ကြံ့ခိုင်ဖွံ့ဖြိုးရေးပါတီ ၈ဝ ရာခိုင်နှုန်း အထိ နိုင်ချေရှိကြောင်း ဦးဌေးဦးပြော

 အောက်တိုဘာလ ၂ ရက်နေ့က ဧရာဝတီတိုင်းဒေသကြီး ဟသာင်္တမြို့နယ် ရှားခဲကျေးရွာမှာ ပြည်ခိုင်ဖြိုးပါတီ ပူးတွဲဥက္ကဌ ဦးဌေးဦး မဲဆွယ်စည်းရုံးဟောပြောစဉ်။ Photo: Wai Yan Moe Myint/RFA

 ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီဟာ လာမယ့်ရွေးကောက်ပွဲမှာ ၆၅ ရာခိုင်နှုန်း ကနေ ၈ဝ ရာခိုင်နှုန်းအထိ အနိုင်ရလိမ့်မယ်လို့ ခန့်မှန်းကြောင်း ပါတီရဲ့ပူးတွဲ ဥက္ကဌ ဦးဌေးဦးက ဒီကနေ့ ပြောကြားလိုက်ပါတယ်။ ရွေးကောက် ပွဲအတွက် နောက်ဆုံးမဲဆွယ် ခွင့်ပြုတဲ့နေ့မှာ ဟင်္သာတမြို့ကို ရောက်ရှိနေတဲ့ ဦးဌေးဦးကို RFA က ဆက်သွယ် မေးမြန်းစဉ်သူက အခုလိုပြောကြားခဲ့တာဖြစ်ပါတယ်။

"ကျနော်တို့ကတော့ ၈ဝ ရာခိုင်နှုန်းလို့ ကျနော်တို့ခန့်မှန်းတယ်၊ ကျနော့်အနေနဲ့ကတော့ တချို့လည်း ၈ဝ ရှိမှာပေါ့၊ တချို့လည်း ၈ဝ ထက်နည်းမှာပေါ့၊ ပျှမ်းမျှဆိုရင်တော့ ကျနော်တို့ ၆၅၊ ၇ဝနဲ့ ၈ဝ ကြားပတ်ဝန်းကျင်မှာတော့ ကျိန်းသေရှိမယ်လို့ ခန့်မှန်းလို့ရပါတယ်"

တဆက်တည်းမှာပဲ ဒီရက်ပိုင်းအတွင်း သူရဦးရွှေမန်းပြောကြားတဲ့ စကားတွေနဲ့ ပတ်သက်ပြီး သဘောထား ကို မေးမြန်းရာမှာတော့ သူရဦးရွှေမန်းဟာ လက်ရှိ ဗဟိုကော်မတီဝင်မဟုတ်တော့ကြောင်း၊ သူပြောတဲ့ စကားတွေ ဟာ သူ့ရဲ့ ကိုယ်ပိုင်အမြင်သာဖြစ်ကြောင်း ဖြေကြားပါတယ်။

မဲစာရင်းတွေပိုနေတဲ့ ပြသနာနဲ့ပတ်သက်လို့ မေးမြန်းရာမှာတော့ အဲဒီပြသနာကြီးကြီးမားမား မရှိကြောင်း ပြောပါတယ်။

RFA Burmese
http://www.rfa.org/burmese