IS ချေမှုန်းရေး စစ်ရေး အကူအညီပေးဖို့ ဂျာမဏီ လွှတ်တော် အတည်ပြု

ဂျာမန်လွှတ်တော်တွင်း မဲခွဲဆုံးဖြတ်။
ဆီးရီးယား နိုင်ငံက IS စစ်သွေးကြွတွေကို ချေမှုန်းရာမှာ စစ်ဘက်ဆိုင်ရာ အကူအညီတွေ ပေးအပ်သွားဖို့ ဂျာမနီလွှတ်တော်က တခဲနက် မဲခွဲဆုံးဖြတ် လိုက်ပါတယ်။ ပြီးခဲ့တဲ့လထဲ ပဲရစ်မြို့မှာ အကြမ်းဖက်တိုက်ခိုက်မှုတွေ ကြုံခဲ့ရပြီးနောက် ပြင်သစ်နိုင်ငံက အကူအညီပေးဖို့ ပန်ကြားချက်ကို တုံ့ပြန်လိုက်တာလည်း ဖြစ်ပါတယ်။

IS စစ်သွေးကြွတွေကို တိုက်ခိုက်နေတဲ့ ညွန့်ပေါင်း တပ်ဖွဲ့တွေအတွက် ဖရီးဂိတ် စစ်သင်္ဘော တစင်း၊ လောင်စာဖြည့်ပေးမယ့် လေယာဉ်တစင်း၊ Tornado ထောက်လှမ်းရေး ဂျက် တိုက်လေယာဉ်တွေနဲ့ စစ်သည် ၁၂၀၀ အထိ စေလွှတ် ဖို့ ဂျာမန်လွှတ်တော်မှာ ထောက်ခံမဲ ၄၄၅ မဲ၊ ကန့်ကွက်မဲ ၁၄၆ မဲနဲ့ ဒီကနေ့ပဲ အတည်ပြုလိုက်တာပါ။

နိုဝင်ဘာလ ၁၃ ရက်နေ့က ပဲရစ်မြို့မှာ အကြမ်းဖက် တိုက်ခိုက်မှုတွေနဲ့ ကြုံခဲ့ရပြီး နောက်မှာပဲ IS စစ်သွေးကြွအဖွဲ့ကို တိုက်ခိုက်မှုတွေ တိုးမြှင့်ဖို့ ပြင်သစ်သမ္မတ Francois Hollande က နိုင်ငံတကာ အသိုင်းအ၀ိုင်းကို ပန်ကြားခဲ့တာပါ။

IS အဖွဲ့ကတော့ လူပေါင်း ၁၃၀ လောက်သေဆုံးခဲ့တဲ့ တိုက်ခိုက်မှုဟာ သူတို့လက်ချက်ဖြစ်တဲ့အကြောင်း ကြေညာထားပါတယ်။ အီရတ်နိုင်ငံက IS စစ်သွေးကြွတွေကို တိုက်ခိုက်နေတဲ့ ဗြိတိန်နိုင်ငံကလည်း လွှတ်တော်က အတည်ပြုချက် ရခဲ့ပြီးနောက်မှာပဲ ကြာသပတေးနေ့က ဆီးရီးယားနိုင်ငံထဲက ပစ်မှတ်တွေကို တိုက်ခိုက်မယ့် စစ်ဆင်ရေးတွေအတွက် တိုက်လေယာဉ်တွေ ထပ်မံပေးပို့ခဲ့တာပါ။

အမေရိကန် ပြည်ထောင်စုကလည်း ဆီးရီးယားနိုင်ငံထဲက စစ်သွေးကြွတွေကို တိုက်ခိုက်ဖို့ အထူးတပ်ဖွဲ့တွေ စေလွှတ်သွားဖို့ သမ္မတ Barack Obama က သဘောတူထားပါတယ်။

အရေးကြီးတဲ့ စစ်သွေးကြွ အဖွဲ့ဝင်တွေကို ဖမ်းဆီးပြီး ထောက်လှမ်းရေး သတင်းတွေ စုဆောင်းမယ့် အထူးတပ်ဖွဲ့ငယ်တွေ စေလွှတ်မှာ ဖြစ်တယ်လို့လည်း အမေရိကန် အစိုးရတာဝန်ရှိသူတွေက ပြောဆိုပါတယ်။

VOA Burmese
http://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ