ရှမ်းနီ အမျိုိးသားများတပ်မတော် (SNA) အဖြစ် လက်နက်ကိုင်အ ဖွဲ့သစ်ထူထောင်


လက်နက်ကိုင်အ ဖွဲ့သစ်တစ်ခုအဖြစ် ရှမ်းနီ အမျိုးသားများတပ်မတော် (SNA) ကို ဇန်န၀ါရီလ ၁၇ရက်နေ့က စတင်ထူထောင်လိုက်ကြောင်း ရှမ်းနီ အမျိုးသားများ တပ်မတော် (SNA) မှ သတင်းထုတ်ပြန်ထားသည်။

ယင်းလက်နက်ကိုင်တပ်ဖွဲ့သစ်ကို မြန်မာနိုင်ငံအထက်ပိုင်း စစ်ကိုင်းတိုင်းဒေသကြီးနှင့် ကချင်ပြည်နည်တို့တွင် အခြေပြုနေထိုင်လျက်ရှိသည့် ရှမ်းနီ လူမျိုးများက တည်ထောင်ခြင်းဖြစ်ပြီး မည်သည့် လက်နက်ကိုင်အ ဖွဲ့၏ လက်အောက်ခံမဟုတ်ကြောင်း အဆိုပါထုတ်ပြန်ချက်တွင်ပါရှိသည်။

‘ ဖွဲ့ထားတယ်ဆိုတာသေချာတယ် ခုလောလောဆယ်တော့ ဘယ်မီဒီယာနဲ့မှ မတွေ့သေးဘူး’ ဟု ရှမ်းနီ ခောတ်ဂျာနယ်မှ စိုင်းအောင်မျိုးလွင်ကပြောသည်။

ရှမ်းနီ အမျိုးသားများတပ်မတော် (SNA) ကို ရှမ်းအမျိုိးနွယ်ဝင်များဖြစ်ကြသည့် တိုင်းနေခေါ်အထက်ရှမ်း ၊ တိုင်းမောဝ်ခေါ်မောဝ်ရှမ်း ၊ တိုင်းလုံး ခေါ် ရှမ်းကြီး ၊ တိုင်းခမ်းတီး ခေါ် ခမ်းတီးရှမ်း ၊ တိုင်းဆာ ခေါ် မိုင်းသာရှမ်း ၊ တိုင်းဂရူး ခေါ် ရှမ်းဂရူး ၊ တိုင်းကနန်း ခေါ် ရှမ်းကနန်း ၊ တိုင်းခွမ်း ခေါ် မိုင်းခွမ်းရှမ်း ၊ တို်င်းနိုင်း ခေါ် တိုင်းလိုင် ခေါ် တို်င်းလျဲန် ခေါ် ရှမ်းနီ မျိုးနွယ်ဝင်များကို ကိုယ်စားပြု ဖွဲ့စည်းထားခြင်းဖြစ်ကြောင်းကြေငြာချက်တွင် ဖော်ပြထားသည်။

ရှမ်းနီ အမျိုးသား တပ်မတော်ကို ၁၉၈၉ ခုနစ်တွင် တည်ထောင်ခဲ့ခြင်း ဖြစ်သည်ဟု ဖော်ပြထားသော်လည်း လေ့လာသူများကမူ ယခုမှ ထူထောင်ခြင်းဖြစ်ပြီး ယခင်ကတည်းကလည်း ထူထောင်ရန် စီစဉ်မှုများ ရှိခဲ့ဖူးသည်ဟု ဆိုသည်။
ရှမ်းနီ တွေက ကေအိုင်အေတွေ ဖားကန့်မှာ ရှမ်းဘိန်းစားမှန်သမျှ အကုန်သတ်တဲ့ ခေတ်ကတည်းက လက်နက်ကိုင်ထောင်ဖို့ဆိုပြီး ဦးခွန်ဆာ လက်ထက်တုန်းက အဲဒီဘက်က ရှမ်းနီ တွေက သွားဆက်သွယ်ဖူးတယ် နောက်ပိုင်းခွန်ဆာရဲ့ MTA ကလည်း အစိုးရဆီလက်နက်ချသွားတော့ ခုမှ ပြန်ပေါ်လာတာ ဖြစ်လိမ့်မယ် ABSDF ကျောင်းသားတပ်မတော်တွင် တပ်ဖွဲ့ဝင်အဖြစ် တာဝန်ထမ်းဆောင်ခဲ့ဖူးပြီး ယခု မီဒီယာ လုပ်ငန်းလုပ်ကိုင်နေသူတဦးက ပြောသည်။

ကချင်နှင့် စစ်ကိုင်းတိုင်းအထက်ပိုင်းရှိ ရှမ်းမျိုးနွယ်စုများအနေဖြင့် ယခင်က လက်နက်ကိုင်အဖွဲ့သီးသန့်ထူထောင်ခြင်းများမရှိခဲ့ပဲ ကေအိုင်အေထံတွင် အတင်းအဓမ္မ တပ်သားစုဆောင်းခံရခြင်း ( သို့မဟုတ် ) အဖွဲ့ဝင်အဖြစ် သွားဝင်ခြင်းမျိုးသာ ရှိခဲ့ဖူးပြီး ၈၈ အရေးတော်ပုံအပြီး ကျောင်းသားတပ်မတော် ဖွဲ့စည်းစဉ်ကလည်း ရှမ်းနီ အချို့မှာ သွားရောက်ပူးပေါင်းမှုများ ရှိခဲ့သည်။

ယခု သာယာဝတီထောင်တွင် ထောင်ဒဏ်ကျခံနေရသူ ဦးသံချောင်း ( ABSDF မြောက်ပိုင်းအရေးခင်းတွင် နာမည်ကျော်ကြားသူ ) မှာ ရှမ်းနီ လူမျိုးပင်ဖြစ် ကျောင်းသားတပ်ဖွဲ့မှ RCSS/SSA သို့ ကူးပြောင်းခဲ့သူဖြစ်သည်။

ယင်းအပြင် ကချင်ပြည်နယ်ရှိ ရှမ်းနီ အများစုနှင့် ကေအိုင်အိုတို့အကြား တပ်သားသစ် အဓမ္မစုဆောင်းခြင်း ၊ ဆပ်ကြေးကောက်ခြင်း စသည့်ကိစ္စရပ်များကြောင့် တင်းမာသည့် အခြေနေများ ဖြစ်ပေါ်ခဲ့ဖူးပြီး ယခင်က ရှမ်းနီနှင့် ကချင်တိုင်းရင်းသားများအကြား တကြိမ် ပဋိပက္ခများ ဖြစ်ပွားခဲ့ဖူးပါသည်။

ခုလို အခြေနေမျိုးတွေကြောင့် အမျိုးသားပြန်လည်သင့်မြတ်ရေးဝေးသွားမှာစိုးရိမ်တယ်။ နောက်တချက်က အစိုးရကိုယ်တိုင်ကလည်း ရှမ်းနီ တွေကို ပြည်သူ့စစ်တွေအဖြစ် လိုက်လုပ်ပေးနေတာတွေရှိတော့ ဒီကိစ္စအပေါ် မရိုးသားဘူးလို့ ခံစားရတယ် ဟု ကချင်တိုင်းရင်းသူ တဦးဖြစ်သူ ဒေါ်ခွန်ဂျာက ပြောသည်။

ပြီးခဲ့သည့် ပြည်ထောင်စု ငြိမ်းချမ်းရေး ညီလာခံအတွင်းတွင်လည်း ရှမ်းနီ များအတွက် ကချင်ပြည်နယ်အောက်ပိုင်းနှင့် စစ်ကိုင်းတိုင်းအထက်ပိုင်းတို့အား ပြည်နယ်သတ်မှတ်ပေးရန် တောင်းဆိုမှုများ ရှိခဲ့သည်။
ရှမ်းနီ အမျိုးသားများတပ်မတော် (SNA) အနေဖြင့် ဒေသခံပြည်သူလူထုအပေါ် လက်နက်ကိုင်အနိုင်ကျင့်ဗိုလ်ကျစိုးမိုးနေမှုများကို ကာကွယ်ရန် ၊ မူးရစ်ဆေးဝါးအန္တရာယ်များတားဆီးရန် ၊ ဒေသတွင်းပြည်သူလူထုများ၏ ဖွံဖြိုးရေးလုပ်ငန်းများဖြစ်သည့် ပညာရေး ၊ ကျန်းမာရေး ၊ စီးပွားရေး ၊ စိုက်ပျိူးမွေးမြူရေး ၊ လူနေမှုဘ၀မြင့်တင်ရေး ၊ ဘက်စုံဖွံဖြိုးတိုးတက်ရေးတို့ကို ဆောက်ရွက်ရန် ၊ ဒေသတွင်း သဘာဝပတ်ဝန်းကျင်များကိုကာကွယ် တားဆီး ထိမ်းသိန်းစောင့်ရှောက်ရန် ၊ တိုင်းရင်းသားများတန်းတူရေး ၊ ကိုယ်ပိုင်ပြဌာန်းခွင့်နှင့်စစ်မှန်သောဖက်ဒရယ်ပြည်ထောင်စုတညဆောက်ရာတွင်အခြားသောတိုင်းရင်းသားများဖြင့်ပူးပေါင်းဆောင်ရွက်ရန် စသည့်အချက်များရည်ရွယ်လုပ်ဆောင်သွားမည်ဖြစ်ကြောင်းထုတ်ပြန်ထားသည်။

သတင်း - မျိုးမင်း
The Ladies News Journal
https://www.facebook.com/News.TheLadies
ရှမ်းနီ အမျိုိးသားများတပ်မတော် (SNA) အဖြစ် လက်နက်ကိုင်အ ဖွဲ့သစ်ထူထောင် ရှမ်းနီ အမျိုိးသားများတပ်မတော် (SNA) အဖြစ် လက်နက်ကိုင်အ ဖွဲ့သစ်ထူထောင် Reviewed by THITHTOOLWIN on 21:26 Rating: 5
Powered by Blogger.