တံခွန်တိုင်၊ ယန္တရားရပ်ကွက်တွင် မီးလောင် မီးသတ်အရန်တပ်ဖွဲ့ဝင်တစ်ဦး ကားပေါ်မှပြုတ်ကျ


မန္တလေး ဇန်နဝါရီ ၂၆

မန္တလေး ပြည်ကြီးတံခွန်မြို့နယ် တံခွန်တိုင်-ယန္တရားရပ်ကွက် အမှတ် ၃ လမ်းနှင့် ၂ လမ်းအကြားတွင် ဇန်နဝါရီ ၂၆ ရက် နံနက် ၁ဝ နာရီခွဲ ခန့်က မီးလောင်မှုဖြစ်ပွားခဲ့ရာ မီးသတ်ကားပေါ်မှ အရန်မီးသတ် တပ်ဖွဲ့ဝင်တစ်ဦး ကားပေါ်မှ ပြုတ်ကျ ခဲ့သဖြင့် မန္တလေးပြည်သူ့ဆေးရုံကြီး သို့ ပို့ပေးခဲ့ရကြောင်း တိုင်းဒေသကြီး မီးသတ်တပ်ဖွဲ့မှ သိရသည်။

မီးငြှိမ်းသတ်ရန် အရေးပေါ် ရောက်ရှိလာစဉ် ရပ်ကွက်အဝင် သွယ်တန်းထားသည့်ဝါယာကြိုးနှင့် ထိခိုက်မိကာ မီးသတ်ယာဉ်ပေါ်မှ ပြုတ်ကျခဲ့သဖြင့် ဆေးရုံသို့ပို့ဆောင် ပေးခဲ့ပြီး ဦးနှောက်နှင့် အာရုံကြော ဌာနတွင် တက်ရောက်ကုသမှု ခံယူ နေရသည်ဟုဆိုသည်။

''ရပ်ကွက်တွေမှာ နေအိမ်တွေမှာ သွယ်တန်းထားတဲ့ ဝါယာကြိုးတွေရှိ တယ်။ အရေးပေါ်မောင်းလာတာဆို တော့ မီးကို အာရုံစိုက်နေရလို့ မမြင်လိုက်ရာက ခုလိုဖြစ်သွားတာ။ ဓါတ်မှန်တွေရိုက်ပြီးမှ ဘာဖြစ်တယ် ဆိုတာသိမယ်''ဟု မီးသတ်တပ်ဖွဲ့မှ တာဝန်ရှိသူတစ်ဦးက ပြောသည်။

မီးလောင်မှုဖြစ်စဉ်မှာ ၄င်းရပ်ကွက် နေဒေါ်ခင်အုန်းမြင့်နေအိမ်မီးဖိုချောင်တွင် ဂက်စ်အိုးမှ စတင်လောင်ကျွမ်းခဲ့ ခြင်းဖြစ်ပြီး နေအိမ် ခြောက်လုံး၊ မီးလောင်ကျွမ်းခံရပြီး မီးစတင် လောင်ကျွမ်း ချိန်မှ နာရီဝက်ခန့် အကြာတွင် ငြှိမ်းသတ်နိုင်ခဲ့ကြောင်း သိရသည်။

''ပေါက်ကွဲတဲ့ အသံကြားလိုက်တယ်။ ခဏအကြာမှာ မီးလောင်တာ သိပြီး မီးသတ်ဖုန်းနံပါတ်မသိတော့ သူများတွေကို ဖုန်းဆက်ခိုင်းတယ်'' ဟု ၄င်းရပ်ကွက်တွင်နေထိုင်သူ တစ်ဦးကပြောသည်။

အဆိုပါရပ်ကွက်နေအိမ်များမှာ ထရံကာအိမ်အများဆုံးဖြစ်၍ ရေနံ ချေးသုတ်ထားသည့် အိမ်များလည်းရှိ သဖြင့်မီးလောင်ရန်လွယ်ကူကြောင်း၊ မိနစ်ပိုင်းအတွင်း အခြားအိမ်များသို့ကူးစက်လောင်ကျွမ်းခဲ့ရာ (ပ)၄၁/ ၂ဝ၁၆၊ ဥပဒေပုဒ်မ ၂၈၅ အရ အမှုဖွင့်ထားကြောင်း သိရသည်။

အောင်သန့်ခိုင်
The Mirror Daily
https://www.facebook.com/TheMirrorDaily

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ