အမေရိကန်တပ်ဖွဲ့တွေဟာ အာဖဂန်နစ္စတန်နိုင်ငံ Kundus မြို့က ဆေးရုံတရုံကို ပစ်မှတ်လို့ အထင်မှားပြီး နာရီဝက်ကြာ တိုက်ခိုက်ခဲ့တဲ့အတွက် ဆရာဝန် အများအပြားနဲ့ လူနာတွေ အပါအ၀င် လူပေါင်း ၃၀ မက သေဆုံးခဲ့ရတယ်လို့ အမေရိကန်စစ်ဘက် စုံစမ်းစစ်ဆေးမှုတခုက ဖော်ပြလိုက်ပါတယ်။
တာလီဘန်တွေ သိမ်းပိုက်ထားတယ်လို့ ယုံကြည်ရတဲ့ အမျိုးသားလုံခြုံမှု ညွှန်ကြားရေးဌာန အဆောက်အဦးတခုကို အမေရိကန်လေကြောင်းနဲ့ ကူတိုက်ပေးဖို့ အာဖဂန်တပ်ဖွဲ့တွေက တောင်းဆိုခဲ့တယ်လို့ အာဖဂန်မှာရှိတဲ့ အမေရိကန်နဲ့ နိုင်ငံတကာတပ်ဖွဲ့တွေရဲ့ တပ်မှူး ဗိုလ်ချုပ်ကြီး John Campbell က ဆိုပါတယ်။
အဲဒီအဆောက်အဦးအစား နယ်စီးမထား ဆရာဝန်များအဖွဲ့ (MSF) ရဲ့ ကုသိုလ်ဖြစ်ဆေးရုံကို AC ၁၃၀ စက်သေနတ်တပ် လေယာဉ်က ကျည် ၂၁၁ ချက် တိတိ ပစ်ခတ်တိုက်ခိုက်ခဲ့ကြတယ်လို့ အစီရင်ခံစာမှာ ဖော်ပြထားပါတယ်။
ဒါဟာ ၀မ်းနည်းစရာကောင်းတဲ့ မှားယွင်းမှုလို့ Campbell က Kabul မြို့တော်မှာ ဗုဒ္ဓဟူးနေ့က ပြောကြားခဲ့ပါတယ်။ လူတွေရဲ့မှားယွင်းမှု၊ လူတို့ရဲ့ ရှောင်လွှဲနိုင်တဲ့ မှားယွင်းမှုလို့လည်း ဆိုခဲ့ပါတယ်။
ဗွီအိုအေ (မြန်မာပိုင်း)
http://burmese.voanews.com
အာဖဂန်ဆေးရုံ မှားယွင်းပစ်ခတ်ခဲ့မှု ကန်တပ်မှူး ၀န်ခံ
Reviewed by THITHTOOLWIN
on
08:58
Rating: