တောင်တရုတ်ပင်လယ်ဒေသ ကျွန်းတုလေယာဉ် ပြေးလမ်းကို တရုတ်စစ်လေယာဉ်များ အသုံးပြုမည့် အစီအစဉ် အမေရိကန် ရေတပ် သတိပေး

စင်ကာပူ ၊ ၁၇-၂-၂၀၁၆

ပိုင်ဆိုင်ခွင့် အငြင်းပွား တောင်တရုတ် ပင်လယ်ဒေသ ကျွန်းတုများ ပေါ်ရှိ လေယာဉ် ပြေးလမ်းများကို တိုက်လေယာဉ်များ ပျံသန်းရေး တရုတ်နိုင်ငံ က အသုံးပြု လာမည် ဆိုပါက ဒေသတွင်း တည်ငြိမ်မှု ပျက်ပြား နိုင်ဖွယ်ရှိပြီး အမေရိကန် ၏ ဝေဟင် က်ငးလှည့် ပျံသန်းရေး အစီအစဉ်များ ကိုလည်း တားဆီး နိုင်လိမ့်မည် မဟုတ်ကြောင်း အမေရိကန် ရေတပ် ထိပ်တန်း တာဝန်ရှိသူ တစ်ဦးက ဖေဖော်ဝါရီ ၁၅ ရက်တွင် ပြောကြားခဲ့သည်။

တောင်တရုတ် ပင်လယ်ဒေသ စပရက်သ်လေ ကျွန်းစု ဒေသအတွင်း တည်ဆောက် ထားသော ကျွန်းတုများ ပေါ်ရှိ လေယာဉ် ပြေးလမ်းများကို စစ်ရေး လှုပ်ရှားမှုများ အတွက် လာမည့်လ အနည်းငယ် အတွင်း အသုံးပြုရန် တရုတ် အစိုးရက စီစဉ် ထားဖွယ်ရှိကြောင်း ဒေသတွင်း လုံခြုံရေး အကဲခတ် များ၏ ပြောကြားချက်ကို ကိုးကား၍ ရိုက်တာ သတင်းဌာနက ဖော်ပြခဲ့သည်။

သို့သော် တောင်တရုတ် ပင်လယ်ဒေသ ကျွန်းတု လေယာဉ် ပြေးလမ်းများကို တရုတ်နိုင်ငံက တိုက် လေယာဉ်များ ပျံသန်းရေး အတွက် အသုံးပြုမည် ဆိုလျှင် ဒေသတွင်း တည်ငြိမ်မှု ပျက်ပြားသွား နိုင်ကြောင်း အမေရိကန် အမှတ်(၇) ရေတပ် တပ်မှူး ရေကြောင်း ဗိုလ်ချုပ်ကြီး ဂျိုးဆက်အော်ကွိုင်း က ပြောကြား ခဲ့သည်။

ကျွန်းတု လေယာဉ် ပြေးလမ်းများကို စစ်ရေး ရည်ရွယ်ချက် အတွက် တရုတ်နိုင်ငံက မည်သည့် အချိန်တွင် အသုံးပြုမည် ဟူသော အချက်ကို ရေကြောင်း ဗိုလ်ချုပ်ကြီး ဂျိုးဆက်အော်ကွိုင်း က ပြောကြား ခဲ့ခြင်း မရှိကြောင်း သိရသည်။ တရုတ်နိုင်ငံ သည် စပရက်သ်လေ ကျွန်းစုအတွင်း ပါဝင်သည့် ဖီအာရီခရော့စ် အမည်ရှိ သန္တာကျွန်း ပေါ်တွင် အရှည်မီတာ ၃ဝဝဝ ရှိ လေယာဉ်ပြေး လမ်းတစ်ခုကို တည်ဆောက် ထားပြီး ယခုနှစ် ဇန်နဝါရီလ အတွင်း ယင်းလေယာဉ် ပြေးလမ်းများ ပေါ်၌ အရပ်ဘက် ခရီးသည်တင် လေယာဉ်များ စမ်းသပ် ဆင်းသက် ပျံသန်းမှုကို လုပ်ဆောင်ခဲ့ပြီး ဖြစ်ကြောင်း သိရသည်။

PyiChitThar
http://www.pyichitthar.com