အနိုင်ရပါတီကို အာဏာချောမွေ့စွာ လွှဲပေးရေး ဗိုလ်ချုပ်မှူးကြီး(ငြိမ်း) ဦးသန်းရွှေ အပေါ် မူတည်နေသလား

 တကယ်တော့ မြန်မာပြည်မှာစစ်တပ်နှင့် ဒီမိုကရေစီသည် ပြဒါးတလမ်းသံတလမ်းသာဖြစ်ပါသည်။

 ဗိုလ်ချုပ် နေ၀င်းလက်ထက်စစ်တပ်ကအာဏာသိမ်းပြီးရှိသမျှကိုအပိုင်သိမ်းလိုက်ကတည်းကစစ်တပ်နှင့် ပြည်သူလူထုသည်လည်းမဟာရန်သူဖြစ်သွားခဲ့ပါသည်။

လွတ်လပ်ရေးခေတ်တုန်းကစစ်ဗိုလ်စစ်သားကိုလူအများကချစ်ခင်ကြသလောက် စစ်အာဏာရှင်ခေတ်မှာတော့ တဖြည်းဖြည်းစစ်ဗိုလ်စစ်သားဆိုလျှင် လူထုကရွံကြောက်ကြောက်ကြသည်။

အစိုးရအုပ်ချုပ်ရေးယန္တရားတွင်ပါဝင်သောပုလိပ်ရဲသားများကိုလည်းငိုစားရယ်စားဆိုပြီးလူတကာရွံ့မုန်းတတ်ကြသည်။

ဒီမိုကရေစီခေတ်ကျလျှင်တော့စစ်ဗိုလ်စစ်သားသည် ပြည်သူလူထုကိုအကာအကွယ်ပေးသည့်သူများအဖြစ် ရဲ၊ ပုလိပ် များသည် လူဆိုးသူခိုးမရှိအောင် ထိန်းသိမ်းစောင့်ရှောက်သူများအဖြစ် ပြည်သူ့အချစ် ကို ပြန်ရအောင် အသွင်ပြောင်းပစ်ရမည် ဖြစ်သည်။

မြန်မာပြည်သူလူထုသည် နှစ်ပေါင်းများစွာဗိုလ်ကျစိုးမိုးနှိပ်စက်နေခဲ့သည့် စစ်အာဏာရှင်စနစ်ကို ၂၀၁၅ နိုဝင်ဘာ ၈ ရက်ကလက်နက်မဲ့ဆန္ဒဖော်ထုတ်မဲပေးခဲ့ကြပြီးပြီ။ ပြည်သူ့ပါတူကိုအလုံးအရင်းနှင့်မဲပေးခဲ့ကြသည်ကိုကြည့်ခြင်းဖြင့်ပြည်သူလူထုသည်ဘယ်လိုဆန္ဒရှိနေကြသလဲဆိုသည်ကိုသိသင့်ကြပြီဖြစ်သည်။

လူထုခေါင်းဆောင်အဖြစ်အားလုံးကမျှော်လင့်အားထားယုံကြည်ကိုးစားသောဒေါ်အောင်ဆန်စုကြည်ကသူမ၏ဟောပြောပွဲများတွင် လူကိုမကြည့်နှင့် ပါတီတံဆိပ်ကိုပဲကြည့်ပြီးမဲပေးကြပါဟုပြောလိုက်သည်နှင့် ပြည်သူလူထုကလည်းတသွေမတိမ်းNLDမဲပေးလိုက်ကြ သည်မှာစစ်ကိုင်းတိုင်း၊ မြင်းမူမြို့နယ် NLDကိုယ်စားလှယ်လောင်းသည် ကွယ်လွန်သွားသည့်တိုင် အားလုံးတညီတညွတ်တည်းမဲပေးလိုက်ကြသည်မှာကွယ်လွန်သွားသူပင် အနိုင်ရသွားခဲ့ပါ သည်။

အနိုင်ရပါတီကိုအာဏာမလွှဲရသေးချိန်အထိ ပြည်သူလူထုကတော့ ရင်တဒိတ်ဒိတ်နှင့် အာဏာလွှဲမှလွှဲပါ့ မလား။ ၁၉၉၀ တုန်းကလည်းNLDနိုင်ခဲ့တာအကြောင်းပြပြီးအာဏာလွှဲမပေးခဲ့ဘူး။ ခုလည်းအဲဒီလိုများလုပ်ဦးမလားမသိဘူးဟု ပြည်သူလူထုတွေကစိုးရိမ် ပူပန်နေကြသည်။

ပြည်သူလူထုသည် တာဝန်ကျေခဲ့ပါ သည်။ ၈-၈-၁၉၈၈ တုန်းကလည်းလူ့ အသက်ပေါင်းများစွာအဆုံးရှုံးခံ၊လူပေါင်းများစွာအကျဉ်းကျခံ၊ ထောင်ထဲမှာအညှဉ်းဆဲခံကာကျောင်းသား၊ ပြည်သူတရပ်လုံး တာဝန်ကျေခဲ့ပြီဖြစ်သည်။

၁၉၉၀ တုန်းကလည်း မြန်မာပြည် သူလူထုသညNLDကိုတခဲနက်ထောက် ခံကာဒီမိုကရေစီစနစ်နှင့်သွားပါဟုဆန္ဒမဲပေးခဲ့ကြသည်။ သို့သော် အာဏာရှင်များ က အာဏာကိုလက်မလွှတ်။

ယခု ၂၀၁၅ နိုဝင်ဘာ ၈ ရက်မှာ ပြည်သူလူထုသည် တာဝန်ကျေပွန်ပါ သည်။NLDကိုတခဲနက် မဲပေးကာဒီမိုကရေစီဘက်သားအနိုင်ရစေခဲ့ပါသည်။
ယခုလောက်ဆိုလျှင် အာဏာရှင် များသိလောက်ပါပြီ။ မဲမပေးမီကချက်ချင်းပြောင်းလဲလျှင် အန္တရာယ်ရှိသည်။

ဒီမိုကရေစီပြောင်းလိုသောအာရပ်ကမ္ဘာမှာဘယ်လိုပဋိပက္ခစစ်ပွဲကြီးတွေ ဖြစ်နေသည်ကိုသတိပြုပါဟုပင်လူထုကိုသတိပေးခဲ့ သေးသည်။ ကြောက်မက်ဖွယ်စစ်ပွဲဖြစ် လိမ့်မည်ဟုပင် ဆိုခဲ့ပါသေးသည်။

သို့သော်မဲပေးရာတွင် ချောချောမွေ့မွေ့ဖြစ်ပြီးမဲရေတွက်ရာတွင်လည်းအချို့သောနေရာအနည်းငယ်မှလွဲ၍ အားလုံးမှန်မှန်ကန်ကန်အဖြေမှန်ကိုသိရသည်။

ဒီတော့ဘယ်သူမှစိတ်မ၀င်စားဘူးဟုထင်ခဲ့ရသောရွေးကောက်ပွဲလည်းလူထုတရပ်လုံးတခဲနက်လာရောက်မဲပေးခဲ့ကြ၍NLDကိုအနိုင်ရစေခဲ့ပါသည်။ မြန်မာသိ၊ ကမ္ဘာသိ ဖြစ်ရပ်တခုဖြစ်ပြီး ပြည်ပနိုင်ငံများကပင် အံ့အားသင့်ခဲ့ကြ သည်။

ယခုအခNLDအနိုင်ရပါတီကိုအာဏာလွှဲပေးရုံသာရှိသည်။ ဤနောက် ဆက်တွဲဇာတ်လမ်းကိုတော့ လူထုခေါင်းဆောင် ဒေါ်အောင်ဆန်းစုကြည် ဘယ်လိုကိုင်တွယ်ဖြေရှင်းမလဲလူထုကစောင့် မျှော်ကြသည်။ ဒေါ်အောင်ဆန်းစုကြည်ကသမ္မတဦးသိန်းစိန်၊ ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်တို့နှင့်တွေ့ ဆုံဆွေးနွေးမည်ဟုဆိုပါသည်။
ဤနေရာတွင် အဓိကဇာတ်ကောင် မှာအငြိမ်းစားဗိုလ်ချုပ်မှူးကြီးဦးသန်းရွှေ ပင်ဖြစ်ပါသည်။ လွှတ်တော်တို့၊ ရွေးကောက်ပွဲတို့ဆိုသည့် အခင်းအကျင်းများသည် အငြိမ်းစားဗိုလ်ချုပ်မှူးကြီးဦးသန်းရွှေ ဦးစီးခင်းကျင်းခဲ့သောအခင်းအကျင်းပင် ဖြစ်သည်။

ဤအခင်းအကျင်းအတိုင်းသွား ပြီးစစ်တပ်ကျောထောက်နောက်ခံရှိသည့် ကြံ့ခိုင်ရေးနှင့် ဖွံ့ဖြိုးရေးပါတီအနိုင်ရမည်။ သို့မဟုတ် မဲပြန့်သွားပြီးညွန့်ပေါင်းအစိုးရတက်လာမည်။ လွှတ်တော်ထဲတွင် စစ်တပ် က ၂၅ ရာခိုင်နှုန်းအလိုအလျောက်ရှိနေသဖြင့် အပြင်ကမဲ ၂၅ ရာခိုင်နှုန်းရလျှင် သူတို့၏လက်ခွဲပါတီများ၏ မဲနှင့်ပေါင်းပြီးညွန့်ပေါင်းဖွဲ့မည်ဟုခန့်မှန်း၍ ဖွဲ့စည်းပုံ၊ လွှတ်တော်၊ ရွေးကောက်ပွဲတို့နှင့် ခင်းကျင်းထားခဲ့သည်။NLDမည်သို့မျှ မဲအနိုင်မရအောင် ဖွဲ့စည်းထားပြီးသားဖြစ်သည်။

ဤသို့သောအကျပ်အတည်းများ ကြားကနေပြီးNLD သည်သာအနိုင်ရ ဖြစ်အောင်ရသွားခဲ့ပြီ။ ဒီတော့ စစ်တပ် ကျောထောက်နောက်ခံအစိုးရကဘာလုပ် မလဲ။NLDကိုကျဉ်းထဲကျပ်ထဲကျ အောင် လုပ်ထားပါလျက် အနိုင်ရသွားခြင်း ဖြစ်သည်။

ယခုအခါနိုင်ငံတော်သမ္မတနှင့်ကာကွယ်ရေးဦးစီးချုပ်တို့ထံမှအာဏာကိုလွှဲပေးမည်။ ပြည်သူလူထုစိတ်မပူပါနှင့်ဟူသောစကားများကြားရသည်။
တကယ်တော့ အငြိမ်းစားဗိုလ်ချုပ်မှူးကြီးခင်းပေးသောလမ်း ဖြစ်ပြီးသူသာလျှင် သမ္မတဦးသိန်းစိန်နှင့် ကာကွယ်ရေးဦးစီးချုပ်တို့အပေါ် သြဇာညောင်းသူဖြစ်သည်။

တခုထူးဆန်းသည်မှာလည်း အငြိမ်းစားဗိုလ်ချုပ်မှူးကြီးဦးသန်းရွှေ ၏မြေးဖိုးလပြည့်ခေါ် နေရွှေသွေးအောင်ကဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် လာတွေ့သည်ဟုဆိုသည်။

သူတို့၏အကျိုးစီးပွားအတွက်ပဲဖြစ်မည်ဟုအများကခန့်မှန်းပြောဆိုကြသည်။ ဘာအတွက် လာတွေ့သည်ကိုတော့ တရားဝင်ထုတ် မပြောသေးပါ။

အငြိမ်းစားဗိုလ်ချုပ်မှူးကြီးဦးသန်းရွှေ သည် လွှတ်တော်တို့၊ ရွေးကောက်ပွဲတို့ အခင်းအကျင်းများခင်းကျင်းခဲ့ပြီးနောက်၊ အနိုင် ရပါတီအပေါ် အာဏာလွှဲပေးရန်လည်းသူ့မှာသာ တာဝန်ရှိပါသည်။ သမ္မတဦးသိန်းစိန်၊ ကာကွယ်ရေးဦးစီးချုပ်တို့အားအာဏာကိုအသာတကြည် ချောချောမောမောလွှဲပေးရန် အငြိမ်းစားဗိုလ်ချုပ်မှူးကြီးထံတွင်သာမူတည်ပါသည်။

စစ်အာဏာရှင်စနစ်အောက်မှာအောက်တန်းနောက်တန်းကျနေသော မြန်မာနိုင်ငံကိုဒီမိုကရေစီခရီးလမ်းကြောင်းချောမွေ့ဖြောင့်ဖြူးရန်မှာအငြိမ်းစားဗိုလ်ချုပ်မှူးကြီးဦးသန်းရွှေ၊သမ္မတဦးသိန်းစိန်၊ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်တိုဒေါ်အောင်ဆန်းစုကြည် နှင့် မျက်နှာချင်းဆိုင်ပြီးရိုးရိုးသားသား၊ သဘောထားကြီးစွာ ပြည်သူလူထုအပေစိတ်ကောင်းစေတနာထားကာညီညာဖြဖြဆွေးနွေးညှိနှိုင်းကြပါရန်အရေးကြီးနေပြီ ဖြစ်ပါကြောင်း တင်ပြလိုက်ရပါသည်။

တင်တင်ဦး
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal