လူသတ်မှုအတွက် လူတစ်ဦးအားဖမ်းဆီး


ကချင်ပြည်နယ် မိုးညှင်းမြို့နယ် နမ္မားကျေးရွာနံဘေးမှ ဖြတ်သန်း စီးဆင်းနေသော နန့်ရင်ချောင်းထဲတွင် ပီနံအိတ်နှစ်အိတ်ဖြင့် ဦးခေါင်းဘက်နှင့် ခြေထောက်ဘက်တို့မှ စွပ်ထားသောလူသေအလောင်းတစ်လောင်း အား တွေ့ရှိရ၍ လူသတ်မှုဖြင့်အမှုဖွင့်ထားခဲ့သော မှုခင်းအတွက် မသင်္ကာ ဖွယ်လူတစ်ဦးအား ဖမ်းဆီးစစ် ဆေးလျက်ရှိသည်။

ဖြစ်ပွားပုံမှာ ယခုလ ၅ ရက် ညနေ ၅ နာရီတွင် တွေ့ရှိရသော လူသေအလောင်းတွင် ဦးခေါင်းနောက် စေ့တည့်တည့်တွင် သုံးလက်မခွဲခန့် ကွဲအက်ဒဏ်ရာတစ်ချက်၊ လည်ပင်းတွင် သွေးခဲထားသော လက္ခဏာနှင့် ခန္ဓာကိုယ်အရေပြားလန်ကာ အသားများဆွေးမြည့်နေသည်ကို တွေ့ရှိရသည်။

 နမ္မားကျေးရွာ တိုက်နယ် ဆေးရုံဆရာဝန်၏ စစ်ဆေးချက်အရ သေဆုံးသူသည် ဦးခေါင်းအား မာကျောသောအရာဖြင့် အရိုက်ခံရ၍ သေဆုံးကြောင်း ထင်မြင်ချက်ပေးခဲ့သဖြင့် နမ္မားနယ်မြေဒေသ ရဲစခန်းက ဥပဒေပုဒ်မ ၃ဝ၂ဖြင့် အမှု ဖွင့်ထား သည်။

 သေဆုံးသူမှာ မိုးညှင်းမြို့နယ် နမ္မားဒေသ နန်ဝေါ် လော်ကျေးရွာနေထိုင်သူ နေဇော် (၂၅နှစ်) ဖြစ်ကြောင်း၊ တင်နိုင်စိုး (ခ)ဖိုးပြား၏ အစစ်ခံချက်အရ အခင်းဖြစ်နေရာအနီး တောင်ကုန်း ပေါ်တွင် ၄င်းနှင့်အတူ သေဆုံးသူနေဇော်နှင့် အမည်မသိလူငယ်တစ်ဦးတို့ ရောက်ရှိလာခဲ့ပြီး မူးယစ်ဆေးဝါးသုံးစွဲရာမှ နေဇော်မှာ သေဆုံးသွားကြောင်း၊ ၄င်းတို့က အလောင်းအားချောင်းအတွင်း ပစ်ချ ခဲ့ကြကြောင်း အစစ်ခံခဲ့သဖြင့် တင်နိုင်စိုး(ခ)ဖိုးပြားအသက်(၃ဝ) ညောင်ပင်သာကျေးရွာ မိုးညှင်းမြို့နယ်နေထိုင်သူအား အမှုဖွင့်ဖမ်းဆီး ခဲ့ကြောင်း သိရသည်။

ကချင်မြေနဂါး
The Union Daily
http://uniondaily.net
လူသတ်မှုအတွက် လူတစ်ဦးအားဖမ်းဆီး  လူသတ်မှုအတွက် လူတစ်ဦးအားဖမ်းဆီး Reviewed by THITHTOOLWIN on 20:49 Rating: 5
Powered by Blogger.