အမေရိကန် သမ္မတ ဘာရက် အိုဘားမား (Credit: Reuters) |
ကွန်ဂရက် လွှတ်တော်ထဲ ဝင်လာတဲ့ သမ္မတ အိုဘားမားကို မတ်တတ်ရပ် သြဘာပေး ကြိုဆိုခဲ့ကြပါတယ်။
သမ္မတကတော့ သူ့အနေနဲ့ အနာဂတ်ကိုပဲ မျှော်ကိုးပြီး မိန့်ခွန်း ပြောမယ့်အကြောင်း၊ စီးပွားရေးမှာ မျှတမှုရှိဖို့၊ စက်မှုနည်းပညာနဲ့ ရာသီဥတု ပြောင်းလဲမှု ပြဿနာကို ဖြေရှင်းဖို့နဲ့ အမေရိကန်နိုင်ငံမှာ လုံခြုံရေးရှိပြီး ကမ္ဘာမှာ ဦးဆောင်နိုင်ဖို့အကြောင်းတွေကို စဉ်းစားလုပ်ဆောင်ဖို့ တိုက်တွန်းခဲ့ပါတယ်။
ကျန်းမာရေး ကဏ္ဍကိုလည်း ငွေကြေး ထောက်ပံ့မှုတွေ တိုးမြင့်ပြီး ကင်ဆာရောဂါကို အမြစ်ပြတ် ကုသနိုင်တဲ့အထိ တိုးတက်အောင် လုပ်ဆောင်ဖို့လည်း တိုက်တွန်းသွားပါတယ်။
သူ့လက်ထက်အတွင်း အမေရိကန် စီးပွားရေး ဆုတ်ယုတ်တာ မရှိပဲ တိုးတက်လာတယ်လို့လည်း သမ္မတ အိုဘားမားက ပြောပါတယ်။
အမေရိကန် နိုင်ငံသားတိုင်း တတ်နိုင်တဲ့ ပညာရေး စနစ်တွေ ရှိအောင် လုပ်ဆောင်ဖို့၊ လူမှု ထောက်ပံ့ရေး ဝန်ဆောင်မှုတွေ တိုးတက်အောင် လုပ်ဆောင်ဖို့လည်း မှာကြားခဲ့ပါတယ်။
ဒီနှစ်ဟာ အမေရိကန် သမ္မတ အိုးဘားမားအတွက် နောက်ဆုံးနှစ် သမ္မတ သက်တမ်းဖြစ်ပြီး မကြာခင်မှာ သမ္မတသစ်ကို ရွေးချယ်တင်မြောက်ကြဖို့ ရှိနေပါတယ်။
ABC Radio Australia
http://www.radioaustralia.net.au/burmese
ကန်အနေနဲ့ ကင်ဆာရောဂါ အမြစ်ပြတ် ကုသဖို့ အိုဘားမား မျှော်လင့်
Reviewed by THITHTOOLWIN
on
13:35
Rating: