ဆီးရီးယားလေကြောင်း တိုက်ခိုက်မှု ရပ်ဖို့ ရုရှားကို ကန် တိုက်တွန်း

ရုရှားသမ္မတ Valdimir Putin ကို အမေရိကန်သမ္မတ Barack Obama က တယ်လီဖုန်း ဆက်သွယ်စကားပြောခဲ့။
ဆီးရီးယားနိုင်ငံမှာ ဖြစ်ပွားနေတဲ့ အရေးကိစ္စမှာ အပြုသဘောဆောင်တဲ့ ကဏ္ဍကနေပါဝင်ပြီး ဆီးရီးယားနိုင်ငံအတွင်းက အတိုက်အခံ တပ်ဖွဲ့တွေအပေါ် လေကြောင်းကနေပြီး တိုက်ခိုက်နေမှုတွေကို ရပ်ဆိုင်းဖို့ ရုရှားသမ္မတ Valdimir Putin ကို အမေရိကန်သမ္မတ Barack Obama က တောင်းဆိုလိုက်ပါတယ်။

နိုင်ငံခေါင်းဆောင် ၂ ဦးဟာ သဘောတူညီမှုရဖို့အတွက် တယ်လီဖုန်းနဲ့ ပြောဆိုဆွေးနွေးခဲ့ကြပြီး သဘောတူညီချက်ကိုတော့ပြီးခဲ့တဲ့ သတင်းပတ်အတွင်း နိုင်ငံပေါင်း ၁၇ နိုင်ငံ ပါဝင်တဲ့ နိုင်ငံတကာ ဆီးရီးယား ထောက်ပံ့ကူညီရေးအဖွဲ့က ရရှိခဲ့တာဖြစ်တယ်လို့ တနင်္ဂနွေနေ့ သမ္မတအိမ်ဖြူတော်ကနေ ထုတ်ပြန်တဲ့ ကြေညာချက်မှာ ဖေါ်ပြထားပါတယ်။

ဆီးရီးယားနိုင်ငံအတွင်း ၀ိုင်းဝန်းပိတ်ဆို့ခံထားရတဲ့ အရပ်ဒေသတွေက လူတွေအတွက် လိုအပ်တဲ့ အကူအညီပေးမှုတွေ အမြန်ဆုံး အကောင်အထည်ဖေါ်လုပ်ဆောင်ဖို့ အရေးကြီးတဲ့အကြောင်း သမ္မတ Obama က ကြေညာချက်ထဲမှာပြောထားပါတယ်။

နောက်ပိုင်း ဆီးရီးယားနိုင်ငံအတွင်း တပတ်အတွင်း အပစ်အခတ်ရပ်ဆိုင်းမယ် ဆိုတဲ့ အစီအစဉ်ကို အမေရိကန်နိုင်ငံခြားရေးဝန်ကြီး John Kerry နဲ့ ရုရှားနိုင်ငံခြားရေးဝန်ကြီး Sergei Lavrov တို့က ကြေညာခဲ့ပြီး ရက်ပိုင်း အကြာမှာ အခုလို Obama-Putin ဆွေးနွေးမှု ပေါ်ပေါက် လာတာ ဖြစ်ပါတယ်။ အပစ်ခတ်ရပ်ဆိုင်ရပ်ဆိုင်းရေးကတော့ နောက်ပိုင်းမှာမှ ကြေညာမှာ ဖြစ်ပါတယ်။

ဆီးရီးယားနိုင်ငံအတွင်းက IS အစ္စလာမ်မစ် စစ်သွေးကြွတွေကို ပစ်မှတ်ထားတယ် ဆိုပြီးတော့ ရုရှားရဲ့ တိုက်ခိုက်မှုတွေကို ပြီးခဲ့တဲ့ စက်တင်ဘာလ နှောင်းပိုင်းမှာ စတင်ခဲ့တာပါ။ ဒါပေမဲ့ အနောက်နိုင်ငံအစိုးရတွေကတော့ ရုရှားရဲ့ တိုက်ခိုက်မှုတွေဟာ ဆီးရီးယား သမ္မတ Bashar al-Assad ကို ဆန့်ကျင်တဲ့ အစွန်းမရောက်တဲ့ အုပ်စုတွေကို ပစ်မှတ်ထားတိုက်ခိုက်နေတယ်လို့ ပြောနေကြပါတယ်။

ဗွီအိုအေ (မြန်မာပိုင်း)
http://burmese.voanews.com
ဆီးရီးယားလေကြောင်း တိုက်ခိုက်မှု ရပ်ဖို့ ရုရှားကို ကန် တိုက်တွန်း ဆီးရီးယားလေကြောင်း တိုက်ခိုက်မှု ရပ်ဖို့ ရုရှားကို ကန် တိုက်တွန်း Reviewed by THITHTOOLWIN on 07:48 Rating: 5
Powered by Blogger.