 |
| ပဲရစ် ဥတုရာသီ ထိပ်သီးညီလာခံ ကန်သမ္မတ မိန့်ခွန်းပြော။ ( နိုဝင်ဘာ ၃၀၊ ၂၀၁၅) |
ညီလာခံကို တက်ရောက်နေကြတဲ့ နိုင်ငံ အသီးသီးက ခေါင်းဆောင်တွေ အနေနဲ့ လောင်စာဆီတွေ သုံးစွဲမှုက ထွက်လာတဲ့ မီးငွေ့တွေ လျော့ကျပြီး ကမ္ဘာ့အပူချိန် မြင့်တက်လာမှုကို ကန့်သတ်ကြဖို့အတွက် အရေးတကြီး စဉ်းစား ဆုံးဖြတ်ကြဖို့ အမေရိကန်ပြည်ထောင်စုနဲ့ တခြား နိုင်ငံတွေမှာ ရရှိခဲ့ပြီးဖြစ်တဲ့ တိုးတက်မှုတွေကို နမူနာပေးပြီး သမ္မတ အိုဘားမား တိုက်တွန်း ပြောကြားလိုက်ပါတယ်။
အဲဒီ တိုးတက်မှုတွေကို အခြေခံပြီး လူသားမျိုးနွယ်အတွင်း ထာဝရ တိုးတက်ကောင်းမွန်စေမယ့် အခြေခံ အုတ်မြစ်ဖြစ်လာအောင် ပြောင်းလဲ လုပ်ဆောင်ကြဖို့ ပဲရစ်ညီလာခံကို တက်လာကြသူတွေရဲ့ လုပ်ငန်း တာဝန်ဖြစ်ကြောင်း၊ ယာယီ ဖြေရှင်းတဲ့ပုံစံမျိုးမဟုတ်ပဲ အနာဂတ်မှာ ကာဗွန်ဓါတ်ငွေ့တွေ လျော့ကျနိုင်မယ့် ရေရှည်မဟာဗျူဟာ ချမှတ် လုပ်ဆောင်ကြဖို့ဖြစ်ကြောင်း သမ္မတ အိုဘားမားက ပြောပါတယ်။
ဒီထိပ်သီးညီလာခံရဲ့ ရည်မှန်းချက်ဟာ ဥတုရာသီ ပြောင်းလဲမှုကို ဖြစ်ပေါ်စေတယ်လို့ ယူဆထားကြတဲ့ လောင်စာဆီ သုံးစွဲမှုက ထွက်ပေါ်လာတဲ့ မီးခိုးငွေ့တွေ လျော့ချပြီး စက်မှုတော်လှန်ရေးမစတင်ခင်ခေတ်က ရှိခဲ့တဲ့ အပူချိန်လောက်ရောက်အောင် ကမ္ဘာ့အပူချိန် ပျမ်းမျှ ၂ ဒီဂရီ Celsius ထက်မနဲ မပိုအောင် ကန့်သတ်ထားချက် ထားကြဖို့ ဖြစ်ပါတယ်။
အခုနှစ်အတွင်း ကမ္ဘာ့အပူချိန်ဟာ ပျမ်းမျှ ၁ ဒီဂရီ Celsius အထိ တက်လာမယ့် အလားအလာရှိတယ်လို့ ကုလသမဂ္ဂ ရာသီဥတုဆိုင်ရာ အေဂျင်စီ က ပြောကြား ထားတဲ့အတွက် ကုလသမဂ္ဂက သတ်မှတ်ထားတဲ့ ယာထားချက် ထက်ဝက်နီးပါးကို ရောက်လာနေပြီ ဖြစ်ပါတယ်။
ဗွီအိုအေ (မြန်မာပိုင်း)
http://burmese.voanews.com
ရာသီဥတု ပြောင်းလဲမှု ပြဿနာ ဖြေရှင်းဖို့ သမ္မတ အိုဘားမား တိုက်တွန်း
Reviewed by THITHTOOLWIN
on
22:12
Rating:
Reviewed by THITHTOOLWIN
on
22:12
Rating:
