သျှမ်းပြည်အလယ်ပိုင်း စစ်ရှောင် ဒုက္ခသည် ၆၀၀၀ ကျော်ရှိ SHRF ပြော

 နိုဝင်ဘာလ ၄ ရက် ၂၀၁၅

 သျှမ်းပြည်တိုးတက်ရေးပါတီအား အစိုးရတပ်မတော်၏ ထိုးစစ်ဆင်တိုက်ခိုက် မှုကြောင့် နိုဝင်ဘာ လ ၅ ရက်နေ့အထိ သျှမ်းပြည်အလယ်ပိုင်းတွင် စစ်ဘေး ဒုက္ခသည် ၆၀၀၀ ကျော်ရှိပြီဖြစ်ကြောင်း သျှမ်းလူ့အခွင့်အရေးမဏ္ဍိုင် SHRF က ကြေငြာချက်တစောင်ထုတ်ပြန်လိုက်သည်။

သျှမ်းပြည်အလယ်ပိုင်း မိုင်းရှူး၊မိုင်းနောင်နှင့် ကျေးသီးမြို့နယ်အတွင်းမှ ဒုက္ခသည် များဖြစ်ကြောင်း ကြေငြာချက်တွင်ပါရှိသည်။

"အဓိကကတော့ နိုင်ငံတကာအဖွဲ့အစည်းတွေနဲ့ ပြည်သူလူထုအားလုံးကို စစ်ဘေးစစ်ဒဏ် ခံစား နေရတဲ့ သျှမ်းလူထုအကြောင်း သိစေချင်လို့ပါ။ အခု စစ်ဘေးရှောင် ၆၀၀၀ ကျော်ရှိပါပြီ။စုစုပေါင်း ရွာပေါင်း ၅၀ နီးပါးလောက်က စစ်ရှောင်လာကြတဲ့သူတွေဖြစ်ပါတယ်။ မိုင်းရှူး၊ ၀မ့်ဆော့၊ ဟိုင်းပါ တွေ မှာ အပြင် နီးစပ်ရာဆွေမျိုးတွေဆီ သွားရောက်ခိုလှုံနေတာတွေလည်းရှိပါတယ်။ သျှမ်း၊ တအာင်း၊ လိဆူး လူမျိုးတွေဖြစ်ပါတယ်။ ကလေးသူငယ်၊ အမျိုးသမီး နဲ့ သက်ကြီးရွယ်အိုတွေ များပါတယ်။ ကိုယ်ဝန်သည်တွေလည်း များပါတယ်။ အမျိုးသားကတော့အရေ အတွက် နည်းပါတယ်။" - ဟု သျှမ်းလူ့အခွင့်အရေး မဏ္ဍိုင် SHRF ကစိုင်းဟော်ရှဲန်က ပြောသည်။

စစ်ဘေးရှောင်များသည် မိုင်းရှူးမြို့နယ် ၀မ့်ဆော့ဘုန်းကြီးကျောင်းတွင် ၁၉၀၀ ကျော်၊ ဟုမ့် ယင် ဘုန်းကြီးကျောင်း ကျောင်းစန်းဘုန်းကြီးကျောင်းနှင့် ရပ်ကွက် ၁ ရှိ ဆွေမျိုးများထံတွင် ခိုလှုံနေသူ ၄၈၀ ၊ ဟိုင်းပါဘုန်းကြီးေ ကျာင်း တွင် ၁၃၀၀၊ မိုင်းနောင်မြို့နယ် မင်္ဂလာရန်အောင် ဘုန်းကြီးကျောင်း တွင် ၂၈၀ ၊ တူယားဘုန်းကြီးကျောင်းတွင် ၁၅၀ ၊ နှင့် ကျေးသီးမြို့နယ်တွင် (၀မ့်ဟိုင်းရွာသူရွာသား) ၂၀၀၀ နီးပါး ရောက်ရှိခိုလှုံနေကြသည်ဟုေ ကြငြာ ချက်တွင်ပါရှိပါသည်။

"အခုလောလောဆယ်တော့ အစားအသောက် ကူညီထောက်ပံ့မှုကို အထူး လိုအပ်နေပါ တယ်။ တိုက်ပွဲကလည်း ဘယ်ချိန်အထိ ဆက်သွားမလဲဆိုတာ ဘယ်သူမှ မသိနိုင်ဘူးလေ။ ဒုက္ခသည် တွေရဲ့ ဆန္ဒကတော့ တိုက်ပွဲတွေ အမြန်ဆုံး ရပ်တန့်ပေးစေချင်တယ်။ သူတို့တွေ အိမ်ပြန်ပြီး လယ်ယာလုပ်ငန်း လုပ်ချင်တယ်။ စစ်ရှောင်ရင်း ခလေးမွေးတာတွေရှိတယ်။" ဟု သျှမ်းလူ့အခွင့် အရေးမဏ္ဍိုင်က စိုင်းခွန်းမိုင် ကပြောသည်။

နိုဝင်ဘာလ ၂ ရက်နေ့ကလည်း သျှမ်းပြည်တောင်ပိုင်း မိုင်းနောင်မြို့နယ်တွင် အစိုးရတပ်မတော် တဖက်တည်း လက်နက်ကြီးပစ်ခတ်မှုကြောင့် ရွာသား တဦးထိခိုက်ဒဏ်ရာရခဲ့ကြောင်း သိရသည်။

"မိုင်းနောင်မြို့နယ် ထဲကအစိုးရတပ်မတော်က ညနေ ၆ နာရီကစပြီး သူတို့ အခြေချတဲ့ စခန်းပေါ် ကနေပြီး အရပ် ၄ မျက်နှာကို တညလုံး တဖက်တည်း လက်နက်ကြီးပစ်တယ်။ တူယားလမ်းခွဲ ဘက်က လိဆောရွာသစ်နားမှာ လည်းကျကွဲတယ်။ရွာသားတဦး ထိခိုက်ဒဏ်ရာရခဲ့တယ်။ အသေးစိတ် ကျနော် တို့ဆက်လက်စုံစမ်းနေဆဲပါ "- ဟု SSPP ဘက်မှ အရာရှိတဦး ဆိုပါသည်။

အောက်တိုဘာလ ၆ ရက်နေ့ကတည်းက သျှမ်းပြည်တိုးတက်ရေးပါတီအား အစိုးရတပ်မတော်က ထိုးစစ်ဆင်တိုက်ခိုက်ရာ ၂ ဖက်ရင်ဆိုင်တိုက်ပွဲပေါင်း အကြိမ် ၅၀ ထက်မနည်းရှိပြီး ထိုသို့သော အစိုးရတပ်မတော်ဘက်မှ တဖက် တည်းပစ်ခတ်မှုမျိုး (တိုက်ပွဲအတု) လည်းရှိသည်ဟု SSPP ဘက် က ကပြော သည်။

သျှမ်းသံတော်ဆင့်
https://www.facebook.com/Panglong.burmese