လွှတ်တော်ကိုယ်စားလှယ်သစ်တွေ ကျမ်းသစ္စာ ကျိန်ဆိုကြတော့မည်

ပြည်သူ့လွှတ်တော် အစည်းအဝေးကို တက်ရောက်လာသည့် လွှတ်တော်ကိုယ်စားလှယ်သစ် တချို့ကို တွေ့ရစဉ် Photo: Myo Thant Khaing/RFA
မနက်ဖြန် ကျင်းပမယ့် ဒုတိယအကြိမ်လွှတ်တော် အစည်းအဝေး ပထမနေ့မှာ ရွေးကောက်ပွဲအနိုင်ရ ကိုယ်စားလှယ်သစ်တွေ ကျမ်းသစ္စာကျိန်ဆိုကြပြီး ပြည်သူ့ လွှတ်တော် ဥက္ကဌနဲ့ ဒုတိယဥက္ကဌတွေကို ရွေးချယ်တင်မြှောက်မှာ ဖြစ်ပါတယ်။

ကျမ်းသစ္စာကျိန်ဆိုပွဲမှာ လက်ရှိ အစိုးရအဖွဲ့က ဒုတိယသမ္မတတွေဖြစ်တဲ့ ရွေးကောက်ပွဲ အနိုင်ရ ပြည်သူ့လွှတ်တော် ကိုယ်စားလှယ် ဒေါက်တာစိုင်းမောက်ခမ်းနဲ့ ဦးဥာဏ်ထွန်း တို့ အပါအဝင် အစိုးရအဖွဲ့ဝင် ဝန်ကြီးတွေ ပါဝင်ဦးမှာ မဟုတ်ဘူးလို့ ပြည်သူ့လွှတ်တော် ဥက္ကဌအဖြစ် လျာထားခံထားရတဲ့ ပြည်သူ့လွှတ်တော် ကိုယ်စားလှယ် ဦးဝင်းမြင့်က ပြောပါတယ်။

"အခုဟာက လျာထားတာဟုတ်တယ်၊ ကျမ်းသစ္စာမကျိန်ရသေးဘူး၊ ပါဘူးဆိုတော့ ဒီအစီအစဉ်ကိုမကြည့်နိုင်သေးဘူး၊ ကျမ်းသစ္စာကျိန်ပြီး တရားဝင်ဖြစ်ပြီဆိုတော့ မှ ဘယ်နေ့ဘာလုပ်မယ် ဆိုတာတော့ ကိုယ့်အစီအစဉ်ကိုယ်စွဲရမှာပေါ့၊ အခုတက်နေတဲ့ သူတွေ ကျိန်ရမှာပေါ့၊ လက်ရှိအစိုးရတာဝန်ယူထားတဲ့သူတွေရောပေါ့"

အစိုးရသစ်အပြောင်းအလဲဖြစ်ပြီးမှသာ အဲဒီပုဂ္ဂိုလ်တွေက လွှတ်တော် ကိုယ်စားလှယ်အဖြစ် ကျမ်းသစ္စာ ကျိန်ဆိုရမှာဖြစ်သလို လွှတ်တော်အစည်းအဝေးတွေကို လည်း တက်ရောက်ကြရမှာဖြစ်ပါတယ်။

ဒုတိယအကြိမ်မြောက်လွှတ်တော်အစည်းအဝေးတွေအတွက် ပြည်သူ့လွှတ်တော်ကို ဖေဖော်ဝါရီလ ၁ ရက်၊ အမျိုးသားလွှတ်တော်ကို ဖေဖော်ဝါရီလ ၃ ရက် နဲ့ ပြည်ထောင်စု လွှတ်တော်ကို ဖေဖော်ဝါရီလ ၈ ရက်နေ့တွေမှာ ကျင်းပမှာပါ။

မနက်ဖြန်ကျင်းပမယ့် ပြည်သူ့လွှတ်တော်အစည်းအဝေးကို အမျိုးသားဒီမိုကရေစီ အဖွဲ့ချုပ် နာယက သူရဦးတင်ဦးနဲ့ ဗဟိုအလုပ်အမှုဆောင်အဖွဲ့ဝင် ဦးဝင်းထိန်တို့ လည်း လေ့လာသူတွေအဖြစ် တက်ရောက်မယ်လို့ သိရပါတယ်။

ပြည်သူ့လွှတ်တော် ဥက္ကဌအဖြစ် ဦးဝင်းမြင့်၊ ဒုတိယ ဥက္ကဌ အဖြစ် ဦးတီခွန်မြတ်၊ အမျိုးသားလွှတ်တော် ဥက္ကဌ အဖြစ် ဦးမန်းဝင်းခိုင်သန်း၊ ဒုတိယဥက္ကဌအဖြစ် ဦးအေးသာအောင်တို့ကို အမျိုးသားဒီမိုကရေစီအဖွဲ့ချုပ်က လျာထားခဲ့တာဖြစ်ပြီး၊ မနက်ဖြန် ပြည်သူ့လွှတ်တော်က အတည်ပြုရမှာဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ