ဒမတ်စကတ် ၊ ၁၁-၁၂-၂၀၁၅
ISIS အစ္စလာမ္မစ် စစ်သွေးကြွ များသည် အမျိုးသမီး တပ်ဖွဲ့ဝင်များကို ကြောက်ရွံ့ နေရသည်ဟု ယင်း စစ်သွေးကြွ များကို ဆီးရီးယား နိုင်ငံမြောက်ပိုင်းမှ တိုက်ထုတ်လျက် ရှိသည့် ကာ့ဒ်အမျိုးသမီး တပ်ဖွဲ့ဝင် များက ပြောကြား ထားသည်။
အဆိုပါ အမျိုးသမီး တပ်ဖွဲ့ဝင်များသည် လွန်ခဲ့သည့် သုံးနှစ်ခန့်က အမျိုးသမီး ကာကွယ်ရေး တပ်ဖွဲ့အဖြစ် တပ်ဖွဲ့ဝင် ၁ဝဝဝဝ ဖြင့်စတင်ဖွဲ့စည်း ခဲ့ခြင်းဖြစ်ပြီး ကိုဘာနီမြို့အား ပြန်လည် သိမ်းပိုက်ရာတွင် မရှိမဖြစ် လိုအပ်ခဲ့သူများ ဖြစ်သည်။
''ISIS အစ္စလာမ္မစ် စစ်သွေးကြွ တွေက အစ္စလာမ်ဘာသာ အယူအဆ အတိုင်း တိုက်ခိုက် နေကြတာ ဖြစ်ပါတယ်။ သူတို့ထဲက တစ်ယောက် ယောက်ကို ကားဒစ်ရှ် အမျိုးသမီး တစ်ဦးက သတ်လိုက်ပြီ ဆိုရင် သူတို့ ကောင်းကင်ဘုံကို မရောက်နိုင်တော့ဘူး လို့ ယူဆ ထားပါတယ်။
ဒါကြောင့် သူတို့ဟာ အမျိုးသမီး တိုက်ခိုက်ရေး သမားတွေကို ကြောက်ရွံ့ ကြတာဖြစ်ပြီး ISIS ချေမှုန်းရေးမှာ အမျိုးသမီး တွေဟာ ထင်မှတ်မထား လောက်အောင် အောင်မြင်မှုတွေ ရနေတာ ဖြစ်ပါတယ်'' ဟု အဆိုပါ ကာ့ဒ် အမျိုးသမီး တပ်ဖွဲ့ အကြီးအကဲ အသက် ၂၁ နှစ်အရွယ်ရှိ တဲလ်ဟယ်လ်ဒန် က CNN သတင်းဌာနသို့ ပြောကြား ထားသည်။
တဲလ်ဟယ်လ်ဒန် သည် လက်ရှိတွင် နိုင်ငံ အရှေ့မြောက်ပိုင်းရှိ အယ်လ်ဟာဆာကာ ပြည်နယ်၏ ရှေ့တန်း တစ်နေရာမှ တစ်ဆင့် CNN သတင်းဌာနသို့ ပြောကြားခဲ့ခြင်း ဖြစ်ပြီး ၄င်း၏ တပ်ဖွဲ့ဝင် များသည် မကြာသေးမီက ISIS အစ္စလာမ္မစ် စစ်သွေးကြွ များကို အယ်လ်ဟောလ်မြို့မှ တိုက်ထုတ် နိုင်ခဲ့ကြောင်း သိရသည်။
ထို့ပြင် အသက် ၂ဝ အရွယ်ရှိ အမျိုးသမီး တပ်ဖွဲ့ဝင် အီဖယ်လင် ကလည်း ယင်း စစ်သွေးကြွများ အနေဖြင့် နောက်တစ်ကြိမ် ပြန်လည် ဝင်ရောက်လာပါက တစ်ဦးမျှ အသက်ရှင်လျက် ပြန်မထွက် နိုင်စေရန် တိုက်ထုတ် သွားမည် ဖြစ်ကြောင်း ကတိပြု ပြောကြားထား သည်ဟု သိရသည်။
(Pyi Chit Thar)
http://www.pyichitthar.com/
အမျိုးသမီးကာ့ဒ် တပ်ဖွဲ့ဝင်များကို ISIS အဖွဲ့က ကြောက်ရွံ့နေရဟုဆို
Reviewed by Staff Writer
on
10:55
Rating:
Reviewed by Staff Writer
on
10:55
Rating:
