင်း ဆိုနေပြီး မြေယာ နစ်နာကြေးကို မယူနိုင်ဘူးလို့ ဒေသခံတဦးကဆိုပါတယ်။

" ဒီကုမ္ပဏီကြီးရှိနေသရွေ့ ဒေသခံတွေအတွက် ဆိုးကျိုးတွေပဲ ရမှာမို့ ကျမတို့ကတော့ မြေယာကို ဒီ့ပြင်ဟာ ဘာနဲ့မှ မလဲနိုင်ဘူး။ ကိုယ့်မြေယာ ပဲ တောသူတွေ က ဒါပဲ လုပ်စား တတ်တာမို့ မြေယာ ကိုတော့ ရောင်းဖို့ရာ လုံးဝ စိတ်ကူးမရှိဘူး။ တကယ်လို့ နောက်မင်းတက်လာလို့ ဒီအတိုင်းပဲဆို တနှစ်စာ၊ တနှစ်စာ လျော်ကြေးတောင်းသွားမယ်။"

နှစ်၃၀ စာချုပ်နဲ့ မြန်မာအစိုးရထံကနေ ၂၀၁၃ခုနှစ်တုန်းက စာချုပ်အသစ်ချုပ်ထားပြီး ဌားရမ်းထားတာဖြစ်လို့ မြေယာ ပြဿနာတွေဟာ အစိုးရနဲ့ သက်ဆိုင်တယ် ဆိုပြီး မြန်မာဝမ်ပေါင်ကုမ္ပဏီရဲ့ ပြောရေးဆိုခွင့်ရှိသူ ကပြောဆိုလိုက်ပါတယ်။

"ဒီတခုလုံးက အစိုးရဆီက ကျနော်တို့က ဌားထားတာလေ။ ဦးပိုင်ကုမ္ပဏီက အစိုးရဆီက ဌားတာ။ ကျနော်တို့က ဦးပိုင်ဆီက ပြန်ဌားတာ။ အဲ့ဒီ့တော့ ဒီမြေကိစ္စနဲ့ပတ်သက်လို့က အစိုးရနဲ့ အစိုးရနဲ့ပတ်သက်တဲ့အလုပ်ပဲ။  အစိုးရဆီက ဌားထားတာလေ။ စီမံကိန်းပြီးတဲ့အထိ ဌားထားပါတယ်။ အဲ့တာကြောင့် မြေယာနဲ့ ပတ်သက်တဲ့ကိစ္စက အစိုးရ ဆီကို သွားပြီးတော့ ညှိနှိုင်းဖို့ လိုတာပေါ့နော်။

 ၂၀၁၂ခုနှစ်က စီမံကိန်းကို ကန့်ကွက်ဆနပြသူတွေတွေကို နှိမ်နင်းခဲ့တာကြောင့် သံဃာအပါး၁၀၀ခန့်ဟာ မီးလောင်ဒဏ်ရာတွေရခဲ့တာပါ။ ဒီအတွက် ဒေါ်အောင်ဆန်းစုကြည် က စုံစမ်းစစ်ရေးကော်မရှင်ဖွဲ့ စစ်ဆေးခဲ့ပြီး အစီရင်ခံစာ ထုတ်ပြန်ခဲ့ပါတယ်။ ဒီအစီရင်ခံစာကို လိုက်နာမှု မရှိဘူးလို့ လည်း ကော်မရှင် အဖွဲ့ဝင် ပုလဲမြို့နယ်ပြည်သူ့ လွှတ်တော် ကိုယ်စားလှယ် ဒေါ်ခင်စန်းလှိုင် က ဗွီအိုအေက ဆက်သွယ်မေးမြန်း စဉ်မှာ ပြောဆိုခဲ့တာပါ။ ဒါပေမဲ့ မြန်မာဝမ်ပေါင်ကုမ္ပဏီဘက်ကတော့ အခုလို တုံ့ပြန်ပြောဆိုခဲ့ပါတယ်။

" ဒေါ်အောင်ဆန်းစုကြည် ဦးဆောင်တဲ့ စုံစမ်းစစ်ဆေးရေး ကေ်ာမတီက ၂၀၁၃  ၃လပိုင်းလောက် အစီရင်ခံစာ ထွက်လာတယ်လေ။ အဲ့ဒီ့အစီရင်ခံစာထဲမှာ အကြံပြုချက် တော်တော်များများ ပါပါတယ်။ အဲ့ဒီ့အစီရင်ခံစာ ထွက်ပြီးတဲ့နောက်ပိုင်းပေါ့နော်။ အဲ့ဒီ့အတိုင်း အစိုးရအနေနဲ့ ဒီအကြံပြုချက် အကောင်အထည်ဖော် ကော်မတီပေါ့နော် အဲ့ဒီ့အထဲမှာ ပြည်ထောင်စု ဝန်ကြီးလေးပါးပေါ့နော်။ ဒုဝန်ကြီး ခြောက်ပါးလောက်ပေါ့နော်။ အဲ့လိုမျိုး ခွဲပြီးတော့ ညွှန်ချုပ်တို့ ဒုညွှန်ချုပ်တို့ အဲ့လိုပါတဲ့အခါကျတော့ ကျနော်တို့ အနေနဲ့ ဒေါ်အောင်ဆန်းစုကြည် အကြံပေးတဲ့အတိုင်း အကောင်အထည်ဖော် ဆောင်ရွက် ပါတယ်။"

အမျိုးသားဒီမိုကရေစီ အဖွဲ့ချုပ်က စစ်ကိုင်းတိုင်း ပုလဲမြို့နယ် အမတ် ဒေါ်ခင်စန်းလှိုင် ကတော့၂၀၁၄ ခုနှစ် ဆယ်လပိုင်းလောက်က စတင်ပြီး ကော်မရှင်ရဲအစီရင်ခံစာကို လိုက်နာမှု မရှိဘူးဆိုတဲ့ အရေးပေါ်အဆိုကို လွှတ်တော်မှာ တင်သွင်းဖို့ အကြိမ်ကြိမ်ကြိုးစားခဲ့ပေမဲ့ တင်ပြခွင့် မရခဲ့တဲ့အကြောင်း ဗွီအိုအေ က ဆက်သွယ်မေးမြန်းစဉ်မှာ ဖြေကြားခဲ့ဘူးပါတယ်။ ဒီစီမံကိန်းကို သဘာဝပတ်ဝန်းကျင် ထိန်းသိမ်းရေး လုပ်ဆောင်နေတဲ့ အဖွဲ့တွေ အပါအ၀င် လူထုအခြေပြုအဖွဲ့ပေါင်း ၄၀၀ကျော်နဲ့ ဖွဲ့စည်းထားတဲ့ MATA လို့ခေါ်တဲ့အဖွဲ့ ကလည်း ဒေသခံတွေ ရဲ့ ထိခိုက်နစ်နာမူတွေကြောင့် စီမံကိန်းကို ဆက်လက် အကောင်ထည်မဖော် သင့်ဘူးလို့ ပြောဆိုထားပါတယ်။

မအေးအေးမာ / ဗွီအိုအေ (မြန်မာပိုင်း)
http://burmese.voanews.com