မာလီတိုက်ခိုက်မှု၊ ဓားစာခံတွေ ကယ်ဖို့ ဟိုတယ်ကို ဝင်ရှင်း

ဓားစာခံ ၃၀ သာ လွတ်မြောက်လာသေး။

မာလီ နိုင်ငံ၊ ဘာမာကို မြို့တော်မှာ အမေရိကန်က ပိုင်ဆိုင်တဲ့ ဟိုတယ် တစ်လုံးကို အစ္စလာမ္မစ် စစ်သွေးကြွတွေက ဝင်စီးပြီး လူ ၁၇၀ လောက်ကို ဓားစာခံ အဖြစ် ဖမ်းဆီး ထားရာမှာ မာလီ အထူးတပ်ဖွဲ့တွေက အဲဒီ ဟိုတယ်ထဲကို ဝင်ရောက် ရှင်းလင်း ခဲ့တယ်လို့ သိရပါတယ်။

ဓားစာခံ အယောက် ၃၀ လောက် ပြန်လွတ်လာပြီး အထဲမှာ ၁၃၈ ယောက် ကျန်နေဆဲ ဖြစ်တယ်လို့ ဆိုပါတယ်။

စီးပွားရေး လုပ်ငန်းရှင်တွေ၊ လေကြောင်းလိုင်း ဝန်ထမ်းတွေ အသုံးများတဲ့ Radisson Blu လို့ ခေါ်တဲ့ အဲဒီ ဟိုတယ်ကို သေနတ် သမားတွေက အစ္စလာမ္မစ် အယူဝါဒတွေ ကြွေးကြော်ပြီး ပစ်ခတ် ဝင်ရောက်ခဲ့တာ ဖြစ်ပါတယ်။

အခုချိန်အထိ လူ ၃ ဦး သေဆုံးပြီး စစ်သား ၂ ဦး ဒဏ်ရာ ရခဲ့တယ်လို့ အာဏာပိုင်တွေက ပြောပါတယ်။

ဒီတိုက်ခိုက်မှုဟာ IS အစ္စလာမ္မစ် နိုင်ငံအဖွဲ့ရဲ့ လက်ချက် မဖြစ်နိုင်ပေမယ့် အာဖရိက အနောက် မြောက်ပိုင်းက အစ္စလာမ် အစွန်းရောက် ဝါဒီတွေ ပါဝင် ပတ်သက်ဖွယ် ရှိတယ်လို့ ဘီဘီစီ သတင်းထောက်က ပြောပါတယ်။

BBC Burmese
http://www.bbc.com/burmese