ဒုက္ခရောက်နေတဲ့ လူတွေကို အကူအညီပေးနေတဲ့ ကူညီကယ်ဆယ်ရေးသမား (Credit: AFP) |
အီသီယိုးပီးယားနိုင်ငံမှာ လူပေါင်း ၈ သန်းကျော် အစာ ရေစာ မလုံလောက်မှုတွေနဲ့ ကြုံနေရတုန်း ရေကြီးမှု ဖြစ်နေတဲ့အတွက် ထပ်မံဒုက္ခရောက်နေရတာပါ။
အယ်လ်နီနို ရာသီဥတုကြောင့် နိုင်ငံရဲ့ မြောက်ပိုင်း၊ အရှေ့ပိုင်းနဲ့ အလယ်ပိုင်းမှာ မိုးခေါင်ရေရှားမှု ဖြစ်နေလို့ ဒုက္ခရောက်နေတုန်းမှာပဲ နိုင်ငံရဲ့ တောင်ပိုင်းနဲ့ အရှေ့တောင်ပိုင်းမှာ ရေကြီးမှု ဖြစ်ပေါ်နေတာပါ။
နွေဦးရာသီနဲ့ နွေရာသီမှာ မိုးမရွာလို့ အစားအသောက်နဲ့ ရေတွေ ရှားပါးနေတာ ဖြစ်ပြီး အီသီယိုးပီးယားနိုင်ငံမှာ ဖြစ်နေတဲ့ ပြဿနာကို ဖြေရှင်းဖို့ ဒေါ်လာ သန်းပေါင်း ၆၀၀ လိုအပ်တယ်လို့ အစိုးရက ပြောပါတယ်။
၁၉၈၄ ခုနှစ်တုန်းကလည်း အီသီယိုးပီးယား နိုင်ငံမှာ မိုးခေါင် ရေရှားမှု အကြီးအကျယ် ဖြစ်ပေါ်ခဲ့ဖူးတာကြောင့် လူပေါင်း သိန်းနဲ့ချီ သေဆုံးခဲ့ရပါတယ်။
အဲဒီ ဖြစ်ရပ်ကြောင့်လည်း အီသီယိုးပီးယားနိုင်ငံလို့ ပြောလိုက်တာနဲ့ ဆင်းရဲတဲ့ ကလေးတွေကိုပဲ မျက်စိထဲ မြင်ပြီး အင်မတန် ဆင်းရဲတဲ့ နိုင်ငံလို့ပဲ စိတ်ထဲမှာ စွဲကျန်ရစ်စေခဲ့ပါတယ်။
ဒါပေမဲ့ အခုအခါမှာ ကမ္ဘာ့စီးပွားရေး တိုးတက်မှု အမြန်ဆုံးနိုင်ငံ စာရင်းထဲ ပါဝင်လာတဲ့အတွက် မိုးခေါင်ရေရှားတဲ့ ပြဿနာနဲ့ ရေကြီးတဲ့ ပြဿနာကို တပြိုင်ထဲ ခံစားရပေမယ့် အရင်လို လူသိန်းနဲ့ချီ သေဆုံးရမယ့် အခြေအနေအထိ ရောက်ရှိမှာ မဟုတ်ဘူးလို့ ခန့်မှန်းနေကြပါတယ်။
သိန်းနဲ့ချီ သေဆုံးတဲ့အထိ ဒုက္ခမရောက်ပေမယ့်လည်း ရေကြီးမူကြောင့် လူပေါင်း နှစ်သိန်းကျော် ထိခိုက်နစ်နာနေရပြီး တစ်သိန်းကျော် နေရာရွှေ့ပြောင်းမှု လုပ်ရမယ့် အနေအထား ရှိနေတာ ဖြစ်ပါတယ်။
ကလေးငယ်တွေ မစာအဟာရ ငတ်ပြတ်မှု မဖြစ်အောင် လုပ်ဆောင်ဖို့ အကူအညီတွေ လိုအပ်နေဆဲ ဖြစ်ပြီး အစားအသောက်တွေ ရရှိဖို့ အီသီယိုးပီးယား အစိုးရက ဂျုံတန်ချိန်ပေါင်း ခြောက်သိန်းကို ဝယ်ယူနေပြီး ဒီတစ်ပတ်အတွင်း ရောက်ရှိလာလိမ့်မယ်လို့ မျှော်လင့်နေကြပါတယ်။
ABC Radio Australia
http://www.radioaustralia.net.au/burmese
El Nino ရေကြီးမှုကြောင့် တစ်သိန်းလောက် ဒုက္ခရောက်နိုင်
Reviewed by THITHTOOLWIN
on
09:34
Rating: