ဘားအံတွင် လိုင်စင်မဲ့ယာဉ် မတော်တဆကြောင့် လူတစ်ဦးသေ နှစ်ဦးဒဏ်ရာရ ယာဉ်မီးလောင်ဆုံးရှုံး


ကရင်ပြည်နယ်၊ ဘားအံမြို့၊ အုန်တစ်ပင် ကျေးရွာအနီး၊ ဘားအံ- သာမည ကားလမ်းမပေါ်တွင် ဇန်န၀ါရီ ၂၂ ရက် နေ့လယ်၌ လိုင်စင်မဲ့ မတ်တူးအမျိုးအစား အဖြူရောင်ယာဉ်သည် အရှိန်လွန်ကာ လမ်းဘေး မလေးရှားပိတောက်ပင်အား ၀င်ရောက် တိုက်ခဲ့၍ ကားမီးလောင်ခဲ့ပြီး ယာဉ်မောင်း ပွဲချင်းသေဆုံးခဲ့ကြောင်း
အိန္ဒုနယ်မြေ ရဲစခန်းမှ သိရှိရသည်။

“ကျွန်တော်တို့ ရောက်တော့ ယာဉ်မောင်း ကအခြေအနေ အတော်ဆိုးနေတာ တွေ့ရတယ်။ အခင်းဖြစ်ဖြစ်ချင်း တွေ့လိုက်တော့ ကားက လမ်းဘေး မလေးရှား ပိတောက်ပင်ကို အရှိန်ပြင်းပြင်းနဲ့ ၀င်ဆောင့်ထားတာ တွေ့ရတယ်။ ချက်ချင်းကားပေါ်ရှိတဲ့ သုံးယောက်ကို ဆွဲထုတ်လိုက်တယ်။ သူတို့ကို ထုတ်ပြီးတော့ ဓာတ်ဆီ တိုင်ကီ မီးကူးပြီးလောင်တာ။ ဒရိုင်ဘာ အသက်ရှင်ဖို့ ကြိုးစားသေးတယ်။ မရလိုက်ဘူး” ဟု အိန္ဒု နယ်မြေရဲစခန်းမှ အမှုစစ် ဒုရဲအုပ်သုမောင်က ပြောသည်။

အဆိုပါ ယာဉ်မတော်တဆ ဖြစ်စဉ်အတွက် ပုဒ်မ ၃၀၄၊ ၃၃၇၊ ၃၃၈ ဖြင့် အမှုဖွင့်ထားပြီး ၄င်းအမှုသည် လိုင်စင်မဲ့ မော်တော်ယာဉ်များ ဖမ်းဆီးမည့်ကာလ အကြိုရက်ပေါင်း သုံးဆယ် ပညာပေးကာလအတွင်း ယခုကဲ့သို့ မတော်တဆ ဖြစ်ပွားခဲ့ခြင်း ဖြစ်ကြောင်း သိရသည်။

သေဆုံးသူ ယာဉ်မောင်း အောင်စိုးသိန်း (ခ) အောင်အောင်သည် ၎င်းမိဘများ နေထိုင်သည့် အမှတ် ၄ ရပ်ကွက်၊ ဇွဲကပင်လမ်း နေအိမ်အား ဆေးသုတ်ရန် ခေါ်ထားသည့် အလုပ်သမားနှစ်ဦးနှင့် အတူ ကော့ကသောင်ဂူ သို့သွားရန် ဘားအံမှ ထွက်လာကြခြင်း ဖြစ်ကြောင်း ဖခင်ဖြစ်သူ ဦးစောဟန်သိန်းထံမှ သိရသည်။

ကရင်ပြည်နယ် အတွင်းတွင် ဖေဖော်ဝါရီလ ၂ ရက်နေ့တွင် လိုင်စင်မဲ့ယာဉ်များကိုစတင် ဖမ်းဆီးတော့မည်ဟု သက်ဆိုင်ရာမှ တရာဝင် အသိပေး ကြေညာထားသော်လည်း လိုင်စင်မဲ့ယာဉ် တချို့မှာ မောင်းနှင်နေကြဆဲဖြစ်ပြီး ယာဉ်မတော်တဆမှုများလည်း နေ့စဉ်နီးပါး ဖြစ်ပွားလျက်ရှိနေကြောင်း ဘားအံ၊ လိုင်းဘွဲနှင့် အိန္ဒုရဲစခန်း တာဝန်ရှိသူများ၏ ပြောကြားချက်အရ သိသည်။

သတင်း - MMK
The Ladies News Journal
https://www.facebook.com/News.TheLadies

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ