ပြစ်မှုကျူးလွန်ပြီး လူစားထိုးတဲ့ ဒုရဲအုပ်ကို အရေးယူပြီ


 စစ်ကိုင်းမြို့၊ စစ်ကိုင်းတောင်တက်လမ်းတွင် ဖြစ်ပွားခဲ့သည့် ယာဉ်တိုက်မှုမှ ပြစ်မှုကျူးလွန်သူအစစ်အား ဖော်ထုတ်အရေးယူ

နေပြည်တော်၊ နိုဝင်ဘာ ၃၀

၂၀၁၅ ခုနှစ်၊ နိုဝင်ဘာလ ၂၀ ရက်နေ့ ည ၉ နာရီ ၄၅ မိနစ်အချိန် စစ်ကိုင်းတိုင်းဒေသကြီး၊ စစ်ကိုင်းမြို့၊ မင်းလမ်းရပ်ကွက်၊ စစ်ကိုင်းတောင်တက်လမ်းတွင် စစ်ကိုင်းမြို့၊ မြို့သစ်ရပ်ကွက်နေ သွားဆရာဝန် ဦးဌေးလွင်(၅၇)နှစ်မောင်းနှင်ပြီး မစန္ဒီ လိုက်ပါလာသည့် ၄၂ယ/×××× Scoopy ဖြူ/နီကြားရောင်ဆိုင်ကယ်အား လားရာတူ မြောက်မှ တောင်သို့ အမည်မသိယာဉ်မောင်း မောင်းနှင် လာသော 1J/×××× WISH အဖြူရောင်ယာဉ်က နောက်မှဝင်တိုက်ပြီး ထွက်ပြေးမောင်းနှင်သွားခဲ့၍ ဦးဌေးလွင်နှင့် မစန္ဒီတို့တွင် ဒဏ်ရာများအသီးသီးရရှိကာ ဆေးရုံသို့ပို့ဆောင်ကုသမှုခံယူခဲ့ရသဖြင့် စစ်ကိုင်းမြို့မရဲစခန်း ယာဉ်(ပ)၉၃/၂၀၁၅၊ ပြစ်မှုပုဒ်မ ၃၃၈/၃၃၇ ဖြင့် အမှုဖွင့်စစ်ဆေးခဲ့သည်။

အဆိုပါဖြစ်စဉ်မှ ဒဏ်ရာရရှိသူ ဦးဌေးလွင်မှာ မန္တလေးပြည်သူ့ဆေးရုံ၌ ဆေးကုသမှုခံယူနေစဉ် ၂၁-၁၁-၂၀၁၅ ရက်နေ့ ၁၀၃၀ အချိန် သေဆုံးသွားခဲ့၍ ပြစ်မှုပုဒ်မ ၃၀၄-က/၃၃၈/၃၃၇ သို့ ပြောင်းလဲ စစ်ဆေးခဲ့ရာ ၂၂-၁၁-၂၀၁၅ ရက်နေ့ ၀၈၃၀ အချိန်တွင် စစ်ကိုင်းမြို့မရဲစခန်းသို့ စစ်ကိုင်းတိုင်းဒေသကြီး ရဲတပ်ဖွဲ့မှူးရုံးမှ ဒုတိယရဲအုပ် ဉာဏ်တင် ရောက်ရှိလာပြီး ယာဉ်တိုက်မှုဖြစ်ပွားသည့် ၎င်း၏ 1J/×××× WISH အဖြူရောင်မော်တော်ယာဉ်နှင့် အခင်းဖြစ်စဉ်က ယာဉ်အားမောင်းနှင်သည်ဆိုသူ ၎င်း၏ယောက်ဖ စစ်ကိုင်းမြို့၊ ပန်းဘဲတန်းရပ်ကွက်၊ အုတ်စက်ရပ်နေ သိန်းအောင်(၄၈)နှစ်အား အပ်နှံသဖြင့် အမှုဖြင့် ဖမ်းဆီးစစ်ဆေးခဲ့သည်။

စစ်ဆေးပေါ်ပေါက်ချက်အရ အခင်းဖြစ်ချိန်တွင် ယာဉ်မောင်းနှင်သူမှာ သိန်းအောင် မဟုတ်ဘဲ ဒုရဲအုပ် ဉာဏ်တင် ကိုယ်တိုင်ဖြစ်ကြောင်း သိရှိရသဖြင့် ၎င်းအား ၃၀-၁၁-၂၀၁၅ ရက်နေ့ ၁၆၄၅ အချိန် အမှုဖြင့်ဖမ်းဆီးခဲ့ကြောင်း၊ ရေးဖွင့်ထားသည့် ပြစ်မှုပုဒ်မ ၃၀၄-က/၃၃၈/၃၃၇ အပြင် ဥပဒေ အကြံပြုချက်တောင်းခံရယူ၍ ပြစ်မှုဆိုင်ရာဥပဒေပုဒ်မ ၂၀၃ ဖြင့်ပါ အရေးယူမည်ဖြစ်ကြောင်း၊ မြန်မာနိုင်ငံရဲတပ်ဖွဲ့ ရဲစည်းကမ်းထိန်းသိမ်းရေးဥပဒေအရလည်း ထပ်မံအရေးယူဆောင်ရွက်သွားမည် ဖြစ်ကြောင်း၊ အခင်းဖြစ်ချိန်က ယာဉ်အားမောင်းနှင်ခြင်းမပြုဘဲ မောင်းနှင်ကျူးလွန်ခဲ့ကြောင်း သူတစ်ပါးအယောင်ဆောင်ခဲ့သည့် ဒုရဲအုပ် ဉာဏ်တင်၏ယောက်ဖ သိန်းအောင် ကိုလည်း ပြစ်မှုဆိုင်ရာ ဥပဒေပုဒ်မ ၂၀၅ ဖြင့် ၁-၁၂-၂၀၁၅ ရက်နေ့တွင် တရားရုံးသို့ ဦးတိုက်လျှောက်ထား၍ တရားစွဲဆို သွားမည်ဖြစ်ကြောင်း သတင်းရရှိသည်။

ရဲဇာနည်
https://www.facebook.com/yezarnimedia

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ