အာဆီယံ အသိုင်းအဝိုင်းရဲ့ စီးပွားရေးလောကမှာ မြန်မာအနေနဲ့ ဝင်ဆန့်ဖို့ အခက်အခဲတွေ ဖြစ်နိုင်တယ်လို့ သမ္မတရဲ့ စီးပွားရေးအကြံပေးကပြောကြောင်း မြန်မာထိုင်းမ်စ်မှာ ဖော်ပြထားပါတယ်။
ဒီဇင်ဘာလ ၃၁ ရက်နေ့ကျရင် အာဆီယံ အသိုင်းအဝိုင်းကို တည်ထောင်ကြမှာ ဖြစ်ပြီး အရှေ့တောင်အာရှ နိုင်ငံတွေ တစုတစည်းတည်း ကုန်သွယ်လှုပ်ရှားဖို့ ဖြစ်ပါတယ်။
ဒီလို အာဆီယံ စီးပွားရေး အသိုင်းအဝိုင်းကနေ ကမ္ဘာ့စီးပွားရေးမှာ ပါဝင်ပြီး အာဆီယံ အဖွဲ့ဝင်တွေအကြား အကန့်အသတ်မဲ့ ရင်းနှီးမြုပ်နှံမှုတွေ၊ ကုန်သွယ်မှုတွေ လုပ်ဖို့ ရည်ရွယ်ကြတာ ဖြစ်ပါတယ်။
ဒါပေမဲ့ တခြား အာဆီယံနိုင်ငံတွေနဲ့ ယှဉ်နိုင်ဖို့ မြန်မာ၊ ကမ္ဘောဒီးယားနဲ့ လာအိုတို့အတွက် အခက်အခဲ ဖြစ်နေတဲ့အတွက် ၂၀၁၈ ခုနှစ်မှ ပူးပေါင်းဖို့ ခွင့်ပြုချက်ရထားပါတယ်။
စီးပွားရေး ပညာရှင်တွေကတော့ ၂၀၁၈ ခုနှစ်မှာတောင် မြန်မာအနေနဲ့ တခြား အာဆီယံတွေနဲ့ ပူးပေါင်းလှုပ်ရှားဖို့ ခက်နိုင်တယ်လို့ ဆိုပါတယ်။
မြန်မာအနေနဲ့ သတ်မှတ်ထားတဲ့ အချိန်မှာ ပူးပေါင်းနိုင်အောင် ခြေလှမ်းတလှမ်းခြင်း လှမ်းပြီး လုပ်ဆောင်နေပြီး မခုန်လွှားမိအောင် သတိထားရမယ်လို့ သမ္မတရဲ့ စီးပွားရေးအကြံပေး ဦးဇော်ဦးက မြန်မာထိုင်းမ်စ်ကို ပြောသွားခဲ့တာ ဖြစ်ပါတယ်။
မြန်မာအတွက် အခြေခံ အဆောက်အဦးတွေ ဖြစ်တဲ့ ကူးသန်းသွားလာရေး၊ ဆက်သွယ်ရေး၊ လျှပ်စစ်မီး အစရှိတဲ့ နေရာမှာ စိန်ခေါ်မှုတွေ များပြားနေပြီး အဲဒီလို အခြေခံ အဆောက်အဦးတွေ ခိုင်မှာမှု ရှိဖို့က အရေးကြီးသလို ကျွမ်းကျင် အလုပ်သမားတွေနဲ့ ရင်းနှီးမြုပ်နှံမှု ဥပဒေတွေ ရှိဖို့လိုတယ်လို့လည်း ပြောသွားခဲ့ပါတယ်။
(Radio Australia)
http://www.radioaustralia.net.au/burmese/
အာဆီယံသိုင်းဝိုင်းထဲ မြန်မာဝင်ဆန့်ဖို့ ခက်ခဲ
Reviewed by Staff Writer
on
12:15
Rating: