ဝင်ငွေနှင့် အသုံးစရိတ် တန်းတူဖြစ်နေသည့် စက်ရုံများကိုစိစစ် သုံးသပ်သင့်ဟု ဆို

စက်မှုဝန်ကြီးဌာန အနေဖြင့် အမြတ်ဖော်ပြနိုင်သော နိုင်ငံတော်ပိုင် စီးပွားရေး
အဖွဲ့အစည်းတစ်ခုမှာ မြန်မာ့ဆေးဝါး လုပ်ငန်းတစ်ခုတည်းသာ တွေ့ရှိရသော်လည်း
ဝင်ငွေနှင့် အသုံးစရိတ်သည် တန်းတူနီးပါး ဖြစ်နေသည်ကို တွေ့ရှိရကြောင်း
လွှတ်တော် ကိုယ်စားလှယ်တစ်ဦးက ပြောသည်။

ပြည်ထောင်စု လွှတ်တော်တွင် ၂၀၁၆ - ၂၀၁၇ ဘဏ္ဍာနှစ် အမျိုးသားစီမံကိန်း
ဥပဒေကြမ်း၏ မူနှင့် အခြေခံသဘော အပါအဝင် စီမံကိန်းလုပ်ငန်းများနှင့် စပ်လျဉ်း၍
ဆွေးနွေးစဉ် အမျိုးသား ဒီမိုကရေစီအဖွဲ့ချုပ်မှ လွှတ်တော် ကိုယ်စားလှယ်
ဒေါ်စန္ဒာမင်းက ယင်းသို့ ထည့်သွင်းပြောဆိုခဲ့ခြင်း ဖြစ်သည်။

စက်မှုဝန်ကြီးဌာနသည် မြန်မာ့ဆေးဝါးလုပ်ငန်း ၏ ၂၀၁၆-၂၀၁၇ နှစ်အတွက်
ခန့်မှန်းခြေအမြတ်ငွေ ၂၉၄.၁၄၄ ကျပ်သန်း ဟု ဖော်ပြထားသော်လည်း ၂၀၁၄-၁၅
မှ ၂၀၁၆-၁၇ ခုနှစ်အထိ ၀င်ငွေနှင့် အသုံးစရိတ်ကို ကြည့်လျှင် တန်းတူနီးပါး
ဖြစ်နေသည်ကို တွေ့ရှိရသည်ဟု ဒေါ်စန္ဒာမင်းက ပြောသည်။

“၂၀၁၆-၂၀၁၇ တွင် ၀င်ငွေက ၃၅၈၅၁.၈၉၄ ကျပ်သန်းဖြစ်ပြီး အသုံးစရိတ်က
၃၅၅၅၇.၅၅၀ ကျပ်သန်း ဖြစ်နေတာ တွေ့ရပါတယ်၊ အခုလိုသာ အသုံးစရိတ်ဟာ
ဝင်ငွေရဲ့ အားလုံးနီးပါး ဖြစ်နေမယ်ဆိုရင် ရှေ့အလားအလား အနေဖြင့် စီးပွားရေး
အရ တွက်ချေကိုက်မှု ရှိမရှိကို ပြန်လည် သုံးသပ်သင့်ပါတယ်” ဟု ဒေါ်စန္ဒာမင်းက
ဆွေးနွေးပြောကြားခဲ့ခြင်း ဖြစ်သည်။

စက်မှုဝန်ကြီးဌာန အောက်ရှိ အမှတ် ၁ အကြီးစား စက်မှုလုပ်ငန်း၏ ၂၀၁၆-၁၇
ဘဏ္ဍာရေးနှစ် ကုန်သွယ်မှုစာရင်းတွင် အရှုံးပြနေပြီး၊ အမှတ် ၂ အကြီးစား
စက်မှုလုပ်ငန်း အောက်ရှိ စက်ရုံ ၁၃ ရုံတွင် ၉ ရုံမှာ ထုတ်လုပ်မှု ကုန်ကျစရိတ်
များပြားပြီး စက်စွမ်းအားအပြည့် လည်ပတ်နိုင်ခြင်း မရှိသောကြောင့် အရှုံးပြနေသည်။
အမှတ်(၃)အကြီးစားစက်မှုလုပ်ငန်းအောက်ရှိ စက်ရုံများမှာလည်း ထုတ်လုပ်မှု စရိတ်
မြင့်မား နေပြီး စရိတ်ကာမိခြင်း မရှိ၍ အရှုံးပြနေသည်ဟု ဒေါ်စန္ဒာမင်းက ပြောဆို
ခဲ့သည်။

လာမည့် ၂၀၁၆-၂၀၁၇ ဘဏ္ဍာနှစ်အတွက် စက်မှုဝန်ကြီးဌာန၏ သုံးစွဲငွေများအပေါ်
ကော်မတီမှ ၇၅ ဘီလီယံ စိစစ်ဖြတ်တောက်ပြီး ဖြစ်ခြင်းကြောင့် နောင်တာဝန်ယူမည့်
အစိုးရသစ် အနေဖြင့် စီမံကိန်းများကို ဆက်လက် လုပ်ဆောင်မည် ဆိုပါက
လုပ်ငန်းစစ်ဆေးရေးအဖွဲ့ ပြန်လည်ဖွဲ့စည်း စိစစ်ပြီးမှသာ ပေးအပ်ထားသည့်
ဘဏ္ဍာငွေများနှင့် စီမံကိန်းများကို ဆက်လက် လုပ်ဆောင်သင့်ကြောင်း
ဒေါ်စန္ဒာမင်းက တင်ပြခဲ့သည်။

သတင်း - ဇော်မင်းထွန်း
The Ladies News Journal
https://www.facebook.com/News.TheLadies