ရှရီနာဂါ ၊ ၂၄-၁၁-၂၀၁၅
ဟင်ဒူ ဘုရားဖူးများကို တင်ဆောင် လာသော ရဟတ်ယာဉ် တစ်စင်းသည် နိုဝင်ဘာ ၂၃ ရက်တွင် အိန္ဒိယနိုင်ငံက ထိန်းချုပ်ထားသော ကက်ရ်ှမီးယား ဒေသ၌ ပျက်ကျခဲ့ရာ ရဟတ်ယာဉ် ပေါ်ပါ ခရီးသည် ခုနစ်ဦး စလုံးသေဆုံး ခဲ့ကြောင်း ရဲတပ်ဖွဲ့က ပြောကြား ထားသည်။
''ပုဂ္ဂလိက ကုမ္ပဏီတစ်ခု ဖြစ်တဲ့ Himalayan Heli Services က ပိုင်ဆိုင်တဲ့ ရဟတ်ယာဉ် တစ်စင်းဟာ ဆန်ဂျီချက် ကနေ ကာထရာမြို့ ကိုပြန်လာစဉ် ဒေသ စံတော်ချိန် မွန်းလွဲ ၁၂ နာရီ ၅၅ မိနစ်မှာ လေယာဉ်ကွင်းက ထွက်ခွာပြီး မကြာမီ ပျက်ကျခဲ့တာ ဖြစ်ပါတယ်။ ရဟတ်ယာဉ် ပျက်ကျမှုကြောင့် အမျိုးသမီး ရဟတ်ယာဉ်မှူး တစ်ဦး အပါအဝင် ခုနစ်ဦး စလုံး သေဆုံးခဲ့တာ ဖြစ်ပါတယ်။ ဒီရဟတ်ယာဉ် ပျက်ကျရတဲ့ အကြောင်းရင်းနဲ့ ပတ်သက် ပြီးတော့ အသေးစိတ် ပြောကြားဖို့ရာ စောနေ ပါသေးတယ်။ ဒါပေမဲ့ နည်းပညာပိုင်း ချွတ်ယွင်းမှုကြောင့် ဖြစ်ဖို့ များပါတယ်'' ဟု ရီးဆီးခရိုင် ရဲတပ်ဖွဲ့မှ အဆင့်မြင့် ရဲအရာရှိ ဆာဂျိကူမား က ဆင်ဟွာ သတင်းဌာနသို့ ပြောကြား ထားသည်။
ထို့ပြင် ရာသီဥတု အခြေအနေ မကောင်း သောကြောင့် ရဟတ်ယာဉ် ပျက်ကျရာ နေရာသို့ ကယ်ဆယ်ရေး ရဟတ်ယာဉ်များ သွားရောက်ရန် ကြန့်ကြာခဲ့ခြင်း ဖြစ်ကြောင်း တာဝန်ရှိသူ များက ပြောကြား ထားသည်။
ရဟတ်ယာဉ်ပေါ် လိုက်ပါလာသူ များသည် တြိကုတ တောင်ပေါ်ရှိ မာတာဗေ့ရ်ှနိုး ဒေးဗီ ဘုရားကျောင်းသို့ သွားရောက်ကြ သူများ ဖြစ်ကြောင်း သိရသည်။
PyiChitThar
http://www.pyichitthar.com
အိန္ဒိယဘုရားဖူး ရဟတ်ယာဉ် ကက်ရ်ှမီးယားဒေသ၌ ပျက်ကျရာ ခုနစ်ဦးသေဆုံး
Reviewed by THITHTOOLWIN
on
20:02
Rating: