ပါကစ္စတန်နိုင်ငံ မာဒန်မြို့တွင် အသေခံဗုံးပေါက်ကွဲ၊ အနည်းဆုံး လူ ၂၅ ဦးသေဆုံး

 အစ္စလာမ္မာဘတ် ဒီဇင်ဘာ ၃ဝ

 ပါကစ္စတန်နိုင်ငံ အနောက်မြောက်ဘက်ပိုင်း မာဒန်မြို့တွင် အသေခံဗုံးတစ်လုံး ပေါက်ကွဲခဲ့ရာ အနည်းဆုံး အရပ်သား ၂၅ ဦးသေဆုံးခဲ့ပြီး ၇ဝ ကျော်ထိခိုက်ဒဏ်ရာများ ရရှိခဲ့ကြောင်း အာဏာပိုင်များက ဆိုသည်။

မာဒန်မြို့ရှိ အစိုးရရုံးတစ်ရုံး၏ တံခါးရှေ့တွင် ပြည်သူများက ၎င်းတို့၏နိုင်ငံသားစိစစ်ရေးကတ်ပြားများ ပြည်လည်ရရှိရန် တန်းစီစောင့်ဆိုင်းနေစဉ် ပေါက်ကွဲစေ သည့် ပစ္စည်းများ လျှို့ဝှက်သယ်ဆောင်လာသော အမျိုး သားတစ်ဦးက အသေခံဗုံးခွဲခဲ့ခြင်းဖြစ်ကြောင်း သိရသည်။

အဆိုပါအသေခံဗုံးခွဲခဲ့သည့်အမျိုးသားသည် ပါကစ္စ တန်တာလီဘန်အဖွဲ့ဝင်တစ်ဦးဖြစ်ကြောင်း အခင်းဖြစ်ပွားပြီး မကြာမီတွင် အဆိုပါအဖွဲ့က ထုတ်ဖော်ပြောကြားခဲ့သည်။ ပါကစ္စတန် တာလီဘန်အဖွဲ့သည် နိုင်ငံ၏အင်အားအကြီး ဆုံး အစ္စလာမ္မစ်နိုင်ငံတော်ထူထောင်ရေးအဖွဲ့ဖြစ်သည်။

အစွန်းရောက်အစ္စလာမ္မစ် စစ်သွေးကြွအဖွဲ့များသည် နိုင်ငံ၏အနောက်မြောက်ဘက်ပိုင်းတွင် အခြေချ နေထိုင်လျက်ရှိပြီး အကြမ်းဖက်မှုများကို မကြာခဏ ကျူးလွန်လျက်ရှိသည်။

ပါကစ္စတန်မြေပြင်တပ်ဖွဲ့များက လွန်ခဲ့သည့်နှစ် ဇွန်လမှစပြီး အဆိုပါအကြမ်းဖက်အဖွဲ့များကို တိုက်ခိုက် ချေမှုန်းလျက်ရှိကြောင်း သိရသည်။

ယင်းသို့ပါကစ္စတန်တပ်ဖွဲ့၏ တိုက်ခိုက်ချေမှုန်းမှု များကို လက်တုံ့ပြန်သည့်အနေဖြင့် ယမန်နှစ်ဒီဇင်ဘာ လတွင် ပါကစ္စတန်တာလီဘန်လက်နက်ကိုင်အဖွဲ့က စစ် တပ်ပိုင် စာသင်ကျောင်းတစ်ကျောင်းကို ဝင်ရောက်စီး နင်းတိုက်ခိုက်ခဲ့ရာ ကျောင်းသား ကျောင်းသူများနှင့် ဆရာ ဆရာမ ၁၄၇ ဦးသေဆုံးခဲ့ရသည်။

ယခုအသေခံဗုံးခွဲတိုက်ခိုက်မှုသည်လည်း ပါကစ္စတန် တပ်ဖွဲ့၏တိုက်ခိုက်ချေမှုန်းမှုကို တုံ့ပြန်သည့်လက် တုံ့ပြန်ချက်တစ်ခုဖြစ်သည်ဟု ဒေသခံရဲအရာရှိများက ယူဆကြသည်။

အင်န်အိတ်ခ်ျကေ။
The Mirror Daily
https://www.facebook.com/TheMirrorDaily/